Wizz Air-მა, ევროპის ყველაზე სწრაფად მზარდმა, ცენტრალური და აღმოსავლეთ ევროპის წამყვანმა ავიაკომპანიამ, დღეს წარმოადგინა თავისი 250-ე თვითმფრინავი. ეს არის მნიშვნელოვანი ისტორიული ეტაპი, რომელიც აღნიშნავს, რომ კომპანიამ უკვე გაიარა ნახევარი დიდი მიზნის, 500 თვითმფრინავისგან შემდგარი ფლოტის სავალ გზაზე. ეს მიღწევა კიდევ ერთხელ უსვამს ხაზს ავიაკომპანიის მდგრადი განვითარებას გეგმას და კომპანიის ცხოვრებაში სრულიად ახალ ეტაპს იწყებს. Wizz Air გააგრძელებს ხელმისაწვდომი საჰაერო მოგზაურობის გაფართოებას ევროპასა თუ მის ფარგლებს გარეთ.

250-ე თვითმფრინავი მხოლოდ რაოდენობრივი ნიშნული არაა, ის არის Wizz Air-ის დიდი ამბიციის, გრძელვადიანი სტრატეგიის და იმ ადამიანების ერთობლივი ძალისხმევის შედეგი, რომელბიც ქმნიან ავიაკომპანიის წარმატებას. სასურველ ნიშნულამდე ნახევარი გზის გავლა აჩვენებს, რამდენად შორს წავიდა კომპანია ხელმისაწვდომი ფრენების განვითარებაში და რამდენი შესაძლებლობა რჩება წინ.

„მე-250 თვითმფრინავი გაცილებით მეტია, ვიდრე უბრალოდ კიდევ ერთი თვითმფრინავის დამატება ჩვენს ფლოტში - ეს გადამწყვეტი მომენტია Wizz Air-ის ისტორიაში“, - განაცხადა Wizz Air-ის აღმასრულებელმა დირექტორმა, იოჟეფ ვარადიმ. „ეს ეტაპი ასახავს გაბედული გადაწყვეტილებების, დაუღალავი ინოვაციების ორ ათწლეულზე მეტს - ათასობით კოლეგისა და პარტნიორის შრომას, რომლებიც იზიარებენ ერთსა და იმავე ხედვას და სჯერათ, რომ საჰაერო მოგზაურობა ყველასთვის ხელმისაწვდომი უნდა იყოს. ეს ადასტურებს, რომ ჩვენი სტრატეგია მუშაობს და ჩვენი იდეა ახლა უფრო ძლიერია, ვიდრე ოდესმე. ჩვენი მისიაა გავაორმაგოთ ჩვენი ფლოტი მომავალ ათწლეულში და მომხმარებლებს კიდევ უფრო მეტი დაბალბიუჯეტიანი ფრენა შევთავაზოთ.

250 არ არის მხოლოდ რიცხვი - ეს არის ჩვენი ამბიციის სიმბოლო და ჩვენი მოგზაურობის შემდეგი თავის საწყისი წერტილი. ერთად ჩვენ გავაგრძელებთ გაფართოებას, ინოვაციების დანერგვას და საჰაერო მოგზაურობას კიდევ უფრო ხელმისაწვდომს გავხდით მილიონობით ადამიანისთვის. მომავლი ჩვენს ხელშია”.

„ჩვენ ვულოცავთ Wizz Air-ს 250 თვითმფრინავის ეტაპს. ეს ისტორიული ეტაპი არის Airbus-სა და Wizz Air-ს შორის ორ ათწლეულზე მეტი ხნის წარმატებული პარტნიორობის ძლიერი დემონსტრირება“, - განაცხადა იოჰან პელისიერმა, Airbus-ის ევროპის რეგიონის პრეზიდენტმა. „260-ზე მეტი A320 ოჯახის თვითმფრინავით, მათ შორის მაღალეფექტური A321neo-თი, Airbus-ის თვითმფრინავები Wizz Air-ის ამბიციის საფუძველია, ჰქონდეს ევროპაში ერთ-ერთი უდიდესი და ყველაზე ეფექტური ფლოტი. ჩვენ სამართლიანად ვამაყობთ, რომ ჩვენი თვითმფრინავები Wizz Air-ის ბიზნეს მოდელის და ქსელის გაფართოების გეგმის მთავარი მამოძრავებელი ძალაა.“



SMBC Aviation Capital-ის აღმასრულებელმა დირექტორმა, პიტერ ბარეტმა, განაცხადა: „ჩვენ მოხარულები ვართ, რომ მხარს ვუჭერთ Wizz Air-ს ამ მნიშვნელოვან მიღწევას. მათთვის 250-ე თვითმფრინავის მიწოდებაში მონაწილეობა ჩვენი ხანგრძლივი ურთიერთობის სიძლიერისა და Wizz Air-ის ზრდის ისტორიის დასტურია. ჩვენ მოუთმენლად ველით თანამედროვე, საწვავ-ეფექტური თვითმფრინავების მიწოდებას, რაც Wizz Air-ს საშუალებას მისცემს რეალობად აქციოს ზრდის ამბიციური სტრატეგია.“

დღევანდელი დღე განსაკუთრებული იყო Wizz Air-ის გლობალური დიზაინის კონკურსის გამარჯვებული სპეციალური ლივრეის პრეზენტაციითაც. ეს არის საზოგადოებისათვის შექმნილი ვიზუალური ისტორია, რომელიც ავიაკომპანიის განვლილ გზას აჯამებს და მის სამომავლო გეგმებს გამოხატავს. კონკურსში მონაწილეობდნენ დიზაინერები, Wizz Air-ის ერთგული მომხმარებლები და თანამშრომლები მთელი მსოფლიოდან. ღონისძიებაზე კიდევ ერთხელ გამოიკვეთა WIZZ-ის ბრენდის ძალა, შემოქმედება და ენერგია.

ამ მნიშვნელოვანი ეტაპის აღსანიშნავად, Wizz Air-მა ასევე დაიწყო ქსელური კამპანია შერჩეულ მიმართულებებზე 30%-მდე ფასდაკლებით. მოგზაურობის პერიოდი უნდა მოიცავდეს 2026 წლის 26 მარტამდე პერიოდს. ბილეთები უკვე ხელმისაწვდომია wizzair.com-სა და WIZZ აპლიკაციაში.
Wizz Air მომავალშიც გააგრძელებს გაფართოებას იქ, სადაც მოთხოვნა ყველაზე მაღალია, ახალგაზრდა და თანამედროვე Airbus-ის ფლოტის საშუალებით. პუნქტუალურობაზე, საიმედოობაზე და მომხმარებლის გამოცდილების უწყვეტ გაუმჯობესებაზე მკაფიო ფოკუსირებით, ავიაკომპანია ისტორიის შემდეგ ეტაპს იწყებს იმ უცვლელი ამბიციითა და პიონერული სულისკვეთებით, რამაც განსაზღვრა მისი გზა 250-ე თვითმფრინავის ეტაპამდე.

Wizz Air-ის შესახებ

Wizz Air-ი ოპერირებს 250 Airbus A320 და A321 თვითმფრინავისგან შემდგარი ავიაფლოტით. ავიაციის ერთგული პროფესიონალების გუნდი გთავაზობთ უმაღლეს მომსახურებასა და ძალიან დაბალ ტარიფებს, რის გამოც Wizz Air-ი გახდა სასურველი არჩევანი 63,4 მილიონი მგზავრისთვის 2025 წელს. Wizz Air-ი განთავსებულია ლონდონის საფონდო ბირჟაზე WIZZ-ის სახელით. 2021-2025 წლებში Wizz Air-ი World Finance Sustainability Awards-ის მიერ „ყველაზე მდგრადი დაბალბიუჯეტიანი ავიაკომპანიად“ იქნა აღიარებული. 2025 წელს, საავიაციო ანალიტიკური კომპანიის Cirium-ის მონაცემებით, Wizz Air-მა გაიმარჯვა ავიაკომპანიების ემისიების შეფასებაში — რაც მისი ემისიების ინტენსივობის შემცირებისკენ გატარებული ქმედებების დამსახურებაა. სულ ახლახანს, 2025 წლის სექტემბერში, Airline Economics Sustainability Awards-ის გალა-დაჯილდოებაზე, მას 2025 წლის მდგრადი ავიაკომპანიის ტიტული მიენიჭა.