დღევანდელ სამყაროში 50 წელი ჯერ კიდევ არ არის ხანდაზმულობა; ამ ასაკში ბევრი ადამიანი დადის სპორტდარბაზში, იკვლევს სამყაროს, სწავლობს უცხო ენებს და იძენს ახალ მეგობრებს, მაგრამ ბავშვები მზად არიან, ჯანმრთელობის პრობლემების პირველივე ნიშნისთანავე პენსიონრის იარლიყი მოგაწერონ.

რა ხდის ადამიანს „მოხუცს“?

მკვლევარებმა 7-დან 16 წლამდე ასაკის 1000 ბავშვი გამოკითხეს, ექსპერიმენტში მონაწილეებს უნდა გამოეცნოთ ზრდასრულთა ასაკი მათი ჰობის მიხედვით - სიაში შედიოდა ძალოსნობა, საბრძოლო ხელოვნება, იოგა, კლდეზე ცოცვა და მრავალი სხვა აქტიური საქმიანობა. ბავშვები გაოცებას ვერ მალავდნენ, მათთვის წარმოუდგნელი იყო, რომ ამ ასაკში ადამიანებს შეუძლიათ მსგავსი ჰობით გატაცება.
გაგაცნობთ იმ პუნქტებს, რაც ბავშვებმა სიბერის ნიშნებად დაასახელეს:

• ტკივილსა და დაღლილობაზე ჩივილი
• დღის განმავლობაში ტელევიზორის ყურება
• რადიოს მოსმენა
• ამინდის შესახებ ხშირი საუბარი
• კროსვორდის ამოხსნა
• ქსოვა

გაგიკვირდებათ და 30 წლის ასაკშიც კი ბავშვებს შეუძლია თქვენი „ჩამოწერა“.

გამოკითხულთა კიდევ 18% კი, 30 წლის ადამიანებს არა ხანდაზმულ, არამედ მოსაწყენ ადამიანებად მიიჩნევს, რომლებთანაც განსაკუთრებით არ სურთ ურთიერთობა, მით უმეტეს, მეგობრობა.

თუმცა, სამართლიანობისთვის უნდა ითქვას, რომ სტატისტიკურად ყველაზე საშიში ასაკი 50 წელია. ამ ასაკის შემდეგ ბავშვები სრულიად კარგავენ რწმენას თქვენი „ახალგაზრდობის“ შესახებ.
ბავშვების თვალსაზირისით ყველაზე ცუდი „ასაკთან დაკავშირებული“ სიმპტომებია:

• ქრონიკული ტკივილი
• ნაოჭები და ჭაღარა თმა
• გულმავიწყობა
• სათვალის ტარება
• ენერგიის ნაკლებობა.

მეორეს მხრივ, ყველაფერი ისეთი პესიმისტური არ არის, როგორც ერთი შეხედვით ჩანს; როდესაც ბავშვებს ჰკითხეს, თუ რა სარგებელი აქვს სიბერეს, მათ შემდეგი პასუხები გასცეს:

• ბედნიერება (29%)
• გართობა (21%)
• ჯანმრთელობა (20%)
• ცხოვრებისეული გამოცდილება (47%)

სხვა სიტყვებით რომ ვთქვათ, ბავშვები აღიარებენ, რომ ასაკთან ერთად მოდის არა მხოლოდ ჭაღარა თმა, ან ქრონიკული ტკივილები, არამედ სიბრძნე, თავისუფლება და ბედნიერი და სრულფასოვანი ცხოვრების რესურსები.