ზოგიერთი წყვილი თანაგრძნობითა და სიკეთით ტკბება, რადგან მათი მოსიყვარულე, ინტიმური და ვნებიანი ურთიერთობა ურყევია როგორც ბედნიერ, ასევე განსაცდელით სავსე დროს.

TREND ასახელებს ურთიერთობის ხუთ ვარიანტს, რომელიც აჩვენებს, თუ როგორ ეხმარება თანაგრძნობა და სიკეთე წყვილებს რთული პერიოდის გადალახვაში.

1. წვლილი შეიტანეთ ერთმანეთის ცხოვრებაში

რამდენ დროს ხარჯავთ ყოველდღიურად იმაზე ფიქრში, თუ როგორ გახადოთ თქვენი პარტნიორის ცხოვრება უფრო მშვენიერი? ფსიქოლოგმა უილ მიკმა განმარტა: „თანამგზავრობა და კუთვნილების გრძნობა ჩვენი მოთხოვნილებაა, გავუზიაროთ ერთმანეთს ჩვენი ცხოვრება და გვქონდეს კუთვნილების, მიღებისა და სხვებთან კავშირის განცდა.

ეს არის მოთხოვნილება, ვიგრძნოთ, რომ გვერდით ვიღაც გვყავს, რომელსაც შეგვიძლია დავეყრდნოთ და ამით შვებაც ვიგრძნოთ.“

2. გაითვალისწინეთ მათი საჭიროებები

ოდესმე გიფიქრიათ რა იყო ყველაზე ეფექტური გზა პარტნიორის სახეზე ღიმილის მოსაგვრელად? თუ ამ საკითხს ამ რაკურსით შეხედავთ, ეს გამოიწვევს პარტნიორში დადებით ემოციებს და წყვილს შორის ჰარმონიული კავშირის დამყარებას.

ის წყვილები, რომლებიც იზიარებენ ინტიმურობისა და კმაყოფილების უდიდეს ხარისხს, არ არიან ისინი, ვინც განიცდიან ყველაზე ნაკლებ კონფლიქტს ან ყველაზე ნაკლებ წყენას, არამედ ისინი არიან, ვინც არიან მზად ურთიერთობისთვის როგორც გულწრფელობით, ასევე მგრძნობელობით.

3. ნუ დააგროვებთ წყენას

ერთად ყოფნის სურვილი დიდწილად ნდობასა და გრძელვადიან ურთიერთობაში უსაფრთხოების განცდაზეა დაფუძნებული.
ეცადეთ არასოდეს მისცეთ წყენას დაგროვების უფლება, თუ ამას გააკეთებთ, თქვენ გარიყულნი აღმოჩნდებით ინტიმურად და ემოციურადაც.

4. გუნდურად შეხვდით ფინანსურ სტრესს

ფინანსურმა ზეწოლამ შეიძლება ან დაგაახლოოთ ერთმანეთს, თქვენ ორნი მსოფლიოს წინააღმდეგ, ან ერთ-ერთი თქვენგანი აიძულოს დატოვოს ჩაძირული გემი.

ერთობლივი ბიუჯეტის შექმნა საშუალებას გაძლევთ იმუშაოთ საერთო და ინდივიდუალური მიზნებისკენ, ეს ორივეს გაგაძლიერებთ, რადგან შეთანხმდებით ვალის სამართლიან განაწილებაზე და ორივე გაცნობიერებულად შეაფასებთ ხარჯებს, რათა მიაღწიოთ ერთად დასახულ მიზნებს.

5. იცინეთ ბევრი

სიცილი და გართობა წარმატების შესანიშნავი კომპონენტებია ურთიერთობის რთულ პერიოდში. მაშინაც კი, თუ გართობა არ იყო მნიშვნელოვანი თქვენთვის რთულ პერიოდამდე, როდესაც დაკავებული იყავით სამსახურით და სხვა გასართობი ვარიანტებით, ახლა ეს შეიძლება გადამწყვეტი იყოს.



თუ შეგიძლიათ თქვენი პარტნიორის გაცინება - აღმოაჩენთ, რომ თქვენი ურთიერთობა უფრო უსაფრთხოა, ვიდრე ოჯახები, სადაც ცოტა სიცილია.
საბოლოო ჯამში, თქვენი თანაგრძნობის უნარი და იმის გამოცნობა, თუ რას გრძნობს და სჭირდება თქვენს პარტნიორს, გადამწყვეტი უნარია ჯანსაღი და ხანგრძლივი ურთიერთობისთვის.