ნიუ-იორკის ქუჩებში ნამდვილი „Family Goals“ (თუ თითქმის ასეთი) ვიხილეთ: ბექჰემების ოჯახი სრული შემადგენლობით - ბრუკლინის გარდა - მოდურ ვახშამზე გამოჩნდა. მთავარი სენსაცია კი 14 წლის ჰარპერია, რომელმაც დედის საფირმო სტილი იდეალურად მოირგო.

"Posh Mum Bronde" – სეზონის მთავარი ჰიტი

დაემშვიდობეთ უბრალო ყავისფერს! ვიქტორია ბექჰემმა 52 წლის იუბილეზე ახალი თმის ფერით, 'Bronde'-ით (ყავისფერისა და ქერას ელეგანტური სინთეზი) წარსდგა. 24 საათიც არ იყო გასული, რომ მისმა ქალიშვილმა, ჰარპერმა, ზუსტად იგივე ტონალობაზე შეიღება თმა.

ამ სტილს უკვე „ქეით მიდლტონის ეფექტს“ ადარებენ და პროგნოზირებენ, რომ 2026 წლის ყველაზე მოთხოვნადი ფერი იქნება.

მოკრძალებული ფუფუნება: ჩანთა £3,100-ად თუ ტყავის ქურთუკი?

თუ წინა გასვლაზე ჰარპერი 3,100 ფუნტიანი დიზაინერული ჩანთით გვაოცებდა, ამჯერად მან არჩევანი უფრო „Street Style“-ზე შეაჩერა:

• ჰარპერის ლუქი: შავი ტყავის ბომბერი და „Kitten heels“ ფეხსაცმელი.

• ვიქტორიას არჩევანი: GAP-თან კოლაბორაციით შექმნილი პრინტიანი ქვედაბოლო.

• დევიდის შარმი: 50 წლის ვარსკვლავი რეტრო-სტილის ყავისფერ პიჯაკში ნამდვილ „Lover Boy“-ს ჰგავდა.
  
  

ბზარი „ბექჰემების იმპერიაში“ – ბრუკლინი ოჯახის წინააღმდეგ

სანამ ოჯახი ნიუ-იორკში ერთობით ტკბება, უფროსი ვაჟი, ბრუკლინი, კვლავ ჩრდილშია. იანვრის სკანდალური განცხადების შემდეგ, სადაც მან მშობლები „ცხოვრების კონტროლში“ დაადანაშაულა, კავშირი გაწყვეტილია.

„მე და დევიდი ყოველთვის დავიცავთ ჩვენს შვილებს,“ - განაცხადა ვიქტორიამ ემოციურ ინტერვიუში, თუმცა ბრუკლინის სახელი საერთოდ არ უხსენებია.

"დევიდი საცვლების ამარა ყველაფერს აკეთებს"

სკანდალების პარალელურად, ვიქტორია იუმორს არ კარგავს. მან პირდაპირ ეთერში აღიარა, რომ სახლში დევიდი ხშირად მხოლოდ საცვლების ამარა ტრიალებს: „აუთოებს თუ ჭურჭელს რეცხავს - თუ ამას საცვლებში აკეთებს, მე ამის მომხრე ვარ!“