იყო მშობელი, არ არის მარტივი. ფსიქოლოგები ამბობენ, რომ არ არსებობს სრულყოფილი მშობელი, ჩვენ უბრალოდ უნდა ვისწრაფვოდეთ სრულყოფისკენ.

ვნახოთ, რა არის მამაკაცის 10 მთავარი მახასიათებელი, რომელიც მიუთითებს რომ ის კარგი მამა იქნება.

1. საიმედოობა - ბავშვისთვის მამა ერთგვარად სანდო და საიმედო დასაყრდენია. მამა არის ის, ვისი იმედიც ყოველთვის აქვს. თუ ხედავს, რომ მამა საიმედო და სანდო არ არის, ის სხვა ადამიანების მიმართაც კარგავს ნდობას. უმნიშვნელოვანესია, რომ მამაკაცს შეეძლოს იმის შესრულება, რასაც იტყვის.

2. გულწრფელობა - შეუძლია თქვენს საყვარელ მამაკაცს გულწრფელად აღიაროს საკუთარი შეცდომა? - თუ ასეა, გაგიმართლათ. ასეთი მამაკაცები, როგორც წესი, საუკეთესო რომანტიკული პარტნიორები და ამასთანავე, შესანიშნავი მამები არიან, რომელთა მაგალითითაც შვილი სწავლობს, რომ შეცდომა ყველამ შეიძლება დაუშვას და მთავარი ისაა, რომ დაინახო ეს შეცდომა, აღიარო და მისი გამოსწორება სცადო. 

3. თავმდაბლობა - ბავშვმა უნდა იცოდეს, რომ ამქვეყნად სრულყოფილი არავინაა, რა თქმა უნდა, შეიძლება ის ეთაყვანება მამას, მაგრამ უნდა იცოდეს, რომ ისიც ადამიანია და არ არის სრულყოფილი, ისიც უშვებს სხვების მსგავსად შეცდომებს, მასაც აქვს სისუსტეები. საბოლოო ჯამში, ასეთი მამაკაცის შვილი შესანიშნავ ლიდერად ყალიბდება. 

4. ყურადღება - როცა მამაკაცი ყურადღებიანია, როცა მას შეუძლია აჩვენოს საყვარელ ქალს და შვილს, რომ ზრუნავს მათზე, რომ მათი სურვილი, მათი წუხილი გულთან ახლოს მიაქვს და აჩვენებს, რომ არ არის ინდიფერენტული, მას შვილიც ემსგავსება და მამის მაგალითით სწავლობს, რომ ყურადღების გამოჩენა მნიშვნელოვანია. 

5. თმენის უნარი - ცხოვრება ბევრი სირთულითაა სავსე და ზოგჯერ რთულია ემოციების კონტროლი, მაგრამ უნდა ვიცოდეთ, რომ შვილები ჩვენი მაგალითით სწავლობენ და მათ შორის ემოციების მოთოკვის უნარიც თავიანთი მშობლების მაგალითით უყალიბდებათ. თუ შვილი ხედავს, თუ როგორ ხვდება მამა პრობლემებს, რომ მათ მოგვარებას არა ემოციურად, არამედ მშვიდად და რაციონალურად ცდილობს, შვილსაც მსგავსი უნარი უვითარდება.

6. მხიარული - ყველა ბავშვს სურს მხიარულება და მამას უნდა შეეძლოს შვილთან ერთად გართობა, მასთან თამაში, მასთან ერთად სიცილი და წარმოუდგენელად სულელური, მაგრამ სახალისო საქმეებით დაკავება.

7. ცნობისმოყვარეობა - ცნობისმოყვარეობაში ვგულისხმობთ გამუდმებით ახლის სწავლისა და შეცნობის სურვილს. მამაკაცი უნდა იყოს ორიენტირებული თვითგანვითარებაზე, მუდამ სიახლეებისკენ უნდა ისწრაფვოდეს. ასეთი მამაკაცების შვილები მათ ემსგავსებიან და ისინიც ცდილობენ, რაც შეიძლება მეტი შეიმეცნონ და უკეთ გაუგონ სამყაროს.

8. შებრალების უნარი - მამაკაცს უნდა შეეძლოს თანაგრძნობის გამოვლენა, სხვისი ტკივილისა და გასაჭირის გაზიარება, რთულ მომენტში საყვარელი ადამიანების გვერდით დგომა. სწორედ ასე, მშობლების მაგალითით სწავლობენ შვილები ადამიანურობას.

9. ადაპტაციის უნარი - მას უნდა შეეძლოს სხვადასხვა სიტუაციებთან ადაპტირება. ასეთი მამაკაცის შვილები მარტივად სწავლობენ, რომ ცხოვრებაში ხშირად მოუწევთ განსხვავებულ ადამიანებთან ერთად, განსხვავებულ სიტუაციებში ყოფნა და სწავლობენ, როგორ შეეწყონ და ადაპტირდნენ მათთან.

10. ოპტიმიზმი - სამყაროში იმდენი პესიმიზმია, რომ სასიცოცხლოდ მნიშვნელოვანია მამაკაცი ოპტიმისტი იყოს. ბავშვებს იმედი სჭირდებათ. მათ სჭირდება ადამიანი, რომელიც აჩვენებს წარმატების მიღწევის გზას და შესაძლებლობებს.