გამოკვლევებით დასტურდება, რომ სტრესმა შეიძლება გამოიწვიოს ჯანმრთელობის 50-ზე მეტი პრობლემა, რაც გავლენას ახდენს ადამიანის ფსიქიკურ და ფიზიკურ მდგომარეობაზე. დროდადრო თითოეულ ჩვენგანს უმიზეზოდ ეძინება, ზედმეტად ემოციურად გრძნობს თავს და თავს გამოფიტულად გრძნობს. ამის მიზეზი კი მხოლოდ და მხოლოდ სტრესია.

რა შეგიძლიათ გააკეთოთ სტრესის თავიდან ასაცილებლად?

ABC ტექნიკა

ABC მოდელი ან ABC ტექნიკა არის კოგნიტური ქცევითი თერაპიის ნაწილი. ეს არის ფსიქოლოგიური თერაპია, რომელიც საშუალებას გაძლევთ გააანალიზოთ და შედეგად გააკონტროლოთ ემოციური რეაქცია თქვენს ცხოვრებაში მომხდარ მოვლენებზე.

ABC არის აბრევიატურა: ”A” ნიშნავს მოვლენის გააქტიურებას (Activating Event); "B" რწმენას (Belief) ; ხოლო "C" შედეგების (Consequence).

მეცნიერი ალბერტ ელისი, რომელმაც ეს თერაპიას მოიფიქრა, თვლიდა, რომ მოვლენის ჩვენი არარეალური ინტერპრეტაცია ქმნის მის უარყოფით აღქმას და გავლენას ახდენს ჩვენს ემოციებზე. მას შემდეგ, რაც გაიგებთ, როგორ მუშაობს თქვენი ემოციური სისტემა და რა იწვევს თქვენს ნეგატიურ ემოციებს, შეგიძლიათ დაიწყოთ თქვენი ქცევითი და ემოციური რეაგირების კონტროლი.

კუნთების რელაქსაცია

სტრესის ფიზიკური ეფექტისთვის შეგიძლიათ გამოიყენოთ ტექნიკა, რომელსაც კუნთის პროგრესირებადი რელაქსაცია ჰქვია. ეს ტექნიკა ხელს უწყობს სტრესისგან გამოწვეული დაძაბულობის მოხსნას:

შენიშვნა: მუსიკა დაგეხმარებათ უკეთ კონცენტრირებაში.

კუნთების ჯგუფები: ხელები; მაჯები და წინამხრები; ბიცეპსი და მკლავები; მხრები; შუბლი; ცხვირისა და თვალებისა გარშემო; ლოყები და ყბები; პირის გარშემო; კისრის უკანა მხარე; კისრის წინა მხარე; გულმკერდი; ზურგი; კუჭი; თეძოები და დუნდულები; ბარძაყები; ქვედა ფეხები

გაითვალისწინეთ: თავდაპირველად ნორმალურია, თუ ყველა ჯგუფის ნაცვლად, მხოლოდ 2 ან 3 კუნთის ჯგუფზე მოახდენთ კონცენტრირებას.

პროცესი:

ისუნთქეთ და დაძაბეთ/დაჭიმეთ კუნთების პირველი ჯგუფი 4-10 წამის განმავლობაში;

ამოისუნთქეთ და ერთიანად (არა თანდათანობით) მოადუნეთ სხეული; შეისვენეთ 10-20 წამის განმავლობაში, სანამ კუნთების შემდეგ ჯგუფზე გადახვალთ.

როდესაც დაასრულებთ, დათვალეთ 5-დან 1-მდე და კონცენტრირდით რეალობაზე.

სუნთქვის ტექნიკა

სტრესის დროს აუცილებელია სუნთქვა. როდესაც შფოთვას ვგრძნობთ, უეცრად ვხვდებით, რომ სუნთქვაშეკრული ვართ. სტრესის შესაჩერებლად და დაძაბული დღის შემდეგ მოსადუნებლად, შეგიძლიათ გამოიყენოთ სუნთქვის ტექნიკა.

პროცესი:

ისუნთქეთ ცხვირით რაც შეიძლება ღრმად. ჩაისუნთქეთ ნელა და დაითვალეთ 5 – მდე. ნორმალურია პირველივე მცდელობიდან 5-ს ვერ მიაღწევთ.

ამოისუნთქეთ პირით.

გაიმეორეთ პროცესი 3-5 წუთის განმავლობაში.