როდესაც გვეკითხებიან, რა გვსურს სინამდვილეში, ბევრი ჩვენგანი პასუხობს: „წარმატების მიღწევა“ - თუმცა, წარმატება სიტყვებზე მეტს მოითხოვს; პირველ რიგში კი შრომას და თვითგანვითარებას. მიზნის მიღწევის გასაღები ხშირად ჩვენს შინაგან სამყაროშია.

რა თვისებები და ქცევები შეიძლება გახდეს დაბრკოლება ოცნებისკენ მიმავალ გზაზე? აქ მოცემულია ნიშნები, რომელიც მიუთითებს, რომ ადამიანი, ამის გაცნობიერების გარეშე, ხელს უშლის პიროვნული და პროფესიული ზრდის შანსებს.

1. შუა გზაზე დანებება

თუ მუდმივად ვიღებთ ახალ გამოწვევებს და შუა გზაზე ვნებდებით, ვერასდროს მივაღწევთ მიზანს. წარმატება თანმიმდევრულობას და მოთმინებას მოითხოვს.

2. საშუალო დონის მიზნები

წარმატება მოითხოვს არა საშუალო დონის მიზნებს, არამედ ამბიციური მიზნების დასახვას, რაც წინსვლისკენ გიბიძგებთ.

3. დაუყოვნებლივი შედეგები

მოთმინება და შეუპოვრობა წარმატების აუცილებელი თვისებებია, ზოგჯერ ხელშესახები შედეგების დანახვის გარეშე.
ისინი, ვინც რამდენიმე წარუმატებელი მცდელობის შემდეგ ნებდებიან, ოცნებებს ვერ ისრულებენ.

4. საკუთარ თავში დაეჭვება

როდესაც ადამიანს საკუთარი თავის სჯერა, შეუძლია ნებისმიერი დაბრკოლების გადალახვა. მაგალითად, სტივ ჯობსს ან ილონ მასკს, სხვების სკეპტიციზმის მიუხედავად, ეჭვი არ ეპარებოდათ თავიანთ იდეებში და შეძლეს მათი განხორციელება.

5. ძალისხმევის დაზოგვა

დიდი მიზნები დიდ ძალისხმევას მოითხოვს. თუ ადამიანი მზად არ არის შრომისთვის, მისი წარმატების შანსი მცირეა, ამისთვის საჭიროა არა მხოლოდ სურვილი, არამედ საკმარისი ენერგია - როგორც ფიზიკური, ასევე ფსიქოლოგიური.

6. სტრესთან გამკლავება

ადამიანები, რომლებიც წარუმატებლობას პირად უიღბლობად მიიჩნევენ, ვერ აღწევენ წარმატებას. სტრესთან გამკლავება კი წარმატების მიღწევის გადამწყვეტი ფაქტორია.

7. უარი თვითგანვითარებას

აუცილებელია დროს აუწყოთ ფეხი და ცვლილებებს ეზიაროთ. ისინი, ვინც არ მიჰყვებიან ახალ ტენდენციებს და არ აახლებენ ცოდნას, რისკავენ, რომ ჩამორჩნენ.

8. დაპირებების შეუსრულებლობა

ადამიანები, რომლებიც არ ასრულებენ სიტყვას, ვერასდროს შეძლებენ პარტნიორებთან თუ კლიენტებთან ჯანსაღი ურთიერთობის დამყარებას. სანდოობა წარმატებული ურთიერთობების საფუძველია.

9. სიზარმაცე

სიზარმაცე, განსაკუთრებით თუ ის ხშირია, მოტივაციის ნაკლებობას იწვევს. როდესაც ადამიანი მხოლოდ ძირითად მოთხოვნებს აკმაყოფილებს და არ ცდილობს განვითარებას, რისკავს უძრაობაში დარჩენას.

10. არაჯანსაღი კომუნიკაცია

ეფექტური კომუნიკაცია წარმატების გასაღებია. ადამიანები, რომლებმაც არ იციან სწორი კომუნიკაცია და ეფექტური კავშირების დამყარება, იშვიათად აღწევენ წარმატებას.

11. ერთი დღით ცხოვრება

წარმატების მიღწევა შეუძლებელია გრძელვადიანი მიზნების გარეშე. ადამიანები, რომლებიც ჩქარობენ და მოქმედებენ გეგმის გარეშე, ნაკლებად სავარაუდოა, რომ მნიშვნელოვან შედეგებს მიაღწიონ.

12. ცუდი ჩვევების ქონა

ალკოჰოლი ან მოწევა ამცირებს ფიზიკურ და გონებრივ რესურსს. ეს ჩვევები ადამიანს ნაკლებად პროდუქტიულს ხდის, ჯანმრთელობასა და კეთილდღეობაზე ზრუნვის გარეშე წარმატების მიღწევა რთულია.

13. უარი ფიზიკურ აქტივობას

ვარჯიში არ არის მხოლოდ ფიზიკური აქტივობა, ეს ასევე დისციპლინაა, მიზნების დასახვისა და მათკენ სწრაფვის გზაზე. სპორტში მიღწევები აძლიერებს ადამიანს და ხელს უწყობს მის ზოგად წარმატებას.

14. უწესრიგობა

როდესაც ცხოვრება და გონება არეულობაშია, სერიოზული მიზნების მიღწევა რთულია. მოწესრიგებული სახლი ხელს უწყობს ფოკუსირებისა და ორგანიზებულობის განვითარებას, რაც პირდაპირ გავლენას ახდენს წარმატებაზე.