სანამ მოდელი ჰოლივუდს იპყრობს, ეპშტეინის ფაილებმა მისი წარსულიდან შემზარავი დეტალები ამოატივტივა

მისე ბექირის გლამურული ცხოვრების მიღმა ნამდვილი ჯოჯოხეთი იმალება. 39 წლის მოდელი, რომელიც ამჟამად ჰოლივუდის ბილბორდებსა და ახალ რეალითი შოუში Ladies of London ბრწყინავს, მოულოდნელი დარტყმის წინაშე აღმოჩნდა: მისი სახელი ჯეფრი ეპშტეინის გასაჯაროებულ „შავ სიაში“ მოხვდა.

ეპშტეინის შეთავაზება: კერძო ჯეტები და 100,000-იანი მერსედესი

ფაილებიდან ირკვევა, რომ მილიარდერი პედოფილი ახალგაზრდა მოდელით მოხიბლული იყო. ის მისეს პარიზში კერძო თვითმფრინავით გაფრენასა და 100,000 ფუნტიანი ავტომობილის ჩუქებას სთავაზობდა. 2011 წელს, როცა მისე ეპშტეინის 37-მილიონიან სასახლეში მივიდა, მას სჯეროდა, რომ ეს კაცი სამოდელო კარიერაში დაეხმარებოდა.

„ის მაშინ ძალიან ახალგაზრდა იყო და წარმოდგენა არ ჰქონდა ეპშტეინის კრიმინალურ წარსულზე. ახლა  საშინელ სინანულს გრძნობს და განიცდის რომ ამ კაცის ჩრდილში, მისი სახელიც მოხვდა“ - აცხადებს ინსაიდერი.

სისხლიანი წარსული და „დაწყევლილი“ ბედი

ეპშტეინის სკანდალი მხოლოდ აისბერგის მწვერვალია. მისე ბექირის ცხოვრებას მუდმივად თან სდევს ტრაგედიები:

• ძმის სასტიკი მკვლელობა: 2019 წელს მისი ძმა, ფლამური, შობის ღამეს საკუთარი სახლის წინ დაცხრილეს.

• კრიმინალური კავშირები: ოჯახის წევრების კავშირი სკანდინავიურ მაფიასთან და საერთაშორისო ნარკოტრეფიკთან.

• ტოქსიკური რომანები: ხმაურიანი დაშორება ფეხბურთელ ანდერს ლინდეგორთან და სასამართლო დავები ჯეიკ ჰოლთან.
  
  

„დავეცი, მაგრამ ისევ ვდგები“ მიუხედავად იმისა, რომ მისი რეპუტაცია კვლავ დარტყმის ქვეშაა, მისე დანებებას არ აპირებს. ჰოლივუდში გამოჩენილი ბილბორდები მისთვის შანსია, მსოფლიოს თავისი სიმართლე დაანახოს.



„მე არ ვარ სრულყოფილი, მაგრამ ჩემი ფასი ვიცი. ბევრჯერ დავეცი, მაგრამ ყოველთვის ვპოულობ ძალას, რომ ისევ წამოვდგე ჩემი შვილებისთვის,“ - აცხადებს მოდელი.