რაც უფრო დიდია ტვინი, მით უფრო ჭკვიანია ადამიანი

მასასა და ზომას ამ საკითხში არანაირი მნიშვნელობა არა აქვს. ჩვენი ინტელექტის მთავარი საიდუმლო ტვინის სტრუქტურის სირთულეში მდგომარეობს.

სხვადასხვა ადამიანებს სხვადასხვანაირად აქვთ განვითარებული მარჯვენა და მარცხენა ნახევარსფეროები

ყველაფერში, რასაც ვაკეთებთ, ორივე ნახევარსფეროა ჩართული. არანაირი მტკიცებულება არ არსებობს იმისა, რომ მარჯვენა ნახევარსფერო პასუხს აგებს შემოქმედებაზე, მარცხენა კი - ტვინის ანალიტიკურ წყობაზე.

ჩვენ ტვინის მხოლოდ 10 %-ს ვიყენებთ

სიმართლე კი იმაში მდგომარეობს, რომ თუ გშიათ, გეძინებათ, ფიქრობთ და გრძნობთ, ამ დროს მთლიანი ტვინია ჩართული მუშაობაში.

სიბერე იწვევს გონებრივი მდგომარეობის გაუარესებას

მართალია ხანმოკლე მეხსიერება და ყურადღება ასაკთან ერთად სუსტდება, მაგრამ ამასთან ერთად ზოგიერთი მენტალური ჩვევები პირიქით, უმჯობესდება.

კლასიკური მუსიკა ტვინის განვითარებას ეხმარება

დაიმახსოვრეთ: სიმფონიების მოსმენამ, არ შეიძლება რაიმე გავლენა მოახდინოს IQ-ს გაზრდაზე. ერთადერთი საშუალება რომ კლასიკურმა მუსიკამ დადებითად იმოქმედოს თქვენს გონებრივ უნარზე, - ისწავლოთ მისი ისტორია.

კროსვორდები ანვითარებენ საზრიანობას

კროსვორდების ამოხსნა მხოლოდ ერთი, კროსვორდების ამოხსნის უნარის განვითარებას ეხმარება. რაც უფრო დაკავებული ხართ კროსვორდების ამოხსნით, მით უფრო სწრაფად იწყებთ კანონზომიერებებისა და ხშირად გაჩენილი კითხვებზე პასუხების პოვნას.

მამაკაცები უკეთესად ითვისებენ მათემატიკას

83 ქვეყნიდან მათემატიკური ტესტების შევსების შედეგების მიხედვით, დამტკიცდა, რომ გოგონებისა და ბიჭების საშუალო ქულა სრულიად ერთნაირია.

ნერვული უჯრედები არ აღდგება

დიდი ხნის განმავლობაში მეცნიერები თვლიდნენ, რომ ტვინის უჯრედები არ ექვემდებარება აღდგენას. მაგრამ დღეს ზუსტად ვიცით, რომ ეს ასე არ არის: დაზიანებული ნერვულ უჯრედებს გააჩნიათ რეგენერაციის უნარი.