სამსახურში ყოველ დღე დავდივართ და ხშირ შემთხვევაში, ოფისში წასვლა იმდენად რუტინული საქმე ხდება, ყურადღებას აღარ ვაქცევთ ჩაცმის სტილს და ჩვენი ვიზუალიც ერთფეროვანი და მოსაწყენი ხდება.

ერთფეროვნებისა და მოწყენის დრო არაა. ამიტომ, გთავაზობთ 7 იდეას - როგორ უნდა ჩაიცვათ ოფისში ისე, რომ თავდაჯერებულობა შეგემატოთ, იყოთ მომხიბვლელი, თავი ბედნიერად იგრძნოთ და იყოთ უფრო მოტივირებული და რა თქმა უნდა, მიიღოთ ბევრი კომპლიმენტი.

1. კლასიკური სტილი - ეს არის ყველაზე გავრცელებული და ამავდროულად, ყველაზე მარტივად შესაქმნელი სტილი. ასეთი სტილი არის სრულყოფილი ნებისმიერი ტიპის საოფისე სამუშაოსთვის. ამავდროულად, ეს სტილი შეიძლება იყოს მოსაწყენი მანამდე, სანამ ერთ მნიშვნელოვან დეტალს არ გაითვალისწინებთ - აუცილებლად გააფორმეთ ვიზუალი რაიმე მხიარული დეტალით, რომელიც განსაკუთრებულობას შეგმატებთ.

ეს შეიძლება იყოს ექსტრავაგანტული ფეხსაცმელი, უჩვეულო ფერის ტუჩსაცხი, განსაკუთრებული ჩანთა, საათი, რაიმე სამკაული, ან უბრალოდ, ფრჩხილის ლაქი. გახსოვდეთ, რომ გამორჩეული ვიზუალის საიდუმლო დეტალებში იმალება.

2. ჩვეულებრივი საოფისე სტილი - ეს გულისხმობს მარტივად ჩაცმას, როგორც სპორტულს, ასევე კლასიკურ სტილს, ან ორივე მათგანის კომბინაციას. შეგიძლიათ ჯინსის შარვალს შეუსაბამოთ მაღალქუსლიანი ფეხსაცმელი. ან პირიქით, კლასიკურ შარვალს კედები. რა თქმა უნდა, აქსესუარები ამ შემთხვევაშიც მნიშვნელოვანია. ნახეთ რამდენიმე მაგალითი.

3. ტრენდული ქალის სტილი - ეს სტილი მოდის მიმდევარი ქალებისთვისაა, რომლებსაც არ გამორჩებათ უახლესი ტენდენციები და მოსწონთ, როცა აცვიათ თანამედროვედ.

4. გლამურული საოფისე სტილი - ეს სტილი არის სექსუალური ქალებისთვის, რომლებსაც შეუძლიათ შეინარჩუნონ დახვეწილი სტილი ნებისმიერ სიტუაციაში. მაღალქუსლიანი ფეხსაცმელი, წითელი პომადა და სექსუალური კაბა თქვენი განუყოფელი ნაწილი უნდა იყოს. ნახეთ ასეთი სტილის რამდენიმე მაგალითი.

5. ექსპერიმენტული და ქალური სტილი - შეგიძლიათ იყოთ უფრო თამამები და ზოგჯერ მიმართოთ ექსპერიმენტებს. ამით თქვენი ვიზუალი უფრო გახალისდება და თავს დააღწვებთ მოსაწყენ ერთფეროვნებას.

6. მარტივი და ქალური სტილი - ზოგჯერ ჩაიცვით ჭრელი, ყვავილების პრინტით გაფორმებული რომანტიკული კაბები.არ დაგავიწყდეთ აქსესუარები. ფერადი სამოსი თქვენს დღეს უფრო მხიარულს გახდის.

7. და ბოლოს, სტილი, რომელიც ყველას აფიქრებინებს, რომ მოდას თქვენ ქმნით - სცადეთ, სამოსის შერჩევისას იყოთ უფრო კრეატიულები, შემოქმედებითი უნარები გამოავლინეთ და აუცილებლად გექნებათ სტილი, რომელიც ყველასთვის მისაბაძი იქნება.