გთავაზობთ ფსიქოლოგიურ ტესტს. დააკვირდით ფოტოს - რომელი ცხოველი, ან ფრინველი დაინახეთ მასზე პირველად? ახლა კი, მოძებნეთ შესაბამისი პასუხი.

1. თუ პირველად ზებრა დაინახეთ - სიტყვები: გავლენიანი, ქარიზმატული და მხიარული ყველაზე მეტად თქვენ შეგეფერებათ. ხართ აქტიური, სპონტანური და გადამდებად პოზიტიური. ადამიანებს თქვენ გვერდით ყოფნა სურთ. უნდათ, რომო თქვენი იდეები გაიზიარონ. ფანტასტიკური კომპანიონი ხართ. თქვენი კომუნიკაციის უნარი შთამბეჭდავია და შეგიძლიათ დიდ წარმატებას მიაღწიოთ გაყიდვების სფეროში.

ძალიან იწყენთ, თუ ერთი და იგივე საქმის გაკეთება გიწევთ ხშირად და ცხოვრებაში მუდამ რაღაც ახალი გჭირდებათ. ეს შეიძლება იყოს ახალ ადამიანებთან ურთიერთობა, ახალი სამსახური. გინდათ, რომ ყველა დღეს რაღაც სიახლე მოჰქონდეს.

2. თუ პირველად კატა შენიშნეთ - თქვენ ბევრი ლაპარაკი არ გიყვართ და ზოგიერთი ადამიანი ამის გამო ფიქრობს, რომ მორცხვი ხართ. თქვენი ჩუმად ყოფნის რეალური მიზეზი კი ის არის, რომ გირჩევნიათ დააკვირდეთ მოვლენებს და საუბრის ნაცვლად გაანალიზოთ ყოველივე. საერთოდ არ გაღლევებთ ის, თუ რას ფიქრობენ ადამიანები თქვენზე. გაქვთ საკუთარი წესები და მხოლოდ და მხოლოდ მათ ითვალისწინებთ ცხოვრებაში. თავდაჯერებული და დამოუკიდებელი ნატურა ხართ.

3. თუ პირველად ფოტოზე ბატი შენიშნეთ - საოცრად ოპტიმისტი ხართ და არ არსებობს ამქვეყნად ისეთი რამ, რაც მომავლის იმედს გაგიქრობთ. ცხოვრობთ მოცემული მომენტით და გიყვართ ცხოვრებით ტკბობა, მისგან სიამოვნების მიღება. გხიბლავთ მოგზაურობა, ახალი ადგილების ნახვა, ახალი გამოცდილების და ახალი უნარების შეძენა. თქვენს ცნობისმოყვარეობას საზღვრები არ აქვს.

4. თუ პირველად კოალა დაინახეთ - გიყვართ სიმშვიდე, მშვიდად ცხოვრება და ყველაზე ბედნიერად თავს საკუთარ სახლში გრძნობთ. ძალიან კეთილი და მგრძნობიარე ხასიათით გამოირჩევით. ხართ მზრუნველი და ცდილობთ, ადამიანებს დახმარების ხელი გაუწოდოთ. თქვენმა მეგობრებმა იციან, რომ ერთი ზარიც საკმარისია იმისთვის, რომ წამებში მათ გვერდით გაჩნდეთ, როცა სჭირდებით.

დიდი და ხმაურიანი წვეულებები სათქვენო საქმე არ არის. გირჩევნიათ, თავისუფალ დროს, მყუდრო გარემოში სასიამოვნო ფილმს უყუროთ, ან წიგნი წაიკითხოთ. ეს თქვენთვის განტვირთვის საუკეთესო საშუალებაა.

5. თუ პირველად სპილო შენიშნეთ - ერთგული და პასუხისმგებლობით სავსე ადამიანი ხართ, რომლის იმედიც მეგობრებსა და ოჯახის წევრებს ყველაზე მეტად აქვთ. თუ მათ დახმარება დასჭირდათ, იციან ვის უნდა მიმართონ. როგორღაც ყოველთვის ახერხებთ პრობლემებიდან გამოსავლის პოვნას და სხვადასხვა საკითხების მარტივად მოგვარებას.

ხართ კარგი მსმენელი და პრობლემების გადაჭრის უნარის თვალსაზრისით საუკეთესო. ამ მხრივ, კონკურენტი არ გყავთ. მეგობრები და ოჯახის წევრები თქვენთვის პრიორიტეტულია და თავს მაშინ გრძნობთ ბედნიერად და კარგად, როცა გარშემომყოფები ბედნიერები არიან.

6. თუ პირველად დათვი დაინახეთ - მიჰყვებით ტრადიციებს, კონსერვატორი ხართ. თქვენთვის ღირებულებები მთავარია და ამ ღირებულებების მიხედვით ცხოვრობთ. მშვიდი და წყნარი ხართ. არ გიყვართ ხმაურიან ადგილებში ყოფნა და ცხოვრების გიჟური რიტმი. ცდილობთ, ჰარმონია იპოვნოთ.

ძალიან მგრძნობიარე ხართ, გიყვართ ფიქრი და ხართ კარგი დიპლომატი. გჯერად წესების და რეგულაციების. სპონტანურად გადაწყვეტილებების მიღება თქვენი სტილი არ არის. მაქსიმალისტი ხართ და როგორც საკუთარი თავისგან, ასევე სხვებისგანაც ყოველთვის მაქსიმუმს ითხოვთ.

7. თუ პირველად ჟირაფი შენიშნეთ - ძალიან მოხერხებული, აქტიური და მხიარული ადამიანი ხართ. შეგიძლიათ მარტივად ადაპტირდეთ ნებისმიერ გარემოსთან, ახალ ადამიანებთან და უფრო მეტიც, უცხო გარემოში მალევე და მარტივად აღმოჩნდეთ ყურადღების ცენტრში. გიყვართ ლაპარაკი და მართლაც შთამბეჭდავად გამოგდით კომუნიკაციის დამყარება ნებისმიერ ადამიანთან.

მარტივად საურთიერთობო ადამიანი ხართ, არ დაფრინავთ ოცნებებში, მყარად დგახართ მიწაზე. ერთგული მეგობარი ხართ. მეგობრებისგანაც გულწრფელობასა და ერთგულებას ელოდებით. ხშირად იცვლით სამსახურს, ინტერესის სფეროებს, რადგანაც რუტინულად ცხოვრება არ შეგიძლიათ. სიახლეები გჭირდებათ.

8. თუ პირველად ღორი დაინახეთ - დამოუკიდებელი ხართ და საუკეთესო გადაწყვეტილებებს მაშინ იღებთ, წარმატებულები მაშინ ხართ, როცა საქმეს მარტო აკეთებთ. მახვილგონივრულობით გამოირჩევით. ყურადღებას ყოველთვის დეტალებზე ამახვილებთ, შესანიშნავი მეხსიერება გაქვთ, გამოირჩევით ანალიტიკური აზროვნების უნარით, რის გამოც ხშირად აღწევთ სასურველ შედეგს.

9. თუ პირველად კურდღელი დაინახეთ - ძალიან კრეატიული, ენერგიული და გადამდებად ბედნიერი ადამიანი ხართ. სადაც მიდიხართ ყველან სიცილი და მხიარულება მიგაქვთ. ყველას სურს, რომ თქვენი მეგობარი იყოს. იუმორის შესანიშნავი გრძნობა გაქვთ, რის გამოც, ყოველთვის წვეულებების მთავარი სტუმარი ხართ და ყველას ყურადღება თქვენკენაა მომართული. ზოგიერთი ფიქრობს, რომ ზედაპირული ადამიანი ხართ, მაგრამ ეს ასე არ არის.

10. თუ ფოტოზე პირველად ლომი შენიშნეთ - ლიდერად ხართ დაბადებული. იცით, როგორ მოაწონოთ ადამიანებს თქვენი იდეები და როგორ შეიძინოთ მხარდამჭერები, მაგრამ ხანდახან აჭარბებთ ხოლმე ძალაუფლებას, მოგწონთ დომინანტობა. ვერანაირი გამოწვევა ვერ გაშინებთ.

უფრო მეტიც, მოგწონთ გამოწვევები, რადგანაც სწორედ გამოწვევები გაძლევთ შესაძლებლობას, რომ აჩვენოთ ყველას, რისი გაკეთება შეგიძლიათ და თავი გამარჯვებულად იგრძნოთ. ხართ საოცრად კონკურენტული.

11. თუ პირველად ბუ დაინახეთ - გამოირჩევით ანალიტიკური აზროვნების უნარით. ხმაურიან სიტუაციაში მუშაობის დროს არ ხართ პროდუქტიული და არ გიყვართ ასეთ გარემოში ყოფნა. წყნარი და კომფორტული გარემო გჭირდებათ საუკეთესო გადაწყვეტილებების მისაღებად. ქაოსური გარემო გაღიზიანებთ. თქვენთვის აუცილებელია, რომ ყველაფერი კარგად ორგანიზებული იყოს. პერფექციონისტი ხართ და სხვებისგანაც ძალიან ბევრს მოითხოვთ.