1. ეს უფრო სახალისოა, ვიდრე ლოდინი.

ესაა არჩევანი, იყო თავდაჯერებული ქალი, რომელიც თავად წარმართავს საკუთარ ცხოვრებას და არა ქალი, რომელიც სასოწარკვეთილია. თანაც, ცხოვრება ზედმეტად სწრაფად გადის იმისთვის, რომ დრო ლოდინში დაკარგოთ.

2. ნუ დაუჯერებთ საზოგადოებას.

ნუ დაკარგავთ კარგ შესაძლებლობას მხოლოდ იმიტომ, რომ საზოგადოებაში გავრცელებული შეხედულების თანახმად, ქალმა პირველი ნაბიჯი არ უნდა გადადგას.

3. ეს სოციალური უნარების გაუმჯობესებაში დაგეხმარებათ.

სანამ პირველ ნაბიჯს გადადგამთ, უნდა იცოდეთ, რომ შესაძლოა, ამ ადამიანს არ მოეწონოთ. მაგრამ, ასევე, არსებობს კიდევ უფრო დიდი შანსი, რომ არც თქვენ მოგეწონოთ ის. ესაა პრაქტიკა, რომელიც დაგეხმარებათ ისწავლოთ უცხო ადამიანთან კონტაქტი და მათთან გააუმჯობესოთ კომუნიკაციური უნარები.

4. ეს გამოცდილება დაგეხმარებათ გახდეთ უფრო თავდაჯერებული. 

ზოგიერთი ადამიანი, არ დგამს პირველ ნაბიჯს, რადგან უარყოფის ეშინია. მიუხედავად იმისა, რომ ნაბიჯის გადადგმამდე შეიძლება შეგეშინდეთ და იფიქროთ, „ის მაინც უარს იტყვის“, ვერასოდეს გაიგებთ პასუხს, თუ არ ცდით. რისკზე წასვლა არის უტყუარი გზა, რომელიც თავდაჯერების ამაღლებაში დაგეხმარებათ.

5. ყველაზე უარესი, რაც შეიძლება მოხდეს, არაფერია.

ვაღიარებთ, ეს არის დარტყმა ეგოზე, მაგრამ, სინამდვილეში, რეალურ ცხოვრებაში, არაფერი შეიცვლება, საერთოდ არაფერი.

6. ზოგჯერ მამაკაცმაც უნდა დაისვენოს...

როდესაც საქმე სასიყვარულო ურთიერთობას ეხება, მთელი ზეწოლა მამაკაცზე მოდის. მან უნდა მიწეროს, მან უნდა დაპატიჟოს ქალი პაემანზე, მან უნდა გადადგას პირველი ნაბიჯი, მან უნდა აიღოს ყველა ინიციატივა... მოდით, ერთხელ მაინც დავისვენოთ მამაკაცები. შეიძლება ამის გამო დიდი მადლიერებაც კი იგრძნოს.

7. მამაკაცსაც მოსწონს, როცა იცის, რომ სასურველია.

ყველა მამაკაცი არ არის იმდენად თავდაჯერებული ან ქარიზმატული, რომ სასურველ ქალს მიუახლოვდეს. ხოლო თუკი თქვენ გადადგამთ პირველ ნაბიჯს, ვინ იცის, იქნებ პოტენციურ პარტნიორს, ის თავდაჯერება მიეცეს, რომელიც ყველას ასე ძალიან სურს. თანაც, ვის არ მოსწონს პატარა ყურადღება?

8. გეცოდინებათ, რომ თავად განსაზღვრეთ საკუთარი ბედისწერა.

და არ მოგიწევთ გააკეთოთ არჩევანი იმ მამაკაცებს შორის, ვისაც თქვენ მოსწონხართ. მთავარი კითხვაა - თქვენ ვინ მოგწონთ?

9. ჩვენ ყველანი ადამიანები ვართ.

არ აქვს მნიშვნელობა, მამაკაცი ხარ თუ ქალბატონი, ქერა თუ შავგვრემანი,  მაღალი თუ გამხდარი - ჩვენ ყველანი ადამიანები ვართ. ჩვენ ყველას გვაქვს უფლება გამოვხატოთ საკუთარი გრძნობები. ახლა დროა გავათანაბროთ სათამაშო მოედანი.

10. თქვენ დაარღვევთ მრავალი გენდერული სტერეოტიპიდან ერთ-ერთს.

ქალები ყოველ დღე ამსხვრევენ სტერეოტიპებს. თქვენ რატომ არ შეგიძლიათ?