მამა-შვილის ურთიერთობები დროთა განმავლობაში იცვლება. გოგონა, რომელიც ოდესღაც მამას სუპერგმირად თვლიდა, იზრდება და მათ შორის კავშირის ახალი ფორმა ჩნდება - ღრმა, მოწიფული და ზოგჯერ ცოტა თავშეკავებული.

მამებს ქალიშვილები ჩუმად და უპირობოდ უყვართ, ისინი არასოდეს საუბრობენ ღიად თავიანთ ემოციებზე, თუმცა ზოგიერთი ფრაზა მათთვის გაცილებით მეტს ნიშნავს, ვიდრე ჰგონიათ.

TREND გთავაზობთ ხუთ შეტყობინებას, რომელსაც შეუძლია გააძლიეროს კავშირი მამასა და ზრდასრულ ქალიშვილს შორის.

„გმადლობ, რომ ყოველთვის ჩემთან ხარ“

მამისთვის ეს მხოლოდ მადლიერება არ არის; ეს იმის დასტურია, რომ მისი ძალისხმევა შეუმჩნეველი არ დარჩენილა. ბევრი მამა წლები იტანჯება იმის ეჭვით, გააკეთეს თუ არა საკმარისი თავიანთი ოჯახისთვის, შვილებისთვის, შეძლეს თუ არა საჭირო მხარდაჭერის გაწევა. ეს კითხვები განსაკუთრებით მწვავეა მათთვის, ვინც განქორწინება გადაიტანა ან კვირაში შვიდი დღე მუშაობდა შვილების უზრუნველსაყოფად.
ეს სიტყვები კი მამას ეჭვების ტვირთს ხსნის და მშვიდ სიამაყეს უჩენს.

„მართალი იყავი“

ახალგაზრდობაში ქალიშვილები ხშირად კამათობენ მამებთან, დარწმუნებულები არიან, რომ უკეთ იციან, მაგრამ დგება დრო, როდესაც ცხოვრება ადასტურებს მათ სიმართლეს და შემდეგ ეს ორი სიტყვა თაობებს შორის ხიდად იქცევა.

„მართალი იყავი“ არ ნიშნავს, რომ ყველაფერში უნდა დაეთანხმო; ეს არის სიბრძნის, მისი ცხოვრების წლების, იმის აღიარება, რომ მისი რჩევები ამაო არ ყოფილა.

მამებითვის ეს სიგნალია: მისმა სიტყვებმა კვალი დატოვა, მისი აზრი ფასეულია, მაშინაც კი, თუ ეს ადრე საკამათო იყო. ზრდასრული ქალიშვილი, ამ ფრაზის წარმოთქმით, აჩვენებს, რომ მათ შორის აღარ არის ბრძოლა, პირიქით, მათი კავშირი პატივისცემაზეა დაფუძნებული.

„ვამაყობ, რომ შენი ქალიშვილი ვარ“

მამები ხშირად ამბობენ, რომ შვილებით ამაყობენ, თუმცა თავად იშვიათად ესმით ეს.
ფრაზა „ვამაყობ, რომ შენი ქალიშვილი ვარ“ არ ეხება მათ კარიერას, არამედ მათ ადამიანურ თვისებებს - მათ სიკეთეს, პატიოსნებას და გამძლეობას.

ეს განსაკუთრებით მნიშვნელოვანია, როდესაც მამამ განიცადა წარუმატებლობა და დაკარგა თავდაჯერებულობა; მამაკაცისთვის, ამის მოსმენა ზრდასრული ქალიშვილისგან ნიშნავს იმის გაცნობიერებას, რომ ის არა მხოლოდ კარგი მშობელია, არამედ პატივისცემისა და სიყვარულის ღირსი ადამიანი.

„მსურს მოვისმინო შენი აზრი“

როდესაც ქალიშვილები იზრდებიან, მამებს ეშინიათ, რომ მათ აზრს არ გაითვალისწინებენ. ისინი გრძნობენ, რომ მათი რჩევა აღარ არის საჭირო და მათი როლი დაკარგულია. ამიტომ, მარტივი თხოვნა: „მამა, მინდა ვიცოდე შენი აზრი“ მათთვის ნდობის ნიშნად ჟღერს; ასეთი ჟესტი აღადგენს კავშირის განცდას და ეხმარება მამას იგრძნოს: მისი გამოცდილება და ცხოვრებისეული შეხედულებები კვლავ მნიშვნელოვანია.

„მიყვარხარ“

უფროსი თაობის მამაკაცები გაიზარდნენ ატმოსფეროში, სადაც სიყვარულის გამოხატვა სისუსტედ ითვლებოდა. ბევრმა მათგანმა არ იცის, როგორ გამოხატოს სიყვარული, მაგრამ ეს სიტყვები მათთვის სასიცოცხლოდ მნიშვნელოვანია.

როდესაც ზრდასრული ქალიშვილი მამას ეუბნება: „მიყვარხარ“, თითქოს მათ შორის უხილავ კედელს ანგრევს. ეს არ არის მხოლოდ აღიარება, არამედ სიგნალია: „არ არის აუცილებელი ყოველთვის ძლიერი იყო, მე მაინც სულ მიყვარხარ“ - ზოგჯერ ამ სიტყვას შეუძლია ურთიერთობის გადატვირთვა, რაც შეგახსენებთ ყველაზე მნიშვნელოვანს - სიახლოვეს, რომელიც არ საჭიროებს მტკიცებულებას.

გახსოვდეთ, როდესაც მამას მადლიერების სიტყვებს უზიარებთ, თითქოს საკუთარი თავის იმ ნაწილს უკავშირდებით, რომელსაც სითბო და მხარდაჭერა სჭირდებოდა. სწორედ ამ კავშირიდან იბადება შინაგანი ძალა - ის, რაც გვეხმარება თავი სრულყოფილად, თავდაჯერებულად და საჭიროდ ვიგრძნოთ.