Wizz Air-მა, ცენტრალური და აღმოსავლეთ ევროპის ერთ-ერთმა წამყვანმა ავიაკომპანიამ და HTS-მა, გლობალური ტურისტული ტექნოლოგიების პლატფორმამ, დაიწყეს თანამშრომლობა, რომელიც გულისხმობს მომხმარებლებისთვის ახალი პროდუქტის შეთავაზებას. სერვისი დაეხმარება მომხმარებლებს wizzair.com-სა და Wizz Air-ის აპლიკაციაში ფრენების შეფერხებების მართვაში. Wizz Air, რომელიც 2026 წელს დაახლოებით 80 მილიონი მგზავრის გადაყვანას ისახავს მიზნად, გახდა პირველი ევროპული ავიაკომპანია, რომელიც მომხმარებლებს სთავაზობს HTS-ის ახალ გადაჯავშნის სერვისს - Disruption Assistance. აღნიშნული პროდუქტი უზრუნველყოფს რეალურ დროში გადაჯავშნის ვარიანტებს შეფერხებების დროს და ამ ეტაპზე არ ექვემდებარება EC261 რეგულაციას, რომელიც მგზავრებს ეხმარება საბოლოო დანიშნულების ადგილზე უფრო სწრაფად და ეკონომიურად ჩასვლაში.

Wizz Air აფართოებს დამატებითი სერვისების პორტფელს და მგზავრებს სთავაზობს მეტ კონტროლსა და კმაყოფილებას მგზავრობის დღეს, შეფერხებების დროს — შესაძლებლობებს, რომლებიც ამჟამად არც ერთ სხვა ევროპულ ავიაკომპანიას არ აქვს. ახალი შეთავაზება დროულად ემთხვევა ზაფხულის დატვირთულ სამოგზაურო სეზონს, როდესაც შეფერხებების რაოდენობა, როგორც წესი, იზრდება — 2026 წლის ზაფხულში ევროპაში ავიამოძრაობა რეკორდს მოხსნის, მოსალოდნელი 5.8%-იანი ზრდით მოთხოვნაში და 3%-იანი წლიური ზრდით ფრენების რაოდენობაში.

WIZZ-ის მომხმარებლებს შეუძლიათ Disruption Assistance დაამატონ ბილეთის დაჯავშნის პროცესში. მოგზაურობის დღეს HTS აკვირდება ფრენებს და პროაქტიურად აცნობებს იმ მომხმარებლებს, რომლებმაც შეიძინეს აღნიშნული სერვისი, ნებისმიერი შეფერხების, მათ შორის 2 საათზე მეტი დაგვიანებისა და ფრენის გაუქმების შესახებ. მომხმარებლებს შეუძლიათ უფასოდ ჩაანაცვლონ ფრენა სხვა ავიაკომპანიის რეისით საბოლოო დანიშნულებამდე, განსაზღვრული ლიმიტის ფარგლებში.

თუ შემოთავაზებული გადაჯავშნის ვარიანტები მათთვის მისაღები არ არის, მომხმარებლებს შეუძლიათ მიიღონ ბილეთის 100%-იანი ანაზღაურება და ამავდროულად მაინც ისარგებლონ თავდაპირველი ფრენით. მომსახურების კმაყოფილების ანაზღაურება მოიცავს WIZZ-ის დამატებით სერვისებსაც (როგორიცაა ბარგი, ადგილები, WIZZ Priority და სხვა დამატებითი პროდუქტები). ამასთანავე, Wizz Air სრულად ინარჩუნებს პასუხისმგებლობას მგზავრების მხარდაჭერისადმი, მოქმედი რეგულაციების შესაბამისად, ხოლო Disruption Assistance ავსებს და არ ანაცვლებს უკვე არსებულ მომსახურებას და არ ზღუდავს მომხმარებლების EC261 უფლებებს.

დენ პომბო, HTS-ის (Hopper Technology Solutions) შემოსავლების უფროსი ვიცე-პრეზიდენტი:

„Wizz Air კვლავ ლიდერია ინოვაციური გადაწყვეტილებების ადრეული დანერგვით, რომლებიც ამარტივებს მგზავრობის პროცესს. Disruption Assistance არის HTS-ის ერთ-ერთი ყველაზე პოპულარული ფინტექ პროდუქტი და აჩვენებს მაღალი მოთხოვნის მაჩვენებლებს, 95%-იან მომხმარებელთა კმაყოფილებას და 82%-იან განმეორებითი შეძენის მაჩვენებელს. ეს პროდუქტი სტრესული მოგზაურობის მომენტებს გარდაქმნის ბრენდისთვის მნიშვნელოვან გამოცდილებად, რაც მომხმარებლებს კვლავ დაბრუნებისკენ უბიძგებს.”

სილვია მოსკერა, Wizz Air-ის კომერციული ოფიცერი:

„Customer First Compass მნიშვნელოვან როლს თამაშობს ყველა გადაწყვეტილებაში, რომელსაც ვიღებთ და ეს პარტნიორობა ამ ვალდებულების ბუნებრივი გაგრძელებაა. ამ ინსტრუმენტის დანერგვით ჩვენ ვთავაზობთ უნიკალურ, პროაქტიულ, მომხმარებელზე ორიენტირებულ გადაწყვეტას, რომელიც ავსებს ჩვენს არსებულ სერვისებს და მგზავრებს აძლევს თავდაჯერებულობას უკვე 2-საათიანი დაგვიანების შემთხვევაშიც, ბევრად ადრე, ვიდრე ევროკავშირის რეგულაციები ამოქმედდება. ჩვენ ვიცით, რომ ბევრი მგზავრისთვის - განსაკუთრებით ოჯახებით ან ჯგუფებად მგზავრობისას — მნიშვნელოვანია სანდოობა და დროულობა. ეს გადაწყვეტა შექმნილია მათთვის, ვინც აფასებს მოქნილობას და უზრუნველყოფს სრულ დაცვას შეფერხებების შემთხვევაში, მათ შორის ისეთ შემთხვევებშიც, როდესაც არსებული პოლიტიკები ვერ უზრუნველყოფს გამოსავალს და მომხმარებელი მაინც დისკომფორტს განიცდის. ის მუშაობს ჩვენს არსებულ მხარდაჭერის მექანიზმებთან და EC261 რეგულაციასთან ერთად, აძლიერებს ჩვენს მომსახურებას და ინარჩუნებს სამართლიანი და გამჭვირვალე სერვისისადმი ერთგულებას.”

HTS-ის შესახებ

HTS (Hopper Technology Solutions), გლობალური ტურისტული ტექნოლოგიების პლატფორმა, იყენებს მონაცემებზე დაფუძნებულ და AI-ზე მომუშავე ტექნოლოგიებს, რათა პარტნიორებს დაეხმაროს თანამედროვე მოგზაურების საჭიროებების დაკმაყოფილებაში. კომპანიამ შექმნა უნიკალური ფინტექ დამატებითი პროდუქტები, რომლებიც ფარავს როგორც ფასების მერყეობას, ასევე მოგზაურობის შეფერხებებს. მსოფლიოს წამყვან ბანკებთან, ავიაკომპანიებთან და ტურისტულ პროვაიდერებთან თანამშრომლობით, HTS აძლიერებს პარტნიორების პირდაპირ არხებს თავისი ფინტექ, AI და e-commerce გადაწყვეტილებებით. დამატებითი ინფორმაციისთვის ეწვიეთ: hts.hopper.com.

Wizz Air-ის შესახებ

Wizz Air ოპერირებს 262 Airbus A320 და A321 ტიპის საჰაერო ხომალდით. გამოცდილი საავიაციო პროფესიონალების გუნდი უზრუნველყოფს მაღალი ხარისხის მომსახურებასა და ძალიან დაბალ ტარიფებს, რამაც Wizz Air 2025 ფინანსურ წელს 63.4 მილიონი მგზავრისთვის სასურველ არჩევანად აქცია. Wizz Air ლონდონის საფონდო ბირჟაზეა წარმოდგენილი WIZZ-ის ტიკერით. Wizz Air ასევე აღიარებულია „ყველაზე მდგრად დაბალბიუჯეტიან ავიაკომპანიად” 2021-2025 წლებში World Finance Sustainability Awards-ის ფარგლებში. 2026 წელს, Cirium-ის — საავიაციო ანალიტიკური კომპანიის შეფასებით, Wizz Air-მა გლობალური ავიაკომპანიების ემისიების რეიტინგში მეორე ადგილი დაიკავა, ემისიების ინტენსივობის შემცირების მიმართულებით მიღწეული პროგრესის გამო. 2025 წლის სექტემბერში, Airline Economics Sustainability Awards Gala-ზე კომპანიამ მიიღო ჯილდო „Sustainable Airline of the Year 2025”.