თუ ზაფხულის განწყობაზე დადგომა ან ზღვისა და კურორტების ხედებით ტკბობა გსურთ, ეს 7 სერიალი სწორედ თქვენთვისაა:

„სირენები“ (Sirens)

მოქმედება მდიდრულ კუნძულზე ვითარდება. დევონი მიდის დასთან, რომელიც თავისი მდიდარი უფროსის გავლენის ქვეშ მოექცა. მართალია, მისი დახსნა სურს, თუმცა სიმდიდრის ცდუნება დიდია.

მსახიობები: ჯულიანა მური, მილი ოლიკოკი, მეგან ფეიჰი.

„პალმ-როიალი“ (Palm Royale)

1969 წელი, კურორტი პალმ-ბიჩი. ქმრის ღალატის შემდეგ, მთავარი გმირი ცდილობს ქალაქის ყველაზე ელიტურ და დახურულ ქალთა კლუბში მოხვდეს. სერიალში შეხვდებით ოჯახურ საიდუმლოებებს, მკვლელობებსა და მდიდრულ წვეულებებს.

მსახიობები: კრისტენ ვიგი, ლო დერნი, რიკი მარტინი.

„თეთრი ლოტუსი“ (The White Lotus)

თუ შვებულება ვერ დაგეგმეთ, ეს სერიალი ეგზოტიკურ ადგილებში (ჰავაი, სიცილია, ტაილანდი) გიმოგზაურებთ. თითოეულ სეზონში ჩახლართული და ძალიან საინტერესო სიუჟეტია.

მსახიობები: ჯენიფერ კულიჯი, სიდნი სუინი, თეო ჯეიმსი და სხვები.

„წელიწადის დროები“ (The Seasons / The Four Seasons)

სამი წყვილი ყოველ წელიწადის დროზე ერთად გადის დასასვენებლად. მათ იდილია დაერღვევათ, როდესაც ერთ-ერთი წყვილი აცხადებს, რომ დაშორდნენ. ამ დროს კი ჯგუფში ახალი გოგონა გამოჩნდება.

მსახიობები: თინა ფეი, სტივ კარელი.

„ემილი პარიზში“ (Emily in Paris)

ემილი პარიზში კარიერის დასაწყებად ჩადის, თუმცა მისი თავგადასავალი საფრანგეთის ულამაზესი ადგილებით არ მთავრდება - მოგვიანებით ის იტალიასა და საბერძნეთშიც მოგზაურობს.

„სიკვდილი და სხვა დეტალები“ (Death and Other Details)

მდიდრულ საკრუიზო ლაინერზე მკვლელობა ხდება. ცნობილი დეტექტივი იძიებს საქმეს, სადაც ეჭვმიტანილი გემზე მყოფი მილიონერები და ერთ-ერთი უდანაშაულო მგზავრი ხდებიან.

„კურორტი“ (The Resort)

წყვილი მექსიკის კურორტზე მიდის ურთიერთობის გადასარჩენად. ცოლი ჯუნგლებში პოულობს ძველ ტელეფონს, რომელიც 15 წლის წინ გაუჩინარებულ ბიჭს ეკუთვნოდა. ეს აღმოჩენა წყვილს სახიფათო გამოძიებაში ითრევს.

მსახიობები: უილიამ ჯექსონ ჰარპერი, კრისტინ მილიოტი.