საოფისე, საქმიანი სტილის სამოსის შერჩევა ზაფხულშ, როცა თერმომეტრი ჰაერის ტემპერატურის უმაღლეს ნიშნულს უახლოვდება, არცთუ ისე მარტივია და ქალებისთვის ეს საკმაოდ დიდი გამოწვევაა.

გთავზობთ 2017 წლის ზაფხულის ტენდენციებს:

1. ჩაიცვით თეთრი პერანგი, ის ძალიან ლამაზია ფერად კაბაზე. თქვენი ვიზუალი იქნება კლასიკური და ამასთანავე სიცხე არ შეგაწუხებთ. 

2. თხელი, კლასიკური, თავისუფალი სტილის თეთრი შარვალი შეგიძლიათ შეუსაბამოთ შავ კლასიკურ პერანგს.

3. ზაფხულის ფეხსაცმლის ალტერნატივად შეგიძლიათ შეარჩიოთ ღია ფერის ჩექმა მოკლე ყელით, რომელიც ძალიან უხდება შიშველ ფეხს და ფერად ტანსაცმელს. 

4. მოკლე, ფერადი კაბა შეუხამეთ გრძელ სახელოებიან პერანგს. თქვენი ვიზუალი სექსუალური და ამავდროულად ელეგანტური იქნება.

5. თეთრი და ღია ფერის თავისუფალი სტილის კაბა ყოველთვის კარგი გადაწყვეტილებაა. ოღონდ როცა ოფისს და ოფიციალურ სტილს ეხება საქმე, არ დაგავიწყდეთ, რომ ამ დროს, ასეთ კაბას სახელო გრძელი უნდა ჰქონდეს. წინააღმდეგ შემთხვევაში, ვულგარული გამოჩნდებით.

6. შეგიძლიათ ჩაიცვათ ერთნაირი ფერის კაბა და პერანგი.

7. შეგიძლიათ კედებს, ან ბოტასს შეუსაბამოთ კლასიკური, მოკლე სტილის და ღია ფერის შარვალი, მოირგოთ ასეთივე ფერის პიჯაკი.

8. მოდაშია შიფონის კაბები მუხლს ოდნავ ქვემოთ და გრძელი სახელოებით.

9. ლურჯ და თეთრ ზოლებში გადაწყვეტილი პერანგი შეგიძლიათ თავისუფალი სტილის ფერად შარვალს შეუხამოთ. ასეთ სტილს ძალიან უხდება თეთრი ფეხსაცმელი, დაბალ ქუსლზე.

10. მოდურია მაღალწელიანი მოკლე კაბები. შეგიძლიათ კაბა ასეთივე ფერის პერანგს შეუსაბამოთ. თუ არჩევანს რძისფერზე გააკეთებთ, მას ძალიან მოუხდება ვარდისფერი დეტალებით გაფორმებული ჩანთა.

11. ერთიანი კაბა, მუხლს ოდნავ ქვემოთ, აუცილებლად ქამრით და თუ მოკლე სახელოები აქვს, შეგიძლიათ მასზე პერანგი მოიცვათ.

12. ასევე, შეგიძლიათ ოფისში ჩაიცვათ ტოპ მაისური, თუმცა იმისთვის, რომ არ იყოს ზედმეტად თვალშისაცემი, ჩაიცვით ის მაღალაწელიან შარვალზე და აუცილებლად ჩაიცვით პიჯაკი.

13. მოდაშია გრძელი, თავისუფალი სტილის კაბები. შავი გრძელი კაბისა და თეთრი პერანგის კომბინაცია იდეალურია. არ დაგავიწყდეთ მაღალქუსლიანი ფეხსაცმელი.

14. თუკი ჩაიცვამთ თეთრ და იისფერ ზოლიან (ფერი შეიძლება იყოს ნებისმიერი) პერანგს, შეუსაბამეთ ფეხსაცმელი, რომელიც ასეთივე ფერებში იქნება გადაწყვეტილი.

15. მოდაშია ვიწრო, ე.წ. მიდი კაბები სხვადასხვა პრინტით. ის იდეალურია მაღალქუსლიან ფეხსაცმელზე.