უამრავი ადამიანით ვართ გარშემორტყმულნი. ზოგიერთი მათგანი, შესაძლოა, ჩვენი ინსპირაციის წყარო გახდეს, რათა წარმატებას მივაღწიოთ და უკეთესები გავხდეთ, მაგრამ არიან ისეთებიც, რომლებიც ცხოვრების ხალისს გვაკარგვინებენ.

გთავაზობთ ადამიანების 11 ტიპს, რომლებიც ცხოვრებას გვიწამლავენ:

11. კრიტიკოსები - „რა ლამაზი კაბა გაცვია, მაგრამ ცუდია, რომ მე მას ვერასოდეს ჩავიცვამ იმიტომ, რომ ის მხოლოდ დაბალი ადამიანებისთვისაა“ - უთქვამთ თქვენთვის ეს, ან რაიმე მსგავსი? ასეთი ადამიანები სარკასტულ და მძიმე შენიშვნებს იყენებენ ისე, როგორც კომპლიმენტებს. მსგავსი კომენტარებით ისინი ცუდ ხასითზე გაყენებენ და ყველაფრის ხალისს გიკარგავენ. ასე რომ, სჯობს თავი აარიდოთ მათთან ურთიერთობას.

10. მსხვერპლი - გყავთ ისეთი ადამიანი, რომელსაც არ ახსენდებით, თქვენით არ ინტერესდება, სანამ არ დასჭირდებით? შესაძლოა, წლებია ერთმანეთი არ გინახავთ და ერთმანეთის ცხოვრების შესახებ მცირე დეტალებიც კი არ იცით, მაგრამ უცებ ეს ადამიანი თქვენ წინ ჩნდება და ფულს, ან სხვა რაიმეს გთხოვთ. ასეთი ადამიანებიც უნდა უარყოთ. ისინი მხოლოდ თქვენს გამოყენებაზე ფიქრობენ.

9. ადამიანები, რომლებიც პანიკაში გაგდებენ - შესაძლოა, ვერ გაანალიზოთ და ვერ შეაფასოოთ სიტუაცია ისე, როგორც სინამდვილეშია, თუ ასეთი ადამიანი თქვენ გვერდითაა. ის ცდილობს, პანიკაში ჩაგაგდოთ. სცადეთ, თავი აარიდოთ ასეთ ადამიანებს. ისინი მოსვენების საშუალებას არ მოგცემენ.

8. ფარისეველი - მათი ამოცნობა თავდაპირველად რთულია. ისინი თქვენ წინ ძალიან კეთილები ჩანან, თითქოს, ძალიან აინტერესებთ თქვენი ბედი, სინამდვილეში კი, ეზიზღებით და მხოლოდ იმაზე ფოქრობენ, რომ რამე შეგეშალოთ, რაიმე არ გამოგივიდეთ. ყოველთვის გატყუებენ და თვალთმაქცობენ. მათი ნდობა არ შეიძლება და როგორც კი, ასეთ ადამიანს თქვენ გვერდით შენიშნავთ, თავი აარიდეთ მას.

7. ეგოისტი - ის იკვებება თქვენი ყურადღებითა და სიყვარულით. ის გიახლოვდებათ, გპირდებათ, რომ თქვენ გამო ყველაფერს გააკეთებს, მაგრამ სინამდვილეში არაფერს აკეთებს. თქვენ ყოველთვის აკეთებთ მისთვის ყველაფერს, უთმობთ მას თავისუფალ დროს. რაც შეიძლება შორს დაიჭერეთ თავი ასეთი ადამიანებისგან. მათ მხოლოდ საკუთარი თავი უყვართ და არა თქვენ.

6. წარსულის აჩრდილი - ამ კატეგორიაში ის ადამიანები არიან, რომლებმაც თქვენი ცხოვრება წლების წინ დატოვეს. როცა მათ მოულოდნელად ხვდებით, ისევ აძლევთ თქვენს ცხოვრებაში შემოსვლის საშუალებას მხოლოდ იმიტომ, რომ წარსული გენატრებათ. როცა ურთიერთობა მთავრდება, ის ვეღარასდროს გახება ისეთი, როგორიც წლების წინ იყო. ადამიანი, რომელსაც წლების შემდეგ შეხვდით აბსოლუტურად სხვაგვარი იქნება. ასე რომ, სჯობს, თავი აარიდოთ წარსულის აჩრდილებს.

5. ყბედი - ყურადღება მიაქციეთ, თუ თქვენ გვერდით მყოფი ადამიანი ხშირად იყენებს მსგავს ფრაზებს - „დასასვენებლად ჩვენ აუცილებლად ერთად წავალთ“, „კიდევ ერთი წელი მოიცადე და დავქორწინდებით“, „გპირდები, აუცილებლად წავალთ რესტორანში“. თუ საყვარელი ადამიანი ასე გესაუბრებათ, მხოლოდ გპირდებათ და არასოდეს არ ასრულებს დანაპირებს, დროა, დაემშვიდობოთ.

4. „ან ამას გააკეთებ, ან წახვალ“, ანუ ადამიანები, რომლებიც მუდამ ულტიმატუმს გიყენებენ - ასე ცხოვრება არავის შეუძლია. იძულებული ხართ რაღაცები სურვილის საწინააღმდეგოდ გააკეთოთ. ამიტომ, უნდა მოშორდეთ მსგავს ადამიანებს.

3. ბუტია - ისინი იმახსოვრებენ თქვენს სულ მცირე შეცდომასაც კი და ხშირად გახსენებენ ამას და თავს დამნაშავედ გაგრძნობინებენ. თავი აარიდეთ მათ.

2. ეჭვიანები - მათ წარმოსახვის საოცარი უნარი აქვთ და ყოველთვის, ყველგან ცდილობენ ტყუილში გამოგიჭირონ, გამოწმებენ, ეჭვიანობენ და ამის გამო მუდამ ცუდ ხასიათზე გაყენებენ. ასეთი ურთიერთობა აუცილებლად უნდა „წაშალოთ.“

1. მოღალატე - ასეთ ადამიანებს საერთოდ არ აწუხებთ ის, რომ გიღალატათ, ვერანაირ პასუხისმგებლობას ვერ გრძნობენ, არც დანაშაულის შეგრძნება აქვთ და ღალატი მათთვის მარტივია. ცხოვრებაში მათ აბსოლუტური თავისუფლება სურთ. მათთვის თქვენი ტკივილი და გრძნობები არაფერს ნიშნავს. ასეთი ადამიანი გვერდით არ გჭირდებათ. აუცილებლად მოიშორეთ თავიდან.