შესაძლოა, ქალმა მთელი ცხოვრება მარტომ გაატაროს, შესაძლოა უარი თქვას ყოფილზე და არ სურდეს, რომ მასთან სერიოზული ურთიერთობა აკავშირებდეს. ან უბრალოდ უნდოდეს, რომ იყოს გამორჩეული და გამოეყოს დანარჩენ მსოფლიოს, უმრავლესობას, იმ ადამიანებს, რომელთა ცხოვრების მთავარი მიზანიც სასიყვარულო ურთიერთობებია.

ახალი კვლევის თანახმად, ის გოგონები, რომლებიც დიდი დროის განმავლობაში მარტო ცხოვრობენ, საბოლოოდ, ყველაზე ბედნიერები არიან.

ასე იმიტომ ხდება რომ ისინი საკუთარ თავთან თავს კომფორტულად გრძნობენ, იღებენ საკუთარ თავს ისეთს, როგორებიც არიან, სწავლობენ მარტო ცხოვრებას. მათ შეუძლიათ ღამე მარტომ გაატარონ და ამავდროულად, მარტოობა არ იგრძნონ. შეუძლიათ, წავიდნენ მარტო საყიდლებზე, ან რესტორანში, ან კინოში და თავი არაკომფორტულად არ იგრძნონ იმის გამო, რომ კომპანიონი არ ჰყავთ.

ისინი პოულობენ ნამდვილ ბედნიერებას, რადგანაც აქვთ ბევრი დრო და შეუძლიათ ეს დრო სხვადასხვასასიამოვნო აქტივობებს დაუთმონ, შეიცნონ სამყარო, იმოგზაურონ და უფრო მეტად კონცენტრირდნენ მიზნის მიღწევაზე.

ისინი არიან ძალიან ბედნიერები, რადგანაც სწავლობენ, რომ სამყაროში მთავარი მხოლოდ და მხოლოდ სიყვარული არ არის და მის გარდაც არსებობს ბევრი რამ, რამაც შეიძლება ბედნიერება მოგიტანონ. მათი ცხოვრების მიზანი არ არის საყვარელი ადამიანის პოვნა. ისინი მოქმედებენ, წინ მიიწევენ მიზნებისკენ და აგებენ თავიან მომავალს.

გოგონებმა, რომლებიც დიდი ხნის განმავლობაში მარტო ცხოვრობენ, იციან ასეთი ცხოვრების გემო და იციან, როგორ უნდა მიიღონ სიამოვნება და ის აზრი, რომ შესაძლოა არასოდეს დაქორწინდნენ, არ აშინებთ. მარტო ცხოვრება არ აშინებთ, პირიქით, ეს მათი ინსპირაციის წყარო ხდება.

და თუ ასეთი ქალი შეხვდება ვინმეს, ვისთანაც სასიყვარულო ურთიერთობის გაბმას გადაწყვეტს, ის უნდა იყოს ადამიანი, რომელთან ურთიერთობაც გამოწვევა იქნება და რომელიც ამ ქალს კიდევ უფრო მეტი წარმატების მიღწევისკენ უბიძგებს. რომელიც დაეხმარება, რომ უფრო მარტივად დაიპყროს სამყარო, რომელიც იამაყებს და ბედნიერი იქნება მისი წარმატებით, რომელიც მისგან მსხვერპლშეწირვას არ მოითხოვს და სასიყვარულო ურთირთობის გამო გეგმების შეცვლას არ მოსთხოვს.

ქალები, რომლებიც დიდი დროის განმავლობაში მარტო ცხოვრობენ, გამოირჩევიან ძლიერი პიროვნული მახასიათებლებით. მათ არ სჩვევიათ სასიყვარულო ურთიერთობის დროს თავის დაკარგვა, რაციონალურად იღებენ გადაწყვეტილებებს. ისინი არ გადაუხვევენ საკუთარ პრინციპებს და პარტნიორის გამო ოცნებებსა და მიზნებზე უარს არ იტყვიან.

ეს გოგონები ძალიან ბედნიერები არიან, რადგანაც ეძებენ ისეთ ადამიანს, რომელიც მათ ცხოვრებას კიდევ უფრო ბედნიერს გახდის, ადამიანს, რომელიც თავდაჯერებულობას შემატებთ, რომელიც სრულყოფილ და ბედნიერ ცხოვრებას შესთავაზებთ.