24 ივლისიდან ვენერა სასწორში გადადის, ხოლო ნეპტუნი თევზებში. ამით კი, ატროლოგიური ოპოზიცია იქმნება - ეს პლანეტები ოპოზიციურად არიან განლაგებულნი. აღნიშნული ფაქტი კი, სასიყვარულო ურთიერთობაზე ახდენს გავლენას.

როგორც წესი, პლანეტების ამგვარი განლაგების გავლენა სასიყვარულო ურთიერთობაზე დადებითად აისახება. თქვენი ცხოვრებიდან წავა ყოველგვარი ნეგატივი და მხოლოდ დადებითი, პოზიტივი დარჩება.

სიყვარული, საყვარელ ადამიანთან ურთიერთობა ყველაზე მნიშვნელოვანი და ღირებული იქნება. იგრძნობთ, რომ ურთიერთობა უფრო მტკიცეა.

24 ივლისის შემდეგ მომდევნო ერთი კვირა იქნება წარმოუდგენლად ბედნიერი ზოდიაქოს ყველა ნიშნისთვის. ცხოვრებაში იპოვნით ნამდვილ ჰარმონიულობას.

ეს არის პერიოდი, როცა უფრო მეტი ყურადღება უნდა მიაქციოთ დეტალებს, უფრო მეტი ყურადღება მიაქციოთ პარტნიორის საჭიროებებს. მეტი დრო დაუთმოოთ პირად ურთიერთობებს, განმარტოვდეთ საყვარელ ადამიანთან ერთად.

რაც შეეხება იმას, რომ ნეპტუნი თევზებშია - ეს მიუთითებს, რომ უფრო ემოციურები იქნებით სიყვარულის საკითხებთან დაკავშირებით და გულის მიხედვით იმოქმედებთ. ნაბიჯებს გულის კარნახის მიხედვით გადადგამთ.

ნეპტუნის გავლენით შესაძლოა გარკვეული გამოწვევების წინაშე დადგეთ, თუმცა განსაკუთრებულ ბრძოლისუნარიანობას იგრძნობთ და ყველა გამოწვევას წარმატებით დაძლევთ.

ასტროლოგები ამბობენ, რომ მომდევნო ერთი კვირის განმავლობაში, შესაძლოა, ნეპტუნის გავლენით, სასიყვარულო ურთიერთობებთან დაკავშირებით რადიკალური, ემოციური გადაწყვეტილებები მიიღოთ და შემდეგ ინანოთ, ამიტომ ისინი გირჩევენ, რომ უფრო მეტი თავშეკავებულობა გამოიჩინოთ.

სანამ დაქორწინების, ან განქორწინების გადაწყვეტილებას მიიღებდეთ, ჯერ კარგად დაფიქრდით. საერთოდ უმჯობესია, თუ დაელოდებით ერთი კვირის გასვლას და საკითხს თავიდან დაუბრუნდებით.

ამ პერიოდში ბევრი რამ უფრო ნათელი და ცხადი გახდება, შესაძლოა, დიდი ხნის საიდუმლოებს აეხადოს ფარდა. მაგრამ გახსოვდეთ, რომ სიყვარული არ არის მარტივი, ნამდვილი სიყვარული შთაგვაგონებს და ნებისმიერ დაბრკოლებას გადაგვალახვინებს.

საბოლოო ჯამში, ემოციური და სიყვარულით სავსე ერთი კვირა გელოდებათ. ასე რომ, მოემზადეთ.