ვერძი

ვერძი თამამი, კონკურენტუნარიანი და აქტიური ადამიანია. მიუხედავად იმისა, თქვენი საყვარელი ვერძი სპორტით გატაცებულია თუ არა, მას მაინც ძალიან უყვარს სპორტული, ნათელი ფერის, მხიარული ნივთები. ამიტომ, თამამად შეგიძლიათ შეურჩიოთ საჩუქარი, რომელიც ყველას ყურადღებას მიიპყრობს და თან, აქტიური ცხოვრების სიმბოლო იქნება. მაგალითად, სპორტული წელის ჩანთა, ტელეფონის სამაგრი, იოგას დასაფენი, ან უბრალოდ კარგი მაისური, იდეალური საჩუქარი იქნება.

კურო

კურო შრომისმოყვარე ადამიანია, რომელსაც ცხოვრების წესიდან გამომდინარე, კარგი დასვენება სჭირდება. დამატებით, ის გიჟდება საკუთარი თავის მოვლაზე. მისთვის იდეალური საჩუქარი ისაა, რომელიც დაეხმარება, დასვენება და თავის მოვლის რუტინა შემდეგ საფეხურზე გადაიყვანოს. მაგალითად, ძვირფასი თიხის ნიღაბი, აბრეშუმის პიჟამა, სახლის ფუმფულა ფაჩუჩები ან ექსტრა კომფორტული ბალიში, საუკეთესო საჩუქარი იქნება.

ტყუპები

ტყუპებისთვის იდეალური საჩუქარია ისაა, რაც მას საშუალებას მისცემს გამოიყენოს საკუთარი ცოდნის ფართო სპექტრი და საკომუნიკაციო უნარები. დამატებით, ზოდიაქოს ნიშნის თავისებურებიდან გამომდინარე, გიჟდებიან მრავალი გამოყენების ნივთებზე. მაგალითად, სახალისო, ინტელექტუალური სამაგიდო თამაში ან ორმხრივი ქურთუკი, მისთვის საუკეთესო საჩუქარი იქნება.

კირჩხიბი

კირჩხიბი მზრუნველი ადამიანია, რომლის ცხოვრებისეული მისიაც, სხვების გახარებაა. მას ძალიან მოეწონება საჩუქარი, რომელსაც მასპინძლობის დროს ან კულინარიული ექსპერიმენტების დროს გამოადგება. მაგალითად, ახალი რეცეპტების წიგნი, სანთლების ნაკრები და ქსოვილის ელეგანტური ხელსახოცები, მისთვის საუკეთესო არჩევანია.

ლომი

ლომს ყოველთვის სურს იყოს შოუს ვარსკვლავი, ამიტომ დარწმუნდით, რომ ისეთ საჩუქარს შეარჩევთ, რომელიც ამის მიღწევაში დაეხმარება. რა ნივთიც არ უნდა შეარჩიოთ, დარწმუნდით, რომ ის იქნება ექსკლუზიური, გამორჩეული და ადვილად შესამჩნევი.

ქალწული

ჭკვიან, პრაქტიკულ და ორგანიზებულ ქალწულს მოსწონთ საჩუქარი, რომელიც ფუნქციონალურია და ემსახურება კონკრეტულ მიზანს. მაგალითად, წიგნები, ორგანაიზერები, წიგნები და ფუნქციური დეკორატიული ნივთები, მისთვის მშვენიერი არჩევანია.

სასწორი

სასწორს უყვარს ყველაფერი, რაც მხატვრული, რომანტიკული და ესთეტიურად სასიამოვნოა, იქნება ეს მოდური აქსესუარი, სახლის დეკორაცია თუ კოსმეტიკური პროდუქტი.

მორიელი

მორიელი საიდუმლოებით მოცული, საოცრად მიმზიდველი ადამიანია, რომელიც გიჟდება მისტიკაზე და საკუთარი სულიერების შესწავლაზე. მისთვის იდეალური საჩუქარი იქნება, იდუმალებით მოცული, დიდი ზომის შავი სათვალე ან ბლოკნოტი, რომელსაც ჩამკეტი აქვს.

მშვილდოსანი

მშვილდოსანს უყვარს მოგზაურობა და სოციალიზაცია. მას ძალიან მოეწონება საჩუქარი, რომლის გამოყენებასაც მოგზაურობის დროს, ან მეგობრებთან ერთად შეძლებს. მაგალითად, ახალი ჩემოდანი, სამოგზაურო ნაკრები ან სამაგიდო თამაში, საუკეთესო საჩუქარი იქნება.

თხის რქა

თხის რქა კარიერულად ამბიციური ადამიანია, რომელიც თითქმის ყოველთვის მუშაობს. ამიტომ, თამამად შეგიძლიათ შეურჩიოთ საჩუქარი, რომელიც სამსახურს უკავშირდება. მაგალითად, ლეპტოპის ქეისი, ტევადი ჩანთა ან მომავალი წლის დღიური, იდეალური არჩევანი იქნება.

მერწყული

მერწყული დამოუკიდებელი, ინტელექტუალური და უნიკალური ადამიანია, ამიტომ, მისთვის შერჩეული საჩუქარი რამდენიმე მთავარ კრიტერიუმს უნდა აკმაყოფილებდეს - იყოს ისეთი ნივთი, რომელიც ყველას არ აქვს და ამასთან, საშულებას მისცემს გამოიყენოს საკუთარი გონებრივი შესაძლებლობები.

თევზები

თევზები შემოქმედებითი, მგრძნობიარე და ინტუიციური ადამიანია. მისთვის, ნებისმიერი ჯადოსნური საჩუქარი იდეალური არჩევანი იქნება. სხვა სიტყვებით რომ ვთქვათ, თამამად აირჩიეთ ტაროს ახალი დასტა, მინერალები ან მომდევნო წლის მთვარის კალენდარი.