თმის მოვლისას ერთ-ერთი ყველაზე დიდი დილემა სწორედ ეს არის:

დავიბანოთ თმა ძილის წინ, რომ დილით დრო დავზოგოთ, თუ დილით, რომ მთელი დღე იდეალური მოცულობა გქონდეს?

ექსპერტები და დერმატოლოგები გვანდობენ მთავარ საიდუმლოს: უნივერსალური საათი არ არსებობს, თუმცა არსებობს მკაფიო წესები, რომლებიც თმის ტიპსა და თქვენს რიტმზეა მორგებული.

ვისთვის არის იდეალური თმის დილით დაბანა?

თუ თქვენი თმა ცხიმიანია, თხელია ან სწორდება, დილის რუტინა თქვენი საუკეთესო არჩევანია.

• ცხიმოვანი ჯირკვლების აქტივობა: ღამის განმავლობაში თავის კანზე სებუმის (ცხიმის) გამოყოფა გრძელდება.

• „ბალიშის ეფექტი“: ძილის დროს თმა იჭყლიტება, ცხიმი მთლიან სიგრძეზე ნაწილდება და თმა მოცულობას კარგავს.

• შედეგი: დილით დაბანა გაძლევთ მაქსიმალურ მოცულობას და ბუნებრივ ბზინვარებას მთელი დღის განმავლობაში.

როდის სჯობს თმის საღამოს დაბანა?

საღამოს დაბანა შეუცვლელია მათთვის, ვინც დღის განმავლობაში აქტიურად ვარჯიშობს, ბევრს მოძრაობს ან დაბინძურებულ გარემოში უწევს ყოფნა.

• დღის ტვირთის ჩამოწმენდა: საღამოს დაბანით იშორებთ ოფლს, მტვერს.

• ოქროს წესი: არასდროს დაწვეთ სველი თმით! სველი თმა უკიდურესად სუსტია და ხახუნისგან იოლად ტყდება. თუ თმას საღამოს იბანთ, აუცილებლად გაიშრეთ ის ბუნებრივად ან ფენით (საშუალო ტემპერატურაზე).

რა განსაზღვრავს თმის სიქორფეს სინამდვილეში?

დღის მონაკვეთზე მეტად მნიშვნელოვანი სწორი ტექნიკა და სიხშირეა:

1. შამპუნი - მხოლოდ ძირებს: შამპუნი განკუთვნილია თავის კანისთვის, სადაც ცხიმი და ჭუჭყი გროვდება. სიგრძეს სრულიად ჰყოფნის ის ქაფი, რომელიც ჩამობანისას ჩამოედინება.

2. კონდიციონერი - მხოლოდ ბოლოებს: არასდროს წაისვათ კონდიციონერი თავის კანზე (განსაკუთრებით, თუ თხელი თმა გაქვთ), რადგან ეს თმას დამძიმებასა და სწრაფად დაცხიმიანებას იწვევს.

3. დაივიწყეთ ცხელი წყალი: დაბანისას გამოიყენეთ თბილი წყალი, რათა თავის კანი არ გააღიზიანოთ.

4. ნუ „აწამებთ“ თმას: არ არის საჭირო თმის ძალით „მიჩვევა“ იშვიათ დაბანაზე. თუ კანი გექავებათ ან გიმძიმდებათ, დაიბანეთ მაშინ, როცა ეს გჭირდებათ!

დასასრულს:

• ცხიმიანი/თხელი თმა? - დაიბანეთ დილით.

• მშრალი/ხუჭუჭი/ნორმალური თმა? - დაიბანეთ საღამოს (და კარგად გააშრეთ!)