ხშირად, შვილის სახელის არჩევის გამო, წყვილებს შორის სერიოზული კამათია. ჩვეულებრივ, მომავალი მშობლები ბავშვისთვის სახელის არჩევას მის დაბადებამდე დიდი ხნით ადრე იწყებენ. პროცესში ერთვებიან ბებიები, ბაბუები და ნათესავები, რაც აზრთა სხვადასხვაობას იწვევს. საკმაოდ დელიკატური საქმეა ბავშვისთვის ისეთი სახელის არჩევა, მშობლებსაც მოეწონოთ და ბავშვს ცხოვრებაში ხელი არ შეუშალოს.

როგორ გავაკეთოთ ეს?

შეეცადეთ არ ეკამათოთ თქვენს პარტნიორს და უთხარით მას: „მოდი იყოს როგორც შენ გინდა“. უნდა დამშვიდდეთ და ჩამოთვალოთ შესაძლო სახელები. ამავდროულად, მნიშვნელოვანია პარტნიორს უთხრათ, რას გრძნობთ, როცა დათმობაზე მიდიხართ.

გამორიცხეთ სახელის ისეთი ვარიანტები, რომლებიც ხელს გიშლით გადაწყვეტილების მიღებაში და კატეგორიულად არ მოგწონთ. ჩამოწერეთ ფურცელზე სახელები, რომლებიც მოგწონთ. შემდეგ გაცვალეთ ფურცლები და იმსჯელეთ სახელებზე, რომლებიც თქვენ დაწერეთ.

უმჯობესია, შეიკრიბოთ ოჯახის წევრები და გადაწყვიტოთ რა სახელს დაარქმევთ ბავშვს. შესაძლოა, თქვენმა ახლობლებმა შემოგთავაზონ ისეთი ვარიანტი, რომელიც ძალიან მოგეწონებათ.

ფსიქოლოგები გვირჩევენ, არავითარ შემთხვევაში არ დავარქვათ პატარას ცნობილი ადამიანების სახელი ან გარდაცვლილი ნათესავების სახელი. მნიშვნელოვანია, გვახსოვდეს, რომ ბავშვი ინდივიდუალურია, ის არ უნდა იყოს ვინმეს მსგავსი.

რას ფიქრობს რელიგია ამ თემაზე: მნიშვნელოვანია სიყვარულის შენარჩუნება

მართლმადიდებლობაში არ არსებობს ტრადიცია, რომ აუცილებლად მამამ ან დედამ დაარქვას სახელი შვილს. მნიშვნელოვანია, რომ მშობლები და ბებია-ბაბუები შეთანხმდნენ. მთავარი ერთმანეთის სიყვარულია, რათა სიტუაცია კონფლიქტის მიზეზად არ იქცეს.

რა თქმა უნდა, მნიშვნელოვანია, თუ რას არქმევენ ადამიანს ნათლობისას, რადგან ეს მისი ზეციური მფარველის სახელია, რომელსაც ნათლობის შემდეგ მიმართავს დახმარებისთვის. მნიშვნელოვანია, რომ სახელი იყოს გულწრფელი რწმენით დარქმეული.

ფსიქოლოგების აზრი: სახელი დედის გადაწყვეტილებაა
შვილს ყოველთვის დედამ უნდა დაარქვას სახელი, რადგან სწორედ მას აქვს ყველაზე დიდი და ახლო კავშირი ბავშვთან. სწორედ ის არის გონებრივად დაკავშირებული შვილის ენერგეტიკულ-ინფორმაციულ სფეროსთან.

დედები ყოველთვის იღებენ ინფორმაციას კოსმოსიდან, როცა მათი შვილი თავს კარგად გრძნობს და განსაკუთრებით მაშინ, როცა განსაცდელშია. დედის ლოცვას, სიტყვებს და სურვილებს ჯადოსნური ძალა აქვს.

ყველა ადამიანს დაბადებიდან უნიკალური ხასიათი აქვს. მოზრდილებში ეს ყველაზე შესამჩნევია, მაგრამ ბავშვებში მისი ამოცნობა რთულია. სახელი დაბადების რიცხვთან ერთად ავსებს და ავლენს ბავშვის ხასიათს, ამიტომ ის ძალიან ფრთხილად უნდა შეარჩიოთ.