საჩუქრის შერჩევა ხელოვნებაა, ასტროლოგიური მინიშნებები კი ამ პროცესს ბევრად ამარტივებს. ვნახოთ, რით გავახაროთ ახლობლები, რომ მათ წარმატება და იღბალი მოვუტანოთ.

ვერძი (21 მარტი - 20 აპრილი)

ვერძებს უყვართ ყველაფერი, რაც მათ აქტიურობას უსვამს ხაზს. საუკეთესო საჩუქარი იქნება სპორტული ინვენტარი, თავგადასავლების ვაუჩერი ან რაიმე ტექნოლოგიური სიახლე. მთავარია, საჩუქარი იყოს ეფექტური და „ახალი“.

კურო (21 აპრილი - 20 მაისი)

კუროებისთვის მნიშვნელოვანია ხარისხი და კომფორტი. აჩუქეთ ნატურალური ტყავის აქსესუარი, ძვირადღირებული პარფიუმერია ან რბილი, ხარისხიანი პლედი. მათ ასევე ძალიან გაახარებთ ვახშამი პრესტიჟულ რესტორანში.

ტყუპები (21 მაისი - 20 ივნისი)

ტყუპებს ინფორმაცია და კომუნიკაცია სწყურიათ. წიგნი, სმარტფონის ახალი აქსესუარი, სამაგიდო თამაში ან მოკლევადიანი კურსის აბონემენტი იდეალური არჩევანია. მთავარია, საჩუქარი მათ ინტელექტს „კვებავდეს“.

კირჩხიბი (21 ივნისი - 22 ივლისი)

კირჩხიბებს ემოციური და სენტიმენტალური საჩუქრები ხიბლავთ. ფოტოალბომი საერთო მოგონებებით, სახლის დეკორი ან სამზარეულოს ორიგინალური ნივთები მათ გულს მოიგებს. მათთვის მთავარია მზრუნველობა, რომელსაც საჩუქარში აქსოვთ.

ლომი (23 ივლისი - 22 აგვისტო)

ლომს ყველაფერი ბრჭყვიალა, ძვირფასი და გამორჩეული უყვარს. ოქროს სამკაული, ცნობილი ბრენდის სამოსი ან ბილეთები გრანდიოზულ შოუზე. გახსოვდეთ, შეფუთვაც ისეთივე მდიდრული უნდა იყოს, როგორც თავად საჩუქარი.

ქალწული (23 აგვისტო - 22 სექტემბერი)

ქალწულებს პრაქტიკული საჩუქრები აფასებენ. ორგანაიზერი, სმარტ-საათი, თავის მოვლის ნატურალური საშუალებები ან ტექნიკა, რომელიც საოჯახო საქმეებს შეუმსუბუქებს. საჩუქარი უნდა იყოს გამოსადეგი და მაღალი ხარისხის.

სასწორი (23 სექტემბერი - 22 ოქტომბერი)

სასწორებისთვის ესთეტიკა ყველაფერია. აჩუქეთ ხელოვნების ნიმუში, დახვეწილი სამკაული, პარფიუმერია ან ვიზიტი ესთეტიკის ცენტრში. საჩუქარი აუცილებლად ლამაზად უნდა იყოს შეფუთული.

მორიელი (23 ოქტომბერი - 21 ნოემბერი)

მორიელებს მისტიკა და ექსკლუზივი იზიდავთ. ტაროს კარტები, იშვიათი ქვებისგან დამზადებული ამულეტი, ხარისხიანი საცვლები ან დეტექტიური ჟანრის წიგნი. მათ უყვართ საჩუქრები, რომლებსაც „საიდუმლო“ დატვირთვა აქვთ.

მშვილდოსანი (22 ნოემბერი - 21 დეკემბერი)

მშვილდოსნები მოგზაურობის გარეშე ვერ ძლებენ. ზურგჩანთა, სალაშქრო აღჭურვილობა, ავიაბილეთი ან ფოტოაპარატი საუკეთესო ვარიანტია. მათ ასევე უყვართ ყველაფერი, რაც იუმორთან და გართობასთანაა დაკავშირებული.

თხის რქა (22 დეკემბერი - 19 იანვარი)

თხის რქას სტატუსური საჩუქრები მოსწონს. კლასიკური მაჯის საათი, ტყავის საფულე, საქმიანი ჩანთა ან ძვირადღირებული კალამი. მათთვის მნიშვნელოვანია, რომ საჩუქარი მათ სერიოზულობას უსვამდეს ხაზს.

მერწყული (20 იანვარი - 18 თებერვალი)

მერწყულს ვერაფრით გააოცებთ, თუ ორიგინალური არ იქნებით. აჩუქეთ თანამედროვე გაჯეტი, რაიმე უცნაური ნივთი, ვარსკვლავზე სახელის დარქმევის სერტიფიკატი ან ფუტუროლოგიური წიგნი. რაც უფრო უჩვეულოა საჩუქარი, მით უკეთესი.

თევზები (19 თებერვალი — 20 მარტი)

თევზებს სულიერი და შემოქმედებითი საჩუქრები სჭირდებათ. ფერწერული ტილო, მუსიკალური ინსტრუმენტი, არომათერაპიის ნაკრები ან აბონიმენტი იოგაზე. მათთვის საჩუქარი შინაგანი სამყაროს ჰარმონიზაციის საშუალებაა.

რჩევა: 2026 წელი ცხენის წელია, ამიტომ ნებისმიერი საჩუქარი, რომელიც მოძრაობასთან, სისწრაფესთან ან ცეცხლის სტიქიასთან (სანთლები, წითელი ფერის აქსესუარები) არის დაკავშირებული, დამატებით იღბალს მოგიტანთ.