ჰოლივუდის ერთ-ერთი ყველაზე მყარი და სამაგალითო წყვილის, ნიკოლ კიდმანისა და კიტ ურბანის დაშორებამ 2025 წლის სექტემბერში მსოფლიო შოკში ჩააგდო. 20-წლიანი თანაცხოვრების შემდეგ, ვარსკვლავური წყვილის გზები ოფიციალურად გაიყარა.

დუმილის შემდეგ, 58 წლის ოსკაროსანმა მსახიობმა გამოცემა Variety-სთან პირველად ისაუბრა იმ პერიოდზე, რომელიც მის ცხოვრებაში ყველაზე რთული აღმოჩნდა.

„2026 წელი - აი, მოვდივარ!“

ნიკოლის თქმით, გასული წელი მისთვის ერთგვარ „ნიჟარაში“ ყოფნას ჰგავდა. მსახიობი აღიარებს, რომ პირადი სირთულეების გამო საზოგადოებისგან დისტანცირება სჭირდებოდა.

„გასული წელი ნამდვილად არ ყოფილა “ნიკოლ კიდმანის წელი“. ძალიან ჩუმად ვიყავი, ჩემს ნიჟარაში ვიმალებოდი, რადგან სხვა საზრუნავი მქონდა. მაგრამ ახლა 2026 წელია და მე მზად ვარ წინსვლისთვის!“ — ამბობს ვარსკვლავი.

ოჯახი უპირველეს ყოვლისა

მიუხედავად იმისა, რომ წყვილმა განქორწინება ოფიციალურად მიმდინარე წლის 6 იანვარს დაასრულა, ნიკოლი ხაზს უსვამს, რომ კიტ ურბანთან ნორმალურ ურთიერთობას ინარჩუნებს:

• შვილები: წყვილს ორი საერთო ქალიშვილი ჰყავს - 17 წლის სანდეი როუზი და 15 წლის ფეით მარგარეტი.

ნიკოლმა ისიც დაამატა, რომ შვილების გამო უარს ამბობს რეჟისორის ამპლუაში მოსინჯვაზე, რადგან ამ ეტაპზე მისი პრიორიტეტი მხოლოდ დედობაა.

დაბრუნება „ალქაჯის“ ფორმაში

დეპრესიული პერიოდი დასრულებულია - ნიკოლი ეკრანებს სრული დატვირთვით უბრუნდება. მან დაადასტურა, რომ სანდრა ბულოკთან ერთად საკულტო ფილმის, „პრაქტიკული მაგიის“ (Practical Magic) გაგრძელებაში ითამაშებს.

„ახლა ნამდვილ “ალქაჯურ რეჟიმში“ გადავდივარ,“ - ხუმრობს მსახიობი, რომელიც ასევე ემზადება სერიალ „სკარპეტასა“ და თეატრალური პროექტებისთვის.

გთავაზობთ საინტერესო მონაკვეთებს ინტერვიუდან:

„ვიყავი ანტარქტიდაზე, ახლა გალაპაგოსის კუნძულებზე, მაჩუ-პიკჩუზე და ალჟირის საზღვარზე აქლემებით მოგზაურობას ვგეგმავ. მინდა, ჩემმა შვილებმაც ნახონ მსოფლიო - მისი სუნი, გემო და ენები“.

„მე და რიზ უიზერსპუნი ერთმანეთის პირისპირ ვცხოვრობთ. სწორედ ამიტომ არსებობს სერიალი “დიდი პატარა ტყუილები“ - დილით ერთად სეირნობისას ბევრს ვსაუბრობთ“.

„ვიცი, ბევრს აინტერესებს ჩემი და კიტის განქორწინება, მაგრამ ამ თემაზე ბევრს არ ვსაუბრობ. არა იმიტომ, რომ სათქმელი არაფერია, არამედ პატივისცემის გამო. რაც უნდა მოხდეს, ჩვენ მაინც ერთ ოჯახად ვრჩებით - ეს არის ის, რაც ჩემთვის ყველაზე ძვირფასია. ჩემი გოგოები, სანდეი და ფეითი, უკვე დიდები არიან, ნამდვილი ქალები გახდნენ და ახლა ჩემი მთავარი მიზანი მათზე ზრუნვაა.

„ხშირად მეკითხებიან, დავტოვებ თუ არა ნეშვილს ჩვენი დაშორების შემდეგ. პასუხი ერთია - არა! ნეშვილი ჩემი სახლია. უკვე 20 წელია ამ ქალაქის ნაწილი ვარ, აქ მაქვს ჩემი ცხოვრება, მყავს მეგობრები და არ ვაპირებ ამ ყველაფერზე უარის თქმას მხოლოდ იმიტომ, რომ ჩემი პირადი სტატუსი შეიცვალა.“

„ვირჯინია ვულფის როლზე მუშაობისას ერთი რამ ვისწავლე: თითოეულ ადამიანს აქვს უფლება, თავად აირჩიოს, რა სურს საკუთარი ცხოვრებისგან. ეს ჩემში ძალიან ღრმად ილექება. არავინ - და არც ჩემი ქმარი - არ უნდა მეუბნებოდეს, როგორ ვიცხოვრო ან რა ვაკეთო. მე ყოველთვის იმისკენ მივისწრაფვი, რაც კარგია ჩემთვის და ჩემი შვილებისთვის.“