ყველა წყვილს ცხადია სურს, მათი პარტნიორული ურთიერთობა წარმატებული იყოს, მაგრამ ერთადერთი, რაც ამას უზრუნველყოფს, არის ორივე პარტნიორის ვალდებულება, შეცვალოს მათი აზროვნება და, შესაბამისად, ქცევა. ამის გარეშე, ურთიერთობა დროთა განმავლობაში გარდაუვლად შესუსტდება.

TREND გიზიარებთ ქცევის ექვს ძირითად პრინციპს, რომელიც ხელს უწყობს ძლიერი ურთიერთობების შენარჩუნებას, თუმცა, ეს პრინციპები მხოლოდ მაშინ მუშაობს, როდესაც ორივე პარტნიორი ერთგულია ურთიერთობის და მზად არიან ერთად შეიცვალონ და გაიზარდონ.

1. შეამცირეთ ერთმანეთის მიმართ მოლოდინები

გათავისუფლდით ამ იდეალური იმიჯისგან, რომელიც გონებაში გაქვთ და დაიწყეთ ერთმანეთის მიღება ისეთად, როგორებიც ხართ. ეს არ ნიშნავს თქვენი სტანდარტების დაწევას ან ურთიერთობაზე დათანხმებას ისეთ ადამიანთან, ვისთანაც შეუთავსებელი ხართ. ეს უბრალოდ ნიშნავს ერთმანეთის მიმართ რეალისტური და გონივრული მოლოდინების ქონას.

2. შეწყვიტეთ თავის გამართლება

ჰკითხეთ საკუთარ თავს: „გსურთ მართალი იყოთ? თუ გსურთ ურთიერთობა?“ შეწყვიტეთ ერთმანეთის კონტროლი, ერთმანეთის იძულება, რომ თქვენნაირად შეხედოს ყველაფერს და შეეგუეთ იმ ფაქტს, რომ ორივე ძალიან განსხვავებული ადამიანები ხართ. დააფასეთ თქვენი უნიკალურობა და ნუ დაადანაშაულებთ ერთმანეთს ამაში.

3. აიღეთ პასუხისმგებლობა ურთიერთობაზე

თუ არ აღიარებთ თქვენს წვლილს პრობლემაში, ურთიერთობა გადაიზრდება ორმხრივ ბრალდებაში და მოლოდინში, რომ მეორე ადამიანი, და არა თქვენ, შეცვლის თავის ქცევას.
იმუშავეთ საკუთარი ქცევის შეცვლაზე და ნუ ფოკუსირდებით პარტნიორის ქცევაზე. თითოეული თქვენგანი პასუხისმგებელია მხოლოდ საკუთარი ქცევის გამოსწორებაზე.

4. თვალი გაუსწორეთ „მტკივნეულ წერტილებს“

ზოგჯერ თქვენი სიტყვები ან ქმედებები პარტნიორს აღიზიანებს, მაგრამ ამას ვერ ამჩნევთ; მხოლოდ იმას ხედავთ, რომ ისინი უცნაურად, ზედმეტად ძალადობრივად ან ირაციონალურად რეაგირებენ. ასეთ სიტუაციებში უნდა აღიაროთ, რომ ეს თქვენთვის გამოწვევაა, განიხილეთ ერთმანეთის მტკივნეული წერტილები და დაადგინეთ პირადი საზღვრები, რათა უხეშად არ გადალახოთ ის.

5. მოერიდეთ აგრესიულ კომუნიკაციას

წყვილების უმეტესობამ არ იცის, როგორ ესაუბროს ერთმანეთს კამათის პროვოცირების გარეშე. თავდაჯერებული კომუნიკაცია, რომელიც გულისხმობს არაკრიტიკული, პირველი პირის განცხადებების გამოყენებას, დაგეხმარებათ ერთმანეთზე რეაგირებაში, ერთმანეთზე აგრესიულად რეაგირების ნაცვლად.

6. არ გაწყვიტოთ კავშირი მეგობრებთან

იმისათვის, რომ ერთად დროის გატარება სასიამოვნო შესაძლებლობად იგრძნოთ და არა ვალდებულებად, თითოეულ თქვენგანს უნდა ჰქონდეს საკუთარი ცხოვრება, ინტერესები, მეგობრები, ნუ გაწყვეტთ კავშირს თქვენს ახლო და საუკეთესო მეგობრებთან, რადგან სწორედ ისინი გვაგვრძნობინებენ თავს საჭირო და მნიშვნელოვან ადამიანებად.