ბრიტანეთის სამეფო ოჯახში ვნებები არ ცხრება. მას შემდეგ, რაც პრინცი ენდრიუ (ახლა უკვე უბრალოდ ენდრიუ მაუნტბატენ-უინძორი) სექს-სკანდალებისა და ჯეფრი ეპშტეინთან კავშირის გამო სრულ იზოლაციაში აღმოჩნდა, ცნობილი გახდა იმ ადამიანის ვინაობა, ვინც მასთან ურთიერთობა ყველაზე მკაცრად და პირველმა გაწყვიტა.

როგორც ირკვევა, „განტევების ვაცის“ მიმართ ყველაზე დაუნდობელი არა მეფე ჩარლზი, არამედ ქეით მიდლტონი აღმოჩნდა.

„აქ შენი ადგილი არ არის!“ – ქეითის მკაცრი პოზიცია

სამეფო ბიოგრაფი ქრისტოფერ ანდერსენი თავის ახალ წიგნში „ქეითი: მომავალი დედოფლის სიმამაცე და ძალა“ სენსაციურ დეტალებს აქვეყნებს. მისი თქმით, უელსის პრინცესა იყო პირველი, ვინც ენდრიუსთან ყოველგვარი კონტაქტი აკრძალა.

„ის იყო პირველი, ვინც მას ზურგი აქცია და საჯაროდ დაიჭირა დისტანცია,“ — აცხადებს ანდერსენი.

პრინცესას სიმკაცრე იქამდე მივიდა, რომ მან ენდრიუს ვესტმინსტერის სააბატოში საშობაო კონცერტზე დასწრებაც კი აუკრძალა. წყაროს ცნობით, ენდრიუ შუამავლების მეშვეობით ცდილობდა „გვერდითა კარებიდან“ შეპარვას, რაზეც ქეითისგან მოკლე და კონკრეტული პასუხი მიიღო: „არა, შენი სახე კამერების წინ არ უნდა გამოჩნდეს“.

რატომ არის ქეითი ასეთი დაუნდობელი?

ანდერსენის განმარტებით, პრინცესას ქმედება არა პირადი წყენით, არამედ ცივი პრაგმატიზმით არის განპირობებული:

• ქეითი მომავალი მეფის ცოლი და კიდევ ერთი მომავალი მეფის, პრინც ჯორჯის დედაა. ის არ დაუშვებს, რომ გვირგვინს ჩრდილი ენდრიუს ბინძურმა სკანდალებმა მიაყენოს.
  
  

• ვრცელდება ინფორმაცია, რომ სწორედ ქეითი და უილიამი იყვნენ ის პირები, ვინც მეფე ჩარლზს ენდრიუსთვის ტიტულების ჩამორთმევა აიძულეს.

ენდრიუს „დაცემა“ – ციხის საფრთხე რეალურია?

შეგახსენებთ, რომ 2025 წლის ოქტომბერში მეფე ჩარლზმა ძმას ყველა სამეფო ტიტული ჩამოართვა. სიტუაცია კიდევ უფრო დამძიმდა 2026 წლის თებერვალში, როდესაც 66 წლის ენდრიუ დააკავეს. მას ბრალად ედება ეპშტეინისთვის კონფიდენციალური სავაჭრო ინფორმაციის მიწოდება.

მიუხედავად იმისა, რომ ენდრიუ წლების განმავლობაში ამტკიცებდა, რომ ეპშტეინთან კავშირი გაწყვეტილი ჰქონდა, ახლახან გასაჯაროებული იმეილები საპირისპიროზე მეტყველებს.