ზაფხულის მეორე სავსემთვარეობა ახალ ენერგიას, შთაგონებასა და საკუთარ ცხოვრებაში მნიშვნელოვანი ცვლილებების შეტანის სურვილს მოიტანს.

ასტროლოგიაში მთვარე შინაგან პროცესებს, ემოციებს, ქვეცნობიერსა და ინტუიციას განაგებს. ამიტომ, როდესაც მისი ფაზები იცვლება, ეს პირველ რიგში ჩვენს შინაგან სამყაროზე აისახება.
ამჯერად სავსემთვარეობა მერწყულის ზოდიაქოს ნიშანში ხდება, მაშინ როდესაც მზე ლომის ზოდიაქოში რჩება.

ასტროლოგები ამ შეერთებას განსაკუთრებით ძლიერად მიიჩნევენ, რადგან ის ორ საპირისპირო საწყისს აერთიანებს: მზესა და მთვარეს, ცეცხლსა და ჰაერს, ინდივიდუალურობასა და საზოგადოებას.

რატომ უწოდებენ მას „ირმის მთვარეს“?

ამ მოვლენას ხშირად „ირმის მთვარესაც“ უწოდებენ. ეს დასახელება ამერიკის მკვიდრი მოსახლეობის ტრადიციებიდან იღებს სათავეს - ისინი მთვარის ამ მდგომარეობას ირმის რქების განახლების პერიოდს უკავშირებდნენ. შესაბამისად, ირმის მთვარე განახლების, ახალ ეტაპზე გადასვლისა და სულიერი ზრდის სიმბოლოა.

ემოციური გადაფასება და მნიშვნელოვანი კითხვები

ეს პერიოდი თითოეულ ჩვენგანს აიძულებს, ჩაუღრმავდეს საკუთარ ემოციებს და რამდენიმე პრინციპულ კითხვას უპასუხოს:

• მართლა საკუთარი ცხოვრებით ცხოვრობთ თუ სხვების სიამოვნებას ცდილობთ?

• ხომ არ გიწევთ ინდივიდუალურობის დათრგუნვა გარშემომყოფების გამო?

• რატომ ვითარდება მოვლენები სხვაგვარად, ვიდრე ოდესღაც ოცნებობდით?

ამ დღეებში განსაკუთრებით მნიშვნელოვანია საკუთარ თავთან მაქსიმალური სიალალე. შესაძლოა, პასუხები ცოტა მტკივნეულიც აღმოჩნდეს, მაგრამ სწორედ ეს დისკომფორტი გახდება წინსვლისა და პოზიტიური ცვლილებების მთავარი ბიძგი.

გამახვილებული ინტუიცია გაგიადვილებთ იმის დანახვას, თუ რომელმა საქმეებმა ან ურთიერთობებმა ამოწურეს თავისი თავი. დროა, გაათავისუფლოთ სივრცე ახალი წამოწყებებისთვის - როგორც კარიერაში, ისე პირად ცხოვრებაში.
ამასთან, ეს პერიოდი იდეალურია შერიგებისთვისაც. თუ ვინმესთან წყენა გაკავშირებთ და გრძნობთ, რომ მშვიდობის დამყარების დროა, ნუ მოერიდებით პირველი ნაბიჯის გადადგმას.

რა უნდა გავაკეთოთ სავსემთვარეობისას?

• დაასრულეთ დაწყებული საქმეები: იქნება ეს სამუშაო პროექტები თუ დაუტოვებელი დავალიანებები, ეცადეთ, წერტილი დასვათ. ახალ ეტაპზე „მსუბუქი ბარგით“ შესვლა გაგიადვილებთ წინსვლას.

• დაუთმეთ დრო საკუთარ თავს: საღამო სიმშვიდესა და ფიქრს დაუთმეთ. სოციალური ქსელების უაზრო სქროლვის სანაცვლოდ, დაკავდით იოგათი, მედიტაციით ან უბრალოდ ჩამოწერეთ თქვენი მიზნები და გეგმები.

• აპატიეთ და გაუშვით: ეს ამ პერიოდის მთავარი დევიზია. გათავისუფლდით ძველი წყენებისგან, მოაწესრიგეთ პირადი სივრცე და გათავისუფლდით როგორც ნივთიერი, ისე ემოციური უსარგებლო ტვირთისგან.

5 ზოდიაქოს ნიშანი, რომელთა ცხოვრებაც განსაკუთრებით შეიცვლება
ვერძი

ლომისა და მერწყულის ენერგიების შერწყმა ვერძებს შემოქმედებით შთაგონებასა და მოქმედების ძალას მიანიჭებს. გელით ახალი საინტერესო ნაცნობობა, პერსპექტიული შემოთავაზებები და ახალი პროექტები. მთავარია, შეინარჩუნოთ ცივი გონება, აკონტროლოთ იმპულსურობა და რისკები გონივრულად შეაფასოთ.

კურო

„ირმის მთვარე“ უპირველეს ყოვლისა თქვენს კარიერულ სფეროზე მოახდენს გავლენას. მოსალოდნელია პოზიციის შეცვლა, დაწინაურება ან ნანატრი აღიარება ხელმძღვანელობისგან. შესაძლოა, მიიღოთ ბედისწერის განმსაზღვრელი გადაწყვეტილება - მაგალითად, რისკზე წახვიდეთ ზრდისთვის ან, პირიქით, დარწმუნდეთ, რომ სტაბილურობა სწორედ ის არის, რაც ახლა გჭირდებათ.

ლომი

რადგან მზე თქვენს ნიშანშია, ისედაც ყურადღების ცენტრში ხართ, თუმცა მერწყულის ენერგია დაგაფიქრებთ უფრო სერიოზულ თემებზე: საკუთარი სურვილებისა და სხვების ინტერესების ბალანსზე. დროა, გულახდილად დაელაპარაკოთ ახლობლებს, მოაგვაროთ გაუგებრობები და შეწყვიტოთ სხვების მოლოდინებზე მორგება.

მორიელი

მორიელები სავსემთვარეობას ყოველთვის განსაკუთრებული სიღრმით განიცდიან. ამ პერიოდში შესაძლოა ზედაპირზე ამოტივტივდეს ძველი წყენები ან ოჯახური საკითხები. ნუ შეშინდებით - ამ თემების საბოლოოდ მოგვარება მოგცემთ საშუალებას, გათავისუფლდეთ დანაშაულის გრძნობისგან და წინ მშვიდი გულით იაროთ.

მერწყული

რადგან სავსემთვარეობა სწორედ თქვენს ნიშანში ხდება, ცვლილებებს ყველაზე მძაფრად იგრძნობთ. გელით უეცარი გააზრებები და განათება. შეძლებთ ცხოვრების გარკვეული ეტაპის წარმატებით დახურვას, გათავისუფლდებით სხვისი კარნახით ცხოვრებისგან და გადააფასებთ მეგობრულ ურთიერთობებს. ვინმემ თუ თქვენი გარემოცვა დატოვა, ნუ იდარდებთ - მის ადგილს მალევე დაიკავებს ახალი, საინტერესო ადამიანი.