ზოგს მიაჩნია, რომ ქალი გამოიყურება სექსუალურად თუ ის ჟურნალიდან „გადმოსულს“ ჰგავს. თუმცა ეს ასე სულაც არაა. სექსუალურობა მხოლოდ გამომწვევ ტანსაცმელსა და ლამაზ ტანს არ გულისხმობს. მთავარი ყოველთვის ისაა, თუ როგორ გიჭირავს თავი.

 ინტელექტი

რა თქმა უნდა, პირველად ადამიანს ვაფასებთ გარეგნობით, მაგრამ თუ ადამიანი არაფერი არაა გარეგნობის მიღმა, შესაძლოა, გაცნობიდან ძალიან მალე ურთიერთობაც დამთავრდეს. განათლებული და ჭკვიანი ქალი შეიძლება ყველაზე სექსუალური იყოს. მამაკაცების უმრავლესობა აფასებს ისეთ ქალს, რომელთანაც მისთვის საინტერესო თემებზე საუბარი შეუძლია.

 თავდაჯერებულობა

თუ საკუთარ თავში დარწმუნებული ხარ, მაშინ სხვებიც იოლად დარწმუნდებიან შენს შესაძლებლობებში. მიაქციე ყურადღება სიარულის მანერას. გაიმართე, ასწიე თავი ოდნავ მაღლა, იყურე პირდაპირ და გაიღიმე. თავდაჯერებულობაც ძალიან სექსუალური „მანერაა“.

 ქარიზმა

ბევრი ქალი თვლის, რომ მამაკაცებს იდეალური გარეგნობის ქალები იზიდავენ. სინამდვილეში, როგორც ამბობენ, ხშირად მამაკაცს ასეთი ტიპის ქალი აფრთხობს. ამიტომაც ზოგჯერ ეს ქალები მარტოსულები არიან. მამაკაცებს ყველაზე მეტად იზიდავს ქალის ქარიზმა, მაგალითად, შინაგანი სიძლიერე, გონიერება და იუმორის გრძნობა. ასეთი ქალები ნამდვილად სექსუალურები არიან.

 ვნება

ვნება არ გულისხმობს მხოლოდ საპირისპირო სქესის ადამიანთან ვნებიან ურთიერთობას. აკეთე ვნებით, მთელი ემოციით შენი საქმე, ასეთივე იყავი, როცა ვარჯიშობ ან ჰობისთვის მოიცლი. ქალს, რომელიც მთელი ინტერესით და ვნებით აკეთებს თავის საყვარელ საქმეს, სექსუალურად მიიჩნევენ.

 სიკეთე

დღეს ძალიან რთულია იპოვო კეთილი ადამიანი. ის, ვინც სიკეთეს უანგაროდ აფრქვევს. ამიტომაც ძალიან მიმზიდველი ის, ვინც სულიერი სიღრმითა და სიკეთით გამოირჩევა.

იდუმალება

იდუმალი ქალი ყოველთვის სექსუალურია. არ უნდა იყო გადაშლილი წიგნი, ბოლომდე არ უნდა გასცე ყველა საიდუმლო. თუმცა, რაღა თქმა უნდა, როგორც ყველაფერში, აქაც საჭიროა ზომიერების დაცვა.

ელეგანტურობა

სექსუალური ტანსაცმელი არ ნიშნავს მხოლოდ მდიდრულ ან ვულგარულ (მოღეღილ, მოხდილ) სამოსს. ტანსაცმელი უნდა იყოს ელეგანტური და ქალური. ასეთი ქალი ყოველთვის ყურადღების ცენტრში იქნება.

მოკლედ, არ არის აუცილებელი ცნობილი მოდელი იყო, რომ სექსუალურად გამოიყურებოდე - საკმარისია მხოლოდ რამდენიმე საჭირო თვისება.