HENDRICK’S-ი ყველაზე არასტანდარტული გემოთი გამორჩეული ჯინია, რომელსაც ავანგარდული ადამიანების საყვარელ სასმელს უწოდებენ.

მის განსხვავებულ გემოს 11 სახის იშვიათი ინგრედიენტი და დისტილაციის უჩვეულო მეთოდები განაპირობებს: ბრენდის 2 სიმბოლო — ვარდი და კიტრი ჯინის ყველაზე შემოქმედებით ფორმულას — ვარდის და კიტრის ესენციების ნაზავს აღნიშნავს; მიღებული სითხე კი 2 სხვადასხვა მეთოდით გამოხდილი სპირტის — ორთქლზე ხარშვით და დუღილის ტექნოლოგიით დამზადებული ჯინის მიქსია. და რაც მთავარია, HENDRICK’S-ის ჩამოსხმა აბსოლუტურად ხელნაკეთ პროცესს წარმოადგენს.

სწორედ ორიგინალური წარმოების მეთოდის და კონცეფციის გათვალისწინებით, HENDRICK’S-ის მთავარი სამიზნე შემოქმედებითი ადამიანები არიან: 13 აპრილს ბრენდის წარმომადგენლები GD Alco-ს თანამშრომლებთან ერთად, საქართველოში ერთ-ერთ ყველაზე წარმატებულ სარეკლამო კომპანიას — Holmes & Watson-ს ესტუმრენ და მისი შემოქმედებითი გუნდისთვის კოქტეილების დეგუსტაცია გამართეს.

რომა სუვარიანმა მასპინძლებს 4 სახის კოქტეილი მოუმზადა: Hendrick’s Gin & Tonic-ი, Hendrick’s Martini, Henrdick’s Bramble-ი და Gin Basil Smash-ი.