ჰიპების სუბკულტურა ევროპასა და ამერიკაში მეოცე საუკუნის 60-70-იან წლებში ჩამოყალიბდა. ჰიპები - ეს იყო გაერთიანება იმ ახალგაზრდების, რომლებიც არ ემორჩილებოდნენ საზოგადოებაში არსებულ ნორმებს, არ სურდათ ფუფუნებასა და სიმდიდრეში ცხოვრება და ტოვებდნენ ოჯახებს.

ისინი თავისუფლების საპოვნელად უმეტესწილად აღმოსავლეთის ქვეყნებში მიდიოდნენ. ცხოვრობდნენ კომუნებად და თავს მათხოვრობით ირჩენდნენ, მოკლებულნი იყვნენ ყველანაირ კომფორტს. ეძებდნენ გამოცდილებასა და თავისუფლებას.

ცნობილია, რომ ჰიპების დასახლებაში სექსუალური თავისუფლება მეფობდა, ეწეოდნენ ჰაშიშს და მოიხმარდნენ სხვადასხვა ნარკოტიკულ საშუალებებს.

1971 წელს Paris Match-მა გაგზავნა ფოტოგრაფი ჯეკ გაროფალო, რომ ენახა როგორ გამოიყურებოდნენ, რა ეცვათ და როგორ ცხოვრობდნენ ჰიპები და ისინი ფირზე აღებეჭდა.

გთავაზობთ ჯეკ გაროფალოს მიერ სწორედ 1971 წელს გადაღებულ ფოტოებს. მათზე კარგად ჩანს იდეალიზმი და ის თავისუფლება, რომელსაც ჰიპები ეძებდნენ:

1. ჰიპების პორტრეტი ინდოეთიდან.

2. ინდოელი მათხოვრებით გარშემორტყმული ჰიპი ასფალტზე წამოწოლილი კითხულობს და გარემო მას ხელს ვერ უშლის.

3. ბოსტონელი ჰიპები უკრავენ პუნგიზე.

4. კატმანდუში ერთ-ერთ მთაზე, ტიბეტელი ბერისგან ჰიპები ბუდიზმს ეცნობიან.

5. ფრანგი ჰიპები, ავღანეთში, ქაბულში თავიანთ ოთახში ჰაშიშს ეწევიან.

6. გოა, ინდოეთი - ჰიპი ჰეროინის გასაკეთებლად ემზადება.

7. ჰიპის პორტრეტი ნეპალიდან - ის კატმანდუში, მარიხუანას პლანტაციებშია გადაღებული.

8. ინდოეთი, ვარანასი - ახალაზრდა ჰიპი სრულიად შიშველი ბანაობს.

9. ინდოეთი, გოა - ჰიპების ჯგუფი ერთ-ერთ ბარში.

10. ამერიკელი ჰიპები ინდოეთში, ვარანასში რიქშათი გადაადგილდებიან.

11. მოგზაური ჰიპები ავტობუსის სახურავზე - ქაბული, ავღანეთი.

12. ჰიპებს ავღანეთში ადგილობრივების მსგავსად აცვიათ და ქაბულში მუსიკალურ ფესტივალს ესწრებიან.

13. ჰიპი გოგონა კატით ხელში ეწევა ჰაშიშს - ინდოეთი.

14. მოგზაური ჰიპები ერთმანეთს დაბანაში ეხმარებიან - გოა, ინდოეთი.