ყველა ადამიანს სურს, რომ ნამდვილი სიყვარული იპოვოს, თუმცა ზოგჯერ ეს რთულია. უმეტესობას ნამდვილი სიყვარულის პოვნამდე რამდენიმე წარუმატებელი სასიყვარულო ურთიერთობის გამოცდილება აქვს.

ნებისმიერ სასიყვარულო ურთიერთობას თან ახლავს სირთულეები, მცირე კონფლიქტები, კამათი. ხშირად ეკმათებით საყვარელ ადამიანს და ამის გამო შიშობთ, რომ თქვენს ურთიერთობაში რაღაც რიგზე ვერ არის? - თუ ასე ფიქრობთ, დაგამშვიდებთ და გეტყვით, რომ ჯანსაღი კამათი ურთიერთობას კიდევ უფრო ამყარებს.

მრავალი კვლევა აჩვენებს, რომ წყვილებს, რომლებიც ხშირად კამათობენ, ნამდვილად ძალიან უყვართ ერთმანეთი. ფსიქოლოგებს სჯერათ, რომ ამის მთავარი მიზეზი კამათის დროს ორ ადამიანს შორის დამყარებული კომუნიკაციაა. ისინი კამათობენ ყველა პრობლემის შესახებ და პრობლემის გაჩენისთანავე ცდილობენ მის აღმოფხვრას.

მათ აქვთ განსხვავებული მოსაზრება, მაგრამ ყოველთვის პოულობენ საუკეთესო გამოსავალს და ყოველივე პოზიტიურ გავლენას ახდენს ურთიერთობაზე. წყვილებისთვის უმნიშვნელოვანესია, რომ აუხსნან ერთმანეთს მკაფიოდ და ნათლად საკუთარი მოსაზრება, საჭიროებები და სცადონ ერთად იპოვონ გამოსავალი რთული სიტუაციიდან. თუ ხშირად კამათობთ, ეს ნიშნავს, რომ თქვენი ურთიერთობა წარმატებულია.

ფსიქოლოგების რეკომენდაციით, ყურადღებით უნდა იყოთ და კამათის დროს აუცილებლად უნდა გააკონტროლოთ სიტყვები. ხშირად, სიბრაზის დროს, ადამიანები გაუაზრებლად ერთმანეთს გულს ძალიან სტკენენ და შედეგად, ურთიერთობას დიდი ბზარი უჩნდება და ნგრევის პროცესი იწყება. მოუსმინეთ ერთმანეთს და გაითვალისწინეთ ერთმანეთის აზრით.

ახლა კი, გთავაზობთ ნიშნებს იმისას, რომ საყვარელ მამაკაცს ძალიან უყვარხართ და ნამდვილი სიყვარული გიპოვნიათ:

1. თქვენზე ზრუნავს - მამაკაცი, რომელსაც ნამდვილად უყვარხართ, თქვენ გვერდით იქნება ყოველთვის - ბედნიერების დროსაც და რთულ პერიოდშიც. ის ყოველთვის მხარს დაგიჭერთ და მის გვერდით თავს დაცულად იგრძნობთ. ცდილობს, დაგეხმაროთ რომ გახდეთ უკეთესი, გეხმარებათ და ბევრს ფიქრობს თქვენზე - ეს ნამდვილი სიყვარულის ნიშნებია.

2. მისთვის პრიორიტეტი ხართ - ის ფიქრობს თქვენზე და თქვენს მომავალზე, აწყობს საერთო გეგმებს. პირველ რიგში თქვენ გირეკავთ, როცა რაიმე მნიშვნელოვანი ხდება. სურს გაიგოს თქვენი მოსაზრება, სანამ გადაწყვეტილებას მიიღებს.

3. ცდილობს, თქვენ გვერდით დიდი დრო გაატაროს - მას სურს თქვენ გვერდით რაც შეიძლება მეტი დრო გაატაროს. გაგრძნობინებთ, რომ სჭირდებით და გირეკავთ, როცა მის გვერდით არ ხართ. მთავარ დღესასწაულებს, როგორებიცაა შობა, ახალი წელი და ა.შ. თქვენთან ერთად აღნიშნავს.

4. პატიოსანი და გულწრფელია თქვენთან ურთიერთობისას - არის სამართლიანი და ცდილობს გააკეთოს ყველაფერი ურთიერთობის გასამყარებლად. ის მზადაა თქვენ გამო ყველა პრობლემა მოაგვაროს და ყველა დაბრკოლება დაძლიოს. ცდილობს გახდეს უკეთესი და გაგაბედნიეროთ.

5. სურს ადამიანებმა იცოდნენ რომ მის ცხოვრებაში არსებობთ - ის ამაყობს თქვენით და არ ერიდება თქვენდამი სიყვარულის გამოხატვას საჯაროდ. ჩაგჭიდებთ, ან მოგხვევთ ხელს, როცა თქვენ ირგვლივ ბევრი ხალხია. ის წარუდგენს თქვენს თავს მეგობრებსა და ოჯახის წევრებს.

6. თქვენთვის საუკეთესო სურს - როცა მამაკაცს ნამდვილად უყვარხართ, ის ცდილობს თქვენი ოცნებები რეალობად აქციოს. მან იცის რა გაგაბედნიერებთ და აკეთებს ყველაფერს იმისთვის, რომ თქვენს სახეზე ღიმილი დაინახოს. მას არ ეშინია გითხრათ ფრაზა - „მე შენ მიყვარხარ“ და ყოველთვის გამონახავს გზას, რომ გაჩვენოთ რამდენად ძლიერია მისი თქვენდამი სიყვარული.