როცა რკინის მაღალი შემცველობის პროდუქტებზე ვსაუბრობთ, პირველ რიგში, ხორცის მიღებას გვირჩევენ, თუმცა რეალურად ხორცის გარდა ბევრი ისეთი საკვებიც არსებობს, რომლებიც რკინის მაღალი შემცველობით გამოირჩევიან.

გთავაზობთ 14 ვეგეტარიანულ საკვებს რკინის მაღალი შემცველობით:

1. ისპანახი - სამი საშუალო ზომის ულუფა ისპანახი შეიცავს 18 მილიგრამ რკინას. დიეტოლოგების თქმით, დღის განმავლობაში ერთი ულუფა ისპანახის სალათის მირთმევაც კი საკმარისია იმისთვის, რომ ორგანიზმში რკინა საჭირო რაოდენობით იყოს.

2. ბროკოლი - ის გამოირჩევა რკინის მაღალი შემცველობით და ასევე შეიცავს C ვიტამინს, რომელიც ეხმარება ორგანიზმს რკინის შემცველობის შენარჩუნებაში.

3. ოსპი - ერთ ჭიქა ოსპის მარცვლებს უფრო მეტი რკინის შემცველობა აქვს, ვიდრე 250 გრამ სტეიკს. გარდა ამისა, ის მდიდარია კალიუმითა და ცილებით. შეგიძლიათ, მისგან მოამზადოთ წვნიანი, რომელიც ძალიან სასარგებლოა.

4. ყვავილოვანი კომბოსტო - ეს საკვებიც რკინის შემცველობით გამოირჩევა. მოამზადეთ კომბოსტოს სალათი. ერთი საშუალო ულუფა 3,6 მილიგრამ რკინას შეიცავს.

5. პაკ ჩოი - ეს არის ჩინური კომბოსტო, რომელიც რკინასთან ერთად შეიცავს A ვიტამინს.

6. მოხარშული კარტოფილი - ერთი დიდი ზომის მოხარშული კარტოფილი დაახლოებით სამჯერ უფრო მეტ რკინას შეიცავს, ვიდრე ქათმის დამუშავებული ხორცი. თუ მას ბერძნულ იოგურტთან, ბროკოლთან და მდნარ ყველთან ერთად მიირთმევთ, რკინის დეფიციტი არ შეგაწუხებთ.

7. სეზამის თესლი - მხოლოდ ერთი სუფრის კოვზი სეზამის თესლი 1,3 მლგრ რკინას შეიცავს. შეგიძლიათ, მისი მარცვლებით გაამდიდროთ სალათი და ამ ფორმით მიირთვათ.

8. კეშიუ - ეს არის თხილის სახეობა რკინის მაღალი შემცველობით. ¼ ფინჯანი კეშიუ შეიცავს 2 გრ რკინას.

9. სოიოს მარცვლები - ერთი ჭიქა მოხარშული სოიო დაახლოებით 8-9 მლგრ რკინას შეიცავს. ეს საკვები ასევე შეიცავს ცილებს, მაგრამ დარწმუნებული უნდა იყოთ მისი ყიდვისას, რომ ბუნებრივ სოიოს ყიდულობთ და არა გენმოდიფიცირებულს.

10. თურქული ბარდა - ერთი ჭიქა თურქული ბარდა 4,7 მილიგრამ რკინას შეიცავს.

11. შავი შოკოლადი - შავი შოკოლადისგან მიღებული სარგებლის სია დაუსრულებელია. გარდა იმისა, რომ ის დადებითად მოქმედებს კანზე, კბილებზე და ამცირებს შფოთვისა და სტრესის ხარისხს, ამავდროულად, ის არის ყველაზე ტკბილი და გემრიელი გადაწყვეტილება ორგანიზმში რკინის დონის გასაზრდელად. 30 გრამი შავი შოკოლადი 2, ან 3 მილიგრამ რკინას შეიცავს.

12. წითელი ფხალი - ეს საკვები გამოირჩევა რკინის მაღალი შემცველობით და ამავდროულად, შეიცავს ომეგა 3-ს, A, C და K ვიტამინებს.

13. ტოფუ - ეს არის იაპონური სოიოსგან მომზადებული ხაჭო. ნახევარი ნაჭერი ტოფუ 3 მილიგრამ რკინას შეიცავს.

14. ლობიო - ერთ ჭიქა ლობიოს მარცვლებს 3-4 მლგრ რკინის შემცველობა აქვს. თუმცა ყურადღება უნდა მიაქციოთ ლობიოს სახეობას. ის ისეთი უნდა იყოს, როგორიც ფოტოზეა აღბეჭდილი. უნდა ჰქონდეს თირკმლის ფორმა. სწორედ ის შეიცავს რკინას ყველაზე დიდი რაოდენობით.