ადამიანის ჯანმრთელობისთვის სტრესი და შფოთვა ყველაზე სახიფათოა და მის გამო შესაძლოა, ბევრი სხვადასხვა დაავადება განვითარდეს. სტრესი დაკავშირებულია ოჯახთან, ყოველდღოურ ცხოვრებასთან და რა თქმა უნდა, სამსახურთან.

ყველა სამსახური გარკვეული დოზით სტრესში აგდებს ადამიანს და შფოთვას იწვევს. მაგრამ ზოგიერთ მათგანში სტრესის ხარისხი უფრო მაღალია.

ადამიანების ნაწილი ზოგჯერ რთულ სამუშაოს ფინანსური შემოსავლის მიღების გამო თანხმდება, თუმცა სხვები სტრესულ გარემოს თავს არიდებენ.

როგორ უნდა გაიგოთ სამსახური იქნება თუ არა სტრესული?

ამ კითხვაზე პასუხი ამერიკის დასაქმებისა და ტრენინგების ადმინისტრაციამ კვლევაზე დაყრდნობით გასცა.

იქნება თუ არა სტრესული ესა თუ ის სამსახური, რთული განსასაზღვრია. ყველა ადამიანი ინდივიდუალურია. ზოგიერთს აქვს უნარი, რომ სხვებზე უკეთ გაუმკლავდეს რთულ სიტუაციებს.

მიუხედავად ამისა, ადმინისტრაცია გამოყოფს ყველაზე სტრესული სამსახურების ათეულს.

ვნახოთ, რომელია 10 ყველაზე სტრესული სამსახური. შესაძლოა სიაში თქვენი მუშაობის სფეროც აღმოაჩინოთ.

1. უროლოგი 

2. ანესთეზიოლოგის ასისტენტი

3. მედდის ასისტენტი

4. სატელეფონო ოპერატორი

5. სასწრაფო დახმარების ექიმი 

6. მოცეკვავე 

7. გინეკოლოგი

8. პოლიციელი, მეხანძრე 

9. ქირურგი 

10. სატრანზიტო და სარკინიგზო პოლიცია

საინტერესო ისაა, რომ ყველაზე სტრესული სამსახურების ათეულში ჭარბობს ის პროფესიები, რომლებიც ჯანმრთელობის დაცვასთანაა დაკავშირებული.

თუ სიაში საკუთარი სამსახური აღმოაჩინეთ, ნუ შეგეშინდებათ. მთავარია, ჯანსაღად მიუდგეთ საკითხს, ისწავლოთ ემოციების მართვა და სტრესთან გამკლავება. სწორი დამოკიდებულების შედეგად ნახავთ, რომ სტრესის ხარისხს მინიმუმამდე დაიყვანთ.