ჯანსაღი ცხოვრების წესი არასოდეს ყოფილა ასეთი პოპულარული. ხორცზე და ნახშირწყლებზე უარის თქმა, ბოსტნეულისა და სხვა ჯანსაღი საკვების მიღება - ეს თანამედროვე ტრენდია.

ხშირად გადააწყდებით ტრადიციული საკვების ახალ, მოდიფიცირებულ ვერსიას, რომელიც ჯანსაღი კვების საბაზისო პრინციპებით მზადდება. გაეცანით ჯანსაღი გუაკამოლეს რეცეპტს, რომლის მომზადებაც მხოლოდ 4 ინგრედიენტითაა შესაძლებელი.

გუაკამოლე ტრადიციული მექსიკური სოუსია, რომელიც მთელი მსოფლიოს მასშტაბითაა პოპულარული.

ინგრედიენტები:

2 ცალი საშუალო ზომის ავოკადო, თხლად დაჭრილი
1 ცალი გამოწურული ლიმონი
¼ თავი ხახვი, წვრილად დაჭრილი
2 კონა ქინძი, წვრილად დაჭრილი
მარილი და წიწაკა გემოვნებით

მომზადების წესი:

ერთად მოათავსეთ ყველა ინგრედიენტი. ჩანგლის გამოყენებით, სასურველი ტექსტურის მიღებამდე, დაჭყლიტეთ ავოკადო. დაამატეთი მარილი და წიწაკა გემოვნებით. მიირთვით გახუხულ/ახალგამომცხვარ პურთან, ჯანსაღ ჩიფსებთან ან ბოსტნეულთან ერთად.