როუზჰილ კოტეჯი, ფილმიდან Holiday, სამწუხაროდ არ არსებობს, მისი ექსტერიერი ნულიდან აშენდა ცარიელ მინდორზე, რომელიც გადაჰყურებს ქალაქ შეერს. მის აშენებამდე, ფილმის დიზაინერმა, ჯონ ჰუტმანმა განმარტა: ”ჩვენ გვინდოდა შეგვექმნა ყველაზე ლამაზი, ყველაზე პატარა, ინგლისურ კოტეჯი.“

იდეამ გაამართლა, დღეს, როუზჰილ კოტეჯი საოცნებო ინგლისური სახლის სიმბოლოდაა ქცეული. სამწუხაროდ, როუზჰილ კოტეჯი ლონდონიდან ოთხი საათის მანძილზე იყო დაშორებული, რაც ფილმის გადაღებას ხარჯებს კიდევ უფრო ზრდიდა. ზღაპრული სახლი, როგორც ეს ფილმიდან გვახსოვს, მხოლოდ ფასადი იყო, რომელიც გადაღების დასრულების შემდეგ დაანგრიეს.

გამოგონილი როუზჰილის კოტეჯის საოცრად მომხიბვლელი ექსტერიერში ცხოვრობდა ირის სიმპკინსი, ქეით უინსლეტის პერსონაჟი. ქალაქი, სადაც როუზჰილ კოტეჯია განთავსებული, რეალურად ინგლისის ორ სოფელშია გადაღებული. გასაოცარია ინგლისურ სოფლის კოტეჯის მშენებლობის დეტალების დონე.

„რადგან სიუჟეტი შობის დღესასწაულზე ვითარდება, ჩვენ ვერ გამოვიყენებდით ყვავილებსა და ფერების კომბინაციებს. ამის ნაცვლად, გამოვიყენეთ მწვანე ფერის მცენარეების სრული სპექტრი - ქვის კედლებზე ვაზის ტოტები, ქოთნების კოლექცია ცოცხალი ყვავილებით, ლავანდა, ჰედერი და მრავალი სხვა მცენარე. შედეგად კი დახვეწილი ბაღი მივიღეთ, რომელმაც ნათლად გადასცა ხასიათი მაყურებელს - ბაღი ხის ხის სკამით - ეს ნამდვილად ფილმის სიმბოლოა. "

კოტეჯის ინტერიერი შეიქმნა ჰოლივუდის კინოსტუდიის ბაზაზე, ამიტომ ის აღარ არსებობს, თუმცა ის მაინც ინგლისური აგარაკის ყველაზე სრულყოფილ იმიტაციად რჩება. მყუდრო კოტეჯი ხით გაფორმებული ჭერით, ბუხრის მბზინვარე ცეცხლებითა და ერთი შეხედვით, შეუსაბამო ავეჯით: ზოლიანი დივანი და ხავერდოვანი აღმოსავლური ტახტი, რომელიც ყავის მაგიდადაც გამოიყენებოდა.

ორიგინალური იყო კოტეჯის უფრო თანამედროვე ავეჯით გაფორმების გადაწყვეტაც. ეს ფილმის სიუჟეტის ნაწილია - ირისი ლონდონის პატარა ბინიდან გადმოვიდა, მაგრამ მაინც ვერ ივიწყებს თანამედროვე, ახალგაზრდულ და იაფ ავეჯს. თუმცა ინტერიერის მთლიანობას ტრადიციული ავეჯი ასრულებს.

”ჩვენ ბევრი შეცდომა შეგნებულად დავუშვით. როგორ უნდა შექმნა ინგლისური კოტეჯი ისე რომ ბებიის სახლს არ ჰგავდეს? ჩვენ მუდმივად ვცვლიდით ნივთებს და განვაგრძობდით სხვადასხვა დეტალების გამოყენებას. საბოლოოდ, ვფიქრობ, ჩვენი ხედვის რეალობაში გადმოტანა სწორად მოვახერხეთ“.

მყუდრო საძინებელი, ტრადიციული რკინის საწოლით, გაცვეთილი, ხელით მოხატული საწოლის მაგიდით და მოწნული კალათებით, იდეალურად გადმოსცემს მთავარი პერსონაჟის ხასიათს.

რაც შეეხება სამზარეულოს, აბსოლუტურად მომხიბლავია თავისი მოხატული ქვის კედლებით და ცისფერი ლურჯი კაბინეტით, წნული სასადილო მაგიდითა და ღია თაროებით, რომელზეც გამოსახულია ფერადი სადილის ჭურჭელი და რა თქმა უნდა მღელვარე ცეცხლი - ის, რაც ირისს ყველაზე მეტად უყვარს.