მართალია, რომ კანის სიმშრალე უფრო ზამთარს უკავშირდება, თუმცა, ზაფხულის თვეებშიც, ეს პრობლემა, უამრავ ადამიანს აწუხებს. ზაფხულის განმავლობაში, კანი სხვადასხვა მიზეზების გამო შრება. მათ შორისაა მზის გამოსხივება და საცურაო აუზები.

სათანადო დატენიანების გარეშე, კანი ხდება მშრალი, დაბზარული და გაღიზიანებული. გარდა ამისა, დერმატოლოგები ამბობენ, რომ აუზებში არსებული ქლორი და სხვა ქიმიკატები, კანს ბუნებრივ ზეთებს აშორებენ.
 

როგორ მოვუაროთ გამომშრალ კანს ზაფხულში?

1. გამოიყენეთ დამატენიანებელი.

თუ გაქვთ მშრალი ან გამომშრალი კანი, გამოიყენეთ დამატენიანებელი, რომელიც დისკომფორტის მოხსნაში დაგეხმარებათ. დამატენიანებლის გამოყენება სასურველია სახის დაბანის, ან მზის აბაზანების შემდეგ.

2. შეამცირეთ ჰაერის კონდიციონერთან გატარებული დრო.

კონდიციონერი კანს ტენიანობას აშორებს და შესაბამისად, ზაფხულში, კანის პრობლემების გამომწვევი ერთ-ერთი ძირითადი მიზეზია. თუ კონდიციონერთან გატარებულ დროს ვერ შეამცირებთ, უბრალოდ, კანი დღეში რამდენჯერმე დაიტენიანეთ.

3. გამოიყენეთ დამატენიანებელი სახის ნიღაბი.

დამატენიანებელი ნიღაბი, თქვენს კანს სიმშრალის დამარცხებაში ეხმარება. ასეთი ნიღბები ატენიანებენ კანის ზედაპირის და თანაც, კანისთვის სასიამოვნო ინგრედიენტების წყალობით, სიგრილისა და სიმშვიდის შენარჩუნებაში გეხმარებათ.

4. გამოიყენეთ სახის მისტი.

ზაფხულის დროს, გამოიყენეთ სახის მისტი გაგრილებისა და დატენიანების ეფექტისათვის. თანაც, ცხელ კლიმატში, მათი სახეზე შეპკურება, განსაკუთრებით სასიამოვნო პროცესია.

5. გამოიყენეთ ალოე ვერა.

მზის დამწვრობა კანს არა მხოლოდ აღიზიანებს, არამედ ასევე აშრობს. ალოე ვერა ამშვიდებს გაღიზიანებულ კანს და დამატენიანებელი თვისებების წყალობით, ხელს დამწვარი კანის სწრაფი მკურნალია.

6. აუცილებლად გამოიყენეთ მზისგან დამცავი.

ეს რეკომენდაცია ეხება კანის ყველა ტიპს - მზის დამწვრობა არის მოვლენა, რომელიც ნებისმიერი ტიპის კანს აზიანებს და აბერებს. ამიტომ, ძალიან მნიშვნელოვანია გამოიყენოთ მზისგან დამცავი. დერმატოლოგიის ამერიკული აკადემიის თანახმად, მინიმუმ SPF 30 უნდა წაისვათ გარეთ გასვლამდე 15 წუთით ადრე და ყოველ ორ საათში ერთხელ განაახლოთ.