სოციალური მედიის ზრდასთან ერთად, ბევრად ადვილია ახალი ადამიანების გაცნობა, ურთიერთობების წამოწყება და ღალატი. ქორწინებაში არსებული პრობლემების ნაცვლად, ადამიანები ხშირად ირჩევენ უბრალოდ მისწერონ ახალ ადამიანს და გული გადააყოლონ. თუკი ადრე ღალატი მხოლოდ ფიზიკური მოვლენა იყო და ბევრად დიდ დროსა თუ ენერგიას მოითხოვდა, ახლა სხვა ადამიანებთან ფლირტი გაცილებით მარტივი და სამწუხაროდ, ყოველდღიური რამ არის.

როდესაც ადამიანები ვერ აგვარებენ ოჯახურ გაუგებრობებს, სტრესული რეალობისგან გასაქცევად ისინი სოციალურ მედიას იყენებენ და ემოციური საჭიროებების დაკმაყოფილებას ცდილობენ. და მაინც, რომელია ის ქცევა, რომელიც მიუთითებს, რომ მამაკაცი ქორწინებაში ბედნიერი არ არის? ურთიერთობებისა და პიროვნული განვითარების ექსპერტები, თანხმდებიან, რომ ასეთი 3 ძირითადი ქცევა არსებობს:

1. მამაკაცი მუდმივად ალაიქებს სხვა ქალების ფოტოებს:

ქორწინებაშიც კი, სავსებით ნორმალურია სხვა ადამიანების თვალიერება, მაგრამ თუ თქვენი ქმარი ყოველთვის პირველია ვინც ალაიქებს ინსტაგრამის მოდელების პოსტებს, შეიძლება ურთიერთობაში პრობლემა გაქვთ. აღსანიშნავია, რომ დალაიქება არ არის იმდენად პრობლემა, რამდენადაც კომენტარების წერა და პირადი შეტყობინებების გაგზავნაა. როგორც წესი, ეს ნაწილი მოიცავს მხოლოდ ემოციების გაგზავნასა თუ დაკომენტარებას. ეს ქცევა ასევე ბევრს ამბობს იმაზე, თუ რას გრძნობს მამაკაცი ცხოვრების პარტნიორის მიმართ. დაფიქრდით, როდესაც ვხედავთ რაღაცას, რაც ნამდვილად მოგვწონს, ვისთან ვირჩევთ მის გაზიარებას?

2. დიდი დროის გატარება ონლაინ

უფრო მეტი დროის გატარება ონლაინ, ვიდრე რეალურ ურთიერთობაში ნამდვილად პრობლემაა. თუკი მამაკაცი უფრო მეტადაა ჩართული ახალ პოტენციურ პარტნიორებთან ურთიერთობაში, ვიდრე მის ამჟამინდელ პარტნიორთან, მაშინ ეს პრობლემური ქორწინების მთავარი ინდიკატორია.

3. სხვა ქალებთან კომუნიკაცია

როდესაც უკმაყოფილო ვართ ურთიერთობაში, ჩვენ ავტომატურად ვეძებთ ალტერნატივებს, რომელიც გაგვაბედნიერებს. ეს მოიცავს სოციალურ მედიაში კომუნიკაციასაც, რომ აღარაფერი ვთქვათ ფიზიკურ შეხვედრებზე და საუბრებზე.  ქორწინებაში რთული ეტაპის დროს, მამაკაცები იწყებენ ონლაინ მიმოწერას, რომელიც დიდი შანსია ფიზიკურ ურთიერთობაში არ გადაიზარდოს, თუმცა, დროებითი ბედნიერების განცდას კი ნამდვილად უზრუნველყოფს.

ძვირფასო მამაკაცებო, ციფრულ სამყაროში ცდუნება ყველგან არის. დაჯდომა, მეუღლის მოსმენა და თქვენი ოჯახური პრობლემებისთვის ეფექტური გადაწყვეტილებების მოძიება მართალია ბევრად უფრო რთულია, ვიდრე სხვა ქალთან საუბრის დაწყება, თუმცა გრძელვადიან პერიოდში, ეს მეტად ღირებული, მნიშვნელოვანი და რაც მთავარია, თქვენთვისვე სასიკეთო გადაწყვეტილებაა. დაიმახსოვრეთ, არც ერთი პატარა ფლირტი და გაპრანჭვა არ ღირს იმად, რომ გრძელვადიან პარტნიორს, მით უმეტეს მეუღლეს გული ატკინოთ.