ახალ ქალაქსა თუ ქვეყანაში მოგზაურობა არის ამაღელვებელი გამოცდილება, რომელიც აფართოებს თითოეული ჩვენგანის ჰორიზონტს და ქმნის სანუკვარ მოგონებებს. მიუხედავად იმისა, გამოცდილი მოგზაური ხართ თუ ამ ზაფხულს პირველ თავგადასავალს გეგმავთ, ქართული საავიაციო ბაზრის ლიდერი, Wizz Air, წარმოგიდგენთ 7 ოქროს წესს, რომელიც თქვენს თავგადასავალს, კიდევ უფრო განსაკუთრებულს გახდის.

1. წინასწარ დაგეგმეთ: წარმატებული მოგზაურობა იწყება ზედმიწევნითი დაგეგმვით. გამოიკვლიეთ თქვენი დანიშნულების ადგილის კულტურა, კლიმატი, ადგილობრივი წეს-ჩვეულებები და აუცილებლად სანახავი ატრაქციონები. შექმენით მარშრუტი, რათა მაქსიმალურად გამოიყენოთ თქვენი დრო და პრიორიტეტად დაისახეთ დაამყაროთ აქტივობები, რომლებიც შეესაბამება თქვენს ინტერესებს.

2. იმოგზაურეთ მსუბუქად: რამდენიმე მძიმე ჩემოდანი სტრესისა და დამატებითი გადასახადების წინაპირობაა. აირჩიეთ ისეთი ტანსაცმელი, რომელსაც მრავალჯერ ჩაიცვამთ და თანაც, ყველაფერს მოუხდება. დამატებით, კლიმატისა და აქტივობების გათვალისწინებით შეადგინეთ აუცილებელი ნივთების სია. არ დაგავიწყდეთ სატენები, სამგზავრო დოკუმენტები და საჭირო მედიკამენტები.

3. იყავით ღია: ესაუბრეთ უცნობ ადამიანებს ღია გულითა და გონებით. ჩაერთეთ ადგილობრივებთან დიალოგში, დააგემოვნეთ ახალი კერძები და თავით გადაეშვით ადგილობრივ კულტურაში. კომფორტის ზონის გარეთ გასვლის მზაობა დაგეხმარებათ, რომ თქვენი მოგზაურობა მოულოდნელი და სასიამოვნო სიურპრიზებით იყოს სავსე.

4. უსაფრთხოება პრიორიტეტულია: თქვენი კეთილდღეობა თქვენი მთავარი პრიორიტეტი უნდა იყოს. თან იქონიეთ მნიშვნელოვანი დოკუმენტების ასლები, სამოგზაურო დაზღვევა და პირველადი სამედიცინო დახმარების ნაკრები. ყურადღება მიაქციეთ თქვენს ნივთებს, განსაკუთრებით ხალხმრავალ ადგილებში და ახალი გარემოს შესწავლისას, აუცილებლად ენდეთ საკუთარ ინსტინქტებს.

5. იზრუნეთ ეკოლოგიაზე: იმოგზაურეთ პასუხისმგებლობით და გარემოზე ნეგატიური ზემოქმედების მაჩვენებელი მინიმუმამდე დაიყვანეთ. აირჩიეთ, Wizz Air და იფრინეთ ევროპის ყველაზე მწვანე ავიაკომპანიით, შეამცირეთ პლასტმასის გამოყენება და მხარი დაუჭირეთ ადგილობრივ მცირე ბიზნესებს.

6. აღბეჭდეთ მომენტები და იცხოვრეთ აწმყოში: მიუხედავად იმისა, რომ ფოტოების გადაღება აუცილებელია მოგონებების შესანახად, არ დაგავიწყდეთ მომენტით ტკბობა. დროდადრო გადადეთ კამერა, ტელეფონი და ისიამოვნეთ უცხო ქალაქის ხედებით, ხმებითა და ემოციებით.

7. მზად იყავით ცვლილებებისთვის: მიუხედავად საუკეთესო გეგმებისა, შეიძლება წარმოიშვას გაუთვალისწინებელი გარემოებები. შეიძლება ამინდი შეიცვალოს და ფეხით სეირნობის ნაცვლად, დახურულ სივრცეებში მოგიწიოთ დროის გატარება.  იყავით მოქნილი და მოირგეთ პოზიტიური დამოკიდებულება - ზოგჯერ, ყველაზე დასამახსოვრებელი მომენტები, სწორედ გაუთვალისწინებელი შემთხვევებიდან იწყება.