მამაკაცების უმეტესობას თავის გვერდით ძლიერი და ჭკვიანი ქალი წარმოუდგენია, თუმცა ცოტამ თუ იცის, რას უნდა ელოდოს მისგან და როგორ უნდა ააწყოს ძლიერ ქალთან ურთიერთობა.

დამოუკიდებელი და თავდაჯერებული ქალი არ ჰგავს სხვებს და მისი ყველა მოქმედება სხვა ქალებისგან განსხვავებულია.

შეიძლება მას სურს თქვენთან ყოფნა, მაგრამ იცოდეთ, სრულებითაც არ სჭირდებით. ის პატივს სცემს თქვენს საჭიროებებს, მაგრამ არ დაუშვებს, რომ თქვენ გვერდით საკუთარი თავი დაივიწყოს. ის ღირებულებებს, ღირსებას, ამბიციებსა და ფასეულობებს არავის გამო არ დათმობს. ამავდროულად, მას არ სურს თქვენ დაკარგვინოთ ამბიციები და მის გამო რამეზე უარი თქვათ.

გთავაზობთ რამდენიმე რჩევას, რომლებიც ძლიერი ქალის შენარჩუნებაში დაგეხმარებათ:

1. ბევრი უნდა იმუშაოთ მისი ნდობის მოსაპოვებლად. ამას პატიოსნებით, სანდო ნაბიჯების გადადგმითა და მისი პატივისცემის შედეგად შეძლებთ;

2. აჩვენეთ, რომ შეუძლია გენდოთ და განდოთ ყველაზე დიდი საიდუმლოები. ყოველივეს შემდეგ კი, დარწმუნებული იყავით, რომ თავის ყველაზე პირადულ ამბებს, გრძნობებს, მომენტებს მხოლოდ თქვენ გაგიზიარებთ.

3. ნუ ითამაშებთ მასთან. იმოქმედეთ პატიოსნად.

4. თუ ის თქვენს იდეებსა და მოსაზრებებს გამოწვევად იღებს, ეს ნიშნავს, რომ პატივისცემითაა თქვენ მიმართ განწყობილი.

5. დაარწმუნეთ - მიუხედავად იმისა რომ თქვენი თანადგომა არ სჭირდება, მაინც ყოველთვის მზად ხართ, იყოთ მის გვერდით და დაეხმაროთ. რასაკვირველია, არც უნდა დაფიქრდეთ, როცა მხარდაჭერას გთხოვთ;

6. აღნიშნეთ მისი მიღწევები;

7. როდესაც მარცხს განიცდის, ნუ დაიშურებთ ძალისხმევას მის სანუგეშებლად. იყავით მის გვერდით და უთხარით, რომ წარუმატებლობასაც მოაქვს გამოცდილება;

8. გახსოვდეთ, რომ ძლიერ ქალებს უყვართ ვნებიანი და გავლენიანი კაცები;

9. პატივი ეცით მის შეხედულებებს რელიგიისადმი.

10. დაიმახსოვრეთ, რომ მოქმედება უფრო ხმამაღლა მეტყველებს, ვიდრე სიტყვები. ნუ მოიხდით ბოდიშს, როდესაც დააშავეთ. წუხილი გამოხატეთ თქვენი მოქმედებით.

11. გაანდეთ გეგმები მას და მიეცით უფლება თქვენი ოცნებების ახდენაში თავისი წვლილი შეიტანოს.

12. ჰკითხეთ კარიერული მიზნების შესახებ და დაინტერესდით მისი სამსახურით.

13. განიხილეთ თქვენი ურთიერთობა პატიოსნად და გამჭვირვალედ. ძლიერი ქალები იხიბლებიან პირდაპირი მამაკაცებით.

14. მოუყევით მის შესახებ მეგობრებსა და ოჯახის წევრებს.

15. ნუ განაწყენდებით თუ ის გთხოვთ, რომ მარტო დარჩენა სურს.

და ბოლოს: „ნუ შემოუშვებთ თქვენს ცხოვრებაში ადამიანებს, რომლებიც თავს ცუდად გაგრძნობინებენ. მიენდეთ თქვენს ინტინქტებს. კარგი ურთიერთობა ნიშნავს, რომ საყვარელ ადამიანთან თავს კარგად გრძნობთ. ის არაა მტკივნეული, ის არ დაგაზარალებს.

ეს არ ეხებათ მხოლოდ წყვილებს, რომლებიც დაქორწინებას აპირებენ. ეს ეხებათ მეგობრებს, რომლებსაც ვირჩევთ და ადამიანებს, რომლებიც ჩვენ გარშემო არიან“, - ეს 21-ე საუკუნის ერთ-ერთი ყველაზე გავლენიანი და ძლიერი ქალის, აშშ-ის ყოფილი პირველი ლედის, მიშელ ობამას სიტყვებია.