თავდაჯერებულობა ეს არის უნარი გქონდეს საკუთარი თავის რწმენა ნებისმიერ საკითხში. თუმცა ამ შემთხვევაშიც საჭიროა ბალანსის დაცვა. ზედმეტი თავდაჯერებულობა ცუდია, ეს ქედმაღალს გამოგაჩენთ. ზომიერად თავდაჯერებული ადამიანები ძალიან მომხიბვლელები და მიმზიდველები არიან.

გთავაზობთ ასეთი ადამიანების 10 თვისებას:

1. მათ იციან სხეულის ენის სწორად გამოყენება - მათ იციან, როგორ აჩვენონ სხვებს თავიანთი თავდაჯერებულობა, როგორ წარადგინონ საზოგადოებაში საკუთარი თავი. რა თქმა უნდა, ისინი ყველა სიტუაციაში თავდაჯერებულები ვერ იქნებიან, მაგრამ მათ შეუძლიათ თავიანთი სხეულის ენა ისე გამოიყენონ, რომ თავი თავდაჯერებულად წარმოაჩინონ.

2. არიან კარგი მსმენელები - ერთ-ერთი კვლევის თანახმად, ადამიანები, რომლებიც თანამოსაუბრეს ყურადღებით უსმენენ და საკითხთან დაკავშირებით კითხვებსაც უსვამენ, მას დაცულობის შეგრძნებას მატებენ და უფრო გახსნილ პიროვნებებად გარდაქმნიან. თავდაჯერებულ ადამიანებს უყვართ საკუთარ თავზე საუბარი, მათ ასევე უყვართ სხვების მოსმენაც, რის გამოც ისინი სასიამოვნო ადამიანები არიან.

3. არიან ცნობისმოყვარეები - გარდა იმისა, რომ ისინი ცნობისმოყვარეები არიან მთელი სამყაროს მიმართ და სურთ მისი საიდუმლო ამოხსნან, ამასთანავე ცნობისმოყვარე ხასიათს ავლენენ გარშემომყოფთა ცხოვრების მიმართაც. მათ სურთ იცოდნენ ადამიანების ისტორიები. ეს სულაც არ არის ცუდი თვისება. პირიქით, ცნობისმოყვარე ხასიათი მათ მიმზიდველობას ჰმატებთ. როცა ადამიანი შენ მიმართ ინტერესს იჩენს, ეს მას მომხიბვლელობას ხდის.

4. ისინი დილას იწყებენ პოზიტიურად - თავდაჯერებულმა ადამიანმა იცის, რომ დილის პოზიტიური აზროვნებით დაწყება მთელ დღეს სასიამოვნოს და წარმატებულს გახდის. პოზიტივი მას მთელი დღის განმავლობაში მიჰყვება, სხვა ადამიანებსაც გადასდებს განწყობას, ამიტომ ის დანარჩენებისთვის ძალიან მომხიბვლელი და მიმზიდველია. ყველას მის გვერდით ყოფნა სურს. ყველა ვთანხმდებით, რომ პოზიტიური ადამიანები ყველას უყვარს.

5. მას არ სჭირდება, რომ ყოველთვის მართალი იყოს - მას ესმის, რომ ზოგჯერ შეიძლება არ იყოს მისი პოზიცია სწორი, თუმცა არ ნიშნავს, რომ დანებდება და ეს განწყობას გაუფუჭებს. მას შეუძლია სხვებს მოუსმინოს და რჩევა მიიღოს.

6. თავდაჯერებული ადამიანი ხშირად იღიმის - ფაქტია, რომ დიდწილად ღიმილზეა დამოკიდებული ის, თუ როგორ აღგვიქვამენ ადამიანები ჩვენ. თავდაჯერებულმა ადამიანმა იცის, რომ ღიმილი მას უფრო მომხიბვლელს ხდის და დაბღვერილი არ დადის. მოსწონს, როცა ადამიანებს უღიმის.

7. ყოველთვის წარმოაჩენს საუკეთესო მხარეს - მან იცის რა არის მისი საუკეთესო თვისება, რა კუთხით არის ძლიერი და იცის, როგორ წარმოაჩინოს თავისი უპიატესობა.

8. ზოგჯერ აჩვენებენ დაუცველობასაც - თავდაჯერებული ზოგჯერ აჩვენებენ დაუცველობასაც და სისუსტეს, რის გამოც ისინი ძალიან მიმზიდველები არიან.

9. ისინი მხოლოდ და მხოლოდ საკუთარი თავის მეტოქეები არიან - ცდილობენ, რაც შეიძლება მეტი ისწავლონ, განვითარდნენ და საკუთარი თავი უკეთესად გარდაქმნან.

10. თავდაჯერებული ადამიანები ბედნიერებას საკუთარ თავში პოულობენ - მათ შეუძლიათ იცხოვრონ მომენტით და დატკბნენ ყოველი წამით. ისინი საკუთარი თავით არიან ბედნიერები. მათ არ ადარდებით სხვების აზრი.