1. მოკლე შარვალი

ოდრი ჰეპბერნს ძალიან უყვარდა მოკლე შარვლები - უჯრედიანი, საზაფხულო ცისფერი და კლასიკური შავი. დრო მიდის, მაგრამ უპირატესობები არ იცვლება - დღეს, კოჭამდე შარვალი ისევ პოპულარობის პიკზეა.

2. შავი როლინგი

შავი როლინგი, როგორი შეუცვლელიც იყო 60 წლის წინ, ისევ ასეთი დარჩა. თუმცა, გასაკვირი არ არის - ის ქალურია, უნივერსალური, თანაც ძალიან თბილი, განსაკუთრებულად მაშინ, თუ ქაშმირისაა.

3. თეთრი პერანგი

ფილმში „საუზმე ტიფანისთან“ ოდრის გმირი, დასაძინებლად დაწოლის წინ, თეთრ პერანგს იცვამდა. დღეს კი გთავაზობთ ატაროთ ასეთი პერანგი ყოველდღიურადაც, და გასასვლელადაც.

4. პატარა შავი კაბა

გარდერობის ამ ელემენტს წარდგენა არ სჭირდება!

5. აბრეშუმის შარფი

თუ გინდათ გავდეთ ოდრი ჰეპბერნს, შეიყვარეთ აბრეშუმის შარფები. ფილმში „რომაული არდადეგები“ კისერზე შარფს ატარებდა თეთრ პერანგთან და მიდი-ქვედაბოლოსთან ერთად. გარდა ამისა, მსახიობი ხშირად იკეთებდა თავსაფარს.

6. ბალეტკები

ბევრი ფიქრობს, რომ ბალეტკების პოპულარიზაცია ქეით მოსის დამსახურებაა, მაგრამ სინამდვილეში ამ ფეხსაცმელმა პოპულარობა ბევრად უფრო ადრე - ოდრი ჰეპბერნის დროს მოიპოვა.

7. სათვალე „კატის თვალები“

როცა მინიატურულ ოდრის იხსენებ, პირველი, რაც თავში მოგდის, ეს აქსესუარია - ისე ხშირად ატარებდა ამ სტილის სა თვალეს. კარგი ამბავი ის არის, რომ „კატის თვალები“ - მუდმივი კლასიკაა, ამიტომ ის არასოდეს გადავა მოდიდან.

8. ტრენჩი

მორიგი მაგალითი იმისა, რომ მოდა ციკლურია. როგორც ოდრი ჰეპბერნის დროს, დღესაც ტრენდშია ყველანაირი ტრენჩები.