ადამიანებს სილამაზის განსხვავებული აღქმა გვაქვს. ფსიქოლოგები ამბობენ, რომ იმით, თუ რას მივიჩნევთ ლამაზად, სილამაზის აღქმის როგორი უნარი გვაქვს, შეიძლება პიროვნული თვისებები გამოვავლინოთ.

მაშ ასე, შეხედეთ ფოტოს და გადაწყვიტეთ, რომელი ვარდია თქვენთვის უფრო ლამაზი და გავიგოთ, რას ამბობს თქვენი არჩევანი თქვენი პიროვნების შესახებ.

1. თუ პირველი ვარდი აირჩიეთ - ეს კლასიკური არჩევანია, რომელიც თქვენს გამბედაობასა და ექსტრავერტულობაზე მიუთითებს. ძალიან პატიოსანი და გულწრფელი ადამიანი ხართ. ინტუიციის გრძნობა გაქვთ განვითარებული. გამოირჩევით კომუნიკაციის უნარით. იცით, რა გინდათ ცხოვრებისგან და მომავალს რეალისტურად უყურებთ. ყველაფერი წინასწარ გაქვთ დაგეგმილი.იცით, როგორ მიაღწიოთ დასახულ მიზანს. საჭიროა ისწავლოთ, რომ ზოგჯერ განტვირთვა და ძალების აღდგენა აუცილებელია. ასევე ამით სტრესს აარიდებთ თავს.

2. თუ მეორე ვარდი აირჩიეთ - ძალიან მზრუნველი ხართ, მუდამ მზად ხართ ადამიანებს გამოესარჩლოთ და დაიცვათ ისინი, მხარი დაუჭიროთ და დახმარების ხელი გაუწოდოთ. ასე განსაკუთრებით მაშინ იქცევით, როცა საქმე ახლობელ ადამიანებს ეხება. თქვენთვის პრიორიტეტულია გარშემომყოფების კეთილდღეობა და ამისთვის ყველაფერს აკეთებთ. გეშინიათ ცვლილებების და რისკის გაწევის, თუმცა ეს შიში უნდა დაივიწყოთ, რადგანაც წარმატებას რისკის გაწევის გარეშე ვერ მიაღწევთ. 

3. თუ მესამე ვარდი აირჩიეთ - ძალიან მგრძნობიარე ხართ და ემოციებით ცხოვრობთ. ბევრი შინაგანი დაფარული ნიჭი გაქვთ, რომელთა შესახებაც თავადაც არ იცით. თავდაჯერებულობა გაკლიათ. მთავარია, დაიჯეროთ საკუთარი თავის და გარშემო ისეთი ადამიანები შემოიკრიბეთ, რომლებსაც უყვარხართ და მხარს გიჭერენ.

4. თუ მეოთხე ვარდი მიგაჩნიათ ყველაზე ლამაზად - ბედნიერი და შემოქმედებითი უნარებით დაჯილდოებული ადამიანი ხართ. თქვენი ოპტიმიზმი გადამდებია და ყოველთვის ცდილობთ ცხოვრება ნათელ ფერებში დაინახოთ. თქვენი ცნობისმოყვარეობა და თავგადასავლებისკენ მიდრეკილი ბუნება ახლის აღმოჩენისკენ გიბიძგებთ.

5. თუ მეხუთე ვარდი აირჩიეთ - თქვენთვის ყველაზე მნიშვნელოვანია დაცულობის განცდა. ყველაფერს აკეთებთ იმისთვის, რომ თავი დაცულად იგრძნოთ მათ შორის ფინანსური კუთხით. გახსოვდეთ, რომ აუცილებლად მომავალზე უნდა კონცენტრირდეთ. წარსულს ნუ მისცემთ ნებას, რომ ცხოვრების გაგრძელების შესაძლებლობა წაგართვათ. 

6. თუ მეექვსე ვარდი აირჩიეთ - დისციპლინირებული და ორგანიზებული ხართ. შრომისმოყვარეობით გამოირჩევით და ეს იმიტომ, რომ აკეთებთ იმ საქმეს, რომელიც გიყვართ. მიდრეკილი ხართ განვითარებისკენ, ახლის შეცნობისკენ. არასოდეს ტკეპნით ერთ ადგილს. სამსახური თქვენი ცხოვრების ყველაზე მნიშვნელოვანი ასპექტია. სცადეთ, დაიცვათ ბალანსი სამსახურსა და პირად ურთიერთობებს შორის და დრო სწორად გადაანაწილოთ. გახსოვდეთ, რომ წარმატებას ადამიანი ბოლომდე მაშინ შეიგრძნობს, როცა მას სხვას უზიარებს.