1. ვერძი - თქვენ პატიოსანი და პირდაპირი ადამიანი ხართ, რაც რა თქმა უნდა, კარგია, მაგრამ ზოგჯერ თქვენი პირდაპირობა ჩარჩოებს სცდება და ადამიანები თქვენ გვერდით ამის გამო თავს ცუდად გრძნობენ. თქვენ არ იცით დროის შერჩევა, არ იცით როდის უნდა მისცეთ ადამიანს შენიშვნა. შესაძლოა, საშინელება უთხრათ საზოგადოებაში და სწორედ ამიტომ, თქვენ გვერდით ყოფნადისკომფორტის განცდას აჩენს.

2. კურო - თქვენ არ გიყვართ სხვების აზრის მოსმენა. ფიქრობთ, რომ საუკეთესოა ის იდეა, ის მოსაზრება, რომელიც თქვენ გაქვთ. სხვებს არაფრად აგდებთ. არ მოგწონთ ახალი გამოცდილების შეძენა, ადამიანები თქვენ გვერდით თავს შებოჭილად გრძნობენ და დისკომფორტს განიცდიან.

3. ტყუპები - თქვენ ჭორაობა გიყვართ, ამის გამო ადამიანებს თქვენი ნდობა უჭირთ. ისინი ვერ მოგიყვებიან პირადი ცხოვრების დეტალების შესახებ, რადგანაც იციან, რომ ამის შესახებ აუცილებლად იჭორავებთ სხვებთან. სწორედ ეს ქმნის დისკომფორტს თქვენთან ურთიერთობის დროს.

4. კირჩხიბი - ხასიათი ძალიან სწრაფად გეცვლებათ და ძალიან ემოციური ხართ. ადამიანები ვერ იგებენ რა გეწყინათ. ასეთი ხასიათი გამო თქვენთან ურთიერთობა რთულია და არაკომფორტულობის განცდას აჩენს.

5. ლომი - ბუნებრივი სურვილი გაქვთ იმის, რომ ყველამ თქვენ მოგაქციოთ ყურადღება, მუდამ ყურადღების ცენტრში ყოფნა გსურთ. გინდათ, რომ ყველა სიტუაციაში მთავარი პერსონა იყოთ. ეს რეალურად ადამიანებს არ სიამოვნებთ.

6. ქალწული - ძალიან ცნობისმოყვარე ხართ და ცდილობთ, რომ ყველაფერი გაიგოთ. ზოგჯერ ისეთ საქმეებში ყოფთ ცხვირს, რაც თქვენი საქმე არ არის. არ გერიდებათ უამრავი კითხვის დასმის, ამიტომაც ადამიანები დისკომფორტს განიცდიან თქვენ გვერდით. არავის მოსწონს უხერხულ კითხვებზე პასუხის გაცემა.

7. სასწორი - თქვენ გაუბედავები ხართ. გიჭირთ გადაწყვეტილებების მიღება და გამუდმებით ფიქრობთ იმის შესახებ, თუ როგორ მოიქცეთ. ამის გამო ძალიან დამღლელი ხართ და გარშემომყოფებს ზოგჯერ თავს აბეზრებთ და დისკომფორტის განცდას უჩენთ.

8. მორიელი - ყველამ იცის, რომ საიდუმლოებით მოცული, იდუმალი ადამიანი ხართ, ამიტომაც გარშემომყოფები თქვენ გვერდით თავს კომფორტულად ვერ გრძნობენ, რადგანაც არ ასვენებთ განცდა, რომ რაღაცას უმალავთ. ისინი თვლიან რომ არ ენდობით.

9. მშვილდოსანი - თქვენ გიყვართ თავგადასავლები, მოგზაურობა, ყოველთვის სადღაც მიდიხართ, ერთ ადგილას ვერ ჩერდებით. უცნობ ადგილებზე გინდათ წასვლა. თქვენ გვერდით ადამიანები თავს დაუცველად გრძნობენ, რადგანაც არასოდეს იციან რას გააკეთებთ და რა მიმართულებით წახვალთ, ეს კი, დისკომფორტის განცდას აჩენს.

10. თხის რქა - თქვენი შრომისმოყვარეობა ადამიანებს ძალიან ღლით. პრობლემა ისაა, რომ სხვებისგანაც ისეთივე მუშაობას მოითხოვთ, როგორიც თქვენ გჩვევიათ. ამიტომაც ადამიანები გაგირბიან.

11. მერწყული - როგორც წესი, ცდილობთ საკუთარი საქმეები სხვებს მოახვიოთ თავს და სხვებს გააკეთებინოთ, ეს არის მიზეზი, რის გამოც გარშემომყოფები თავს არაკომფორტულად გრძნობენ.

12. თევზები - მეოცნებე ხართ, უგულებელყოფთ რეალობას და ოცნებებში დაფრინავთ. სწორედ ამიტომ უჭირთ ადამიანებს თქვენ გვერდით ყოფნა. მათთვის გაუგებარია როგორ შეგიძლიათ ასე ოცნება და რეალობის შეგრძნების დაკარგვა.