1910-იანი წლები

ქალები: მოდაშია ქალები გრძელი კისრით, დიდი თვალებითა და ტალღოვანი თმით. იდეალური ქალი უნდა ყოფილიყო მაღალი, მოხდენილი, ვიწრო წელით, დიდი მკერდით და განიერი თეძოებით.

მამაკაცები: მთავარი ატრიბუტი - ულვაშები. მოდაშია მაღალი დაკუნთული მამაკაცები - მოკრივეები, ათლეტები.

1920-იანი წლები

ქალები: დიდი, შველივით თვალები - სილამაზის ერთ-ერთი მთავარი კრიტერიუმია. გამხდარი, ბიჭური აღნაგობის ქალები, მოკლედ შეჭრილი თმით და წვრილი წარბებით.

მამაკაცები: მოდაშია ჯაზი, სწრაფვა მაღალი საზოგადოებისა და ფუფუნებისკენ, და ასევე ‘“გადავარცხნილი“ თმები და კარგად გაპარსული სახე.

1930-იანი წლები

ქალები: სილამაზის ეტალონი გახდა სახის სწორი ნაკვთები, ჰოლივუდის კულულები, გრძელი წამწამები, მაღალი ღაწვები, რკალივით წარბები და ღრმა თვალები.

მამაკაცები: სწორედ „ჰოლივუდის მეფის“ კლარკ გეიბლის დამსახურებით შემოვიდა მოდაში „ძვირფასი მამაკაცის“ სახე - მოწესრიგებული ულვაშები, უკან გადავარცხნილი თმა, ჭვავის ვისკი და სიგარა.

1940-იანი წლები

ქალები: ჰოლივუდური ფუფუნების სამყარო დაიმსხვრა სამხედრო დროის მკაცრ რეალობაში. ელეგანტურობა კი დარჩა, მაგრამ რაფინირებული სილამაზის ნაცვლად შემოვიდა ძლიერი ქალის და მებრძოლი მეგობარის განსახიერება - ამ დროს ფასდებოდა სპორტული ფიგურა განიერი მხრებით.

მამაკაცები: ასეთ რთულ დროს არავის ეცალა მოდისთვის, ამიტომ თმას აღარ ივარცხნიდნენ უკან და არ აფიქსირებდნენ გელით, ელეგანტური კოსტიუმები კი ჩაანაცვლა სამხედრო ფორმამ.

1950-იანი წლები

ქალები: მოდაშია - ქერა თმა, მაღალი მკერდი, ვიწრო მხრები, განიერი თეძოები და ვიწრო წელი. თოჯინის განსახიერება გახდა ერთ-ერთი ყველაზე პოპულარული - ფაიფურის კანი, მკვეთრი ტუჩები, მაღალი ვარცხნილობა, „ნაჩოსი“.

მამაკაცები: ასეთი „თოჯინა“ ქალის მეგზური უნდა ყოფილიყო ძლიერი მამაკაცი, დიდი ხელებით, მამაკაცური ნიკაპით და ამავე დროს მგრძნობიარე ტუჩებით.

1960-იანი წლები

ქალები: ნამდვილი გადატრიალება მოდის სამყაროში ტვიგიმ მოახდინა. სწორედ მისგან დაიწყო გასახდომი საშუალებების ერა. სხეული უნდა ყოფილიყო გამხდარი, ვარცხნილობა - მოკლე, ტუჩები - ღია ფერის, თვალები კი - უზარმაზარი.

მამაკაცები: ალენ დელონის დამსახურებით ყველაზე პოპულარული ტიპაჟი გახდნენ მამაკაცები მოცისფრო-რუხი თვალებით, შავი წარბებით და მგრძნობიარე ტუჩებით.

1970-იანი წლები

ქალები: ქალები მიისწრაფოდნენ ბუნებრივობისკენ, მაგრამ ამასთანავე ხაზს უსვამდნენ სექსუალურობას - მოცულობითი ვარცხნილობები, მაკიაჟი ნატურალურ ტონებში და მოკლე კაბები.

მამაკაცები: ჰიპის მოდური განსახიერება მოითხოვდა მაქსიმალურ ბუნებრივობას - არანაირი მოკლე თმა და გაპარსვა. რაც ნაკლებ ქიმიას გამოიყენებ თმასა და სხეულისთვის, მით უკეთესი.

1980-იანი წლები

ქალები: სამყარო შეიშალა აერობიკაზე - სპორტული ფორმები, ლოსინები და ქიმიური დახვევა პოპულარობის პიკზეა.

მამაკაცები: მამაკაცებმა კი გადაწყვიტეს ელეგანტურობას დაუბრუნდნენ. მათ ისევ დაიწყეს თმის შეჭრა, და გაპარსვა, უკან გადავარცხნა, და ვარცხნილობის საშუალებებმა ისევ მოიპოვეს ადრინდელი პოპულარობა.

1990-იანი წლები

ქალები: მოდაშია - ძალიან გამხდარი ქალები წვრილი ხელებით და ფეხებით, დაღლილი და ფერმკრთალი სახით.

მამაკაცები: სტილი „გრანჟი“ მოდაში შემოვიდა როკ-მუსიკიდან. შინაგანი თავისუფლება აუცილებლად უნდა გამოეხატად საკუთარი გარეგნობით - ახალგაზრდა მამაკაცები იზრდიდნენ თმებს, სპეციალურად იცვამდნენ ფეთხუმივით და არ აღიარებდნენ გლამურული ცხოვრების წესს.

2000-იანი წლები

ქალები: მას შემდეგ რაც მსოფლიომ ნახა ფილმი: „ლარა კროფტი: სამარხების მძარცველი“, მოდაში შემოვიდა სპორტული ლამაზმანები. ანჯელინა ჯოლის თვალები, ცხვირი, ტუჩები, ღაწვები და სხეული - სწორედ ასეთ ნაკვთებზე ოცნებობდნენ მოდის მიმდევარები.

მამაკაცები: მამაკაცებს მოჰბეზრდათ მოუწესრიგებელი სტილი. სწორედ ამ წლებში იქცა სახისა და სხეულის მოვლა არა მხოლოდ ქალების არამედ მამაკაცების რუტინად.

2010-იანი წლები

ქალები: კიმ კარდაშიანის დამსახურებით მოდაში შემოვიდა განიერი თეძოები, ხორბლისფერი კანი, პუტკუნა ტუჩები, მაღალი ღაწვები და ხშირი წამწამები.

მამაკაცები: აი, მამაკაცები კი ისევ დაუბრუნდნენ მოდუნებულ სტილს - მოუწესრიგებლობა, ფერმკრთალი და ცოტათი გამოუძინებელი სახე.

ბონუსი:

2018 წელი

ქალები: Baby face – 2018 წლის ყველაზე მოდური ტიპაჟი. მოდაშია ბუნებრივობა, ფუმფულა ლოყები, ნაზი ღიმილი, გრძელი ფეხები და მოხდენილი ფიგურა.

მამაკაცები: მოდური მამაკაცის მოდურობის მთავარი შემადგენელი შტრიხებია - წვერი, ულვაშები, გრძელი და შეკრული თმა.