დიდი ბრიტანეთის სამეფო ოჯახი ყოველთვის მთელი მსოფლიოს ყურადღების ცენტრშია, მაგრამ ეს არ არის მსოფლიოში ერთადერთი სამეფო ოჯახი.

ამჯერად ჩვენი მკითხველის ყურადღებას მსოფლიოს ყველაზე ახალგაზრდა დედოფალზე შევაჩერებთ. ის არის ბჰუტანის მომხიბვლელი დედოფალი, ჯეთსუნ პემა ვანგჩუკი.

ჯეთსუნ პემას დედოფლის გვირგვინი 21 წლის ასაკში დაადგეს. ახლა ის 27 წლისაა და მსოფლიოს ყველაზე ახალგაზრდა დედოფალია.

სანამ ბჰუტანის მეფეს გაჰყვებოდა ცოლად, ის ინგლისში სწავლობდა. ჯეთსუნ პემა საერთაშორისო ურიერთობებსა და ფსიქოლოგიას დაეუფლა. ასევე, ლონდონში ხელოვნების ისტორიასაც სწავლობდა.

როდესაც ბჰუტანში დაბრუნდა მას უთხრეს, რომ მისი ცოლად შერთვა მის უდიდებულესობას, მეფეს, ჯიგმე ხესარ ნამგუელ ვანგჩუკს სურდა, რომელსაც დრაკონების მეფესაც უწოდებენ.

მეფე დიდხანს იცდიდა, სანამ დაქორწინების გადაწყვეტილებას მიიღებდა. დაქორწინების გადაწყვეტილება მან 31 წლის ასაკში მიიღო, რაც ბჰუტანში ქორწინებისთვის საკმაოდ ხანდაზმულ ასაკად ითვლება.

„მე დიდი ხანია ვიცდი, რადგანაც ვთვლი, რომ უნდა დაქორწინდე მაშინ, როცა შენ შესაფერ ადამიანს შეხვდები და ახლა სწორედ ასეთ ადამიანს შევხვდი“, - ამბობდა ჯიგმე, როცა ჯეთსუნზე ქორწინების გადაწყვეტილება მიიღო.

2016 წლის თებერვალში სამეფო წყვილს ვაჟი, პრინცი ჯიგმე ნამგუელ ვანგჩუკი შეეძინა.

დედოფალი აქტიურადაა ჩართული საქველმოქედო საქმიანობაში და ის ხალხს ძალიან უყვარს.

ჯეთსუნ პემა ჩართულია ასევე ბჰუტანში წითელი ჯვრის საქმიანობაში, ასევე ხელმძღვანელობს ბუნების დაცვის ორგანიზაციას.