რა გელოდებათ 2019 წელს, ანუ ყვითელი ღორის წელში? ასტროლოგები გამოყოფენ ორ ყველაზე მნიშვნელოვან - დადებით და უარყოფით მოვლენას, რომელსაც ახალი წლიდან უნდა ელოდოთ.

1. ვერძი - კარგი ის არის, რომ დიდი წარმატება გელოდებათ კარიერული კუთხით. განსაკუთრებულ აღმასვლას ამ თვალსაზრისით ივნისიდან უნდა ელოდოთ. ყველაზე დიდი წარმატება ელოდებათ საზოგადოებასთან ურთიერთობის, კომუნიკაციის, მედიის კუთხით დასაქმებულ ვერძებს. შესაძლოა, დიდი ხანია გსურდათ წიგნის დაწერა, საკუთარი ბლოგის შექმნა, ან „იუთუბზე“ მაუწყებლობის დაწყება. 2019 წლიდან საუკეთესო შესაძლებლობები მოგეცემათ.

შედარებით ცუდი ის არის, რომ ოჯახისთვის ნაკლები დრო გექნებათ და ამის გამო შესაძლოა, სადავეები გაგექცეთ ხელიდან და ოჯახის წევრებთან გაუგებარ სიტუაციებში აღმოჩნდეთ. მოსალოდნელია, რომ თავს იჩენს კონფლიქტები. 

2. კურო - თქვენთვის კარგი ამბავი გვაქვს. იანვრის მიწურულიდან ელოდეთ ოცნებების ახდენას. ოცნებები, რომლებიც აქამდე მიუღწეველი გეგონათ, აგიხდებათ. შესაძლოა, მოულოდნელად შემოსავლის ახალი წყარო გაგიჩნდეთ და ოცნების სახლი იყიდოთ. მატერიალური მდგომარეობა მნიშვნელოვნად გაგიუმჯობესდებათ.

ნეგატივს რაც შეეხება, შედარებით გაგირთულდებათ მეგობრული ურთიერთობები.უფრო მეტიც, ამ კუთხით ნამდვილი დრამაა მოსალოდნელი. რა თქმა უნდა, ეს ცუდია, მაგრამ ეცადეთ ყველაფერს პოზიტიური თვალით შეხედოთ. მოგეცემათ შესაძლებლობა, რომ ნამდვილი და ყალბი მეგობრები ერთმანეთისგან განასხვავოთ და გაუშვათ ის ადამიანები, რომლებიც ცხოვრებას გირთულებენ. 

3. ტყუპები - კარგი ის არის, რომ მატერიალური მდგომარეობა გაგიუმჯობესდებათ. გირჩევთ, რომ რაიმე სარფიან საქმეში ჩადოთ უეცრად გაზრდილი შემოსავალი. შეძლებთ ყველა ვალის გასტუმრებას. ასტროლოგები ამბობენ, რომ თქვენთვის წარმატებული იქნება საქმე, რომელსაც 31 იანვარს, 18 ივნისს, ან 8 ნოემბერს დაიწყებთ. 

ცუდი ამბავი ის არის,რომ სამსახურში უფროსთან ურთიერთობა დაძაბული იქნება. ვერ გაუგებთ ერთმანეთს, თუმცა ეს არ ნიშნავს, რომ სამსახურს დაკარგავთ.

4. კირჩხიბი - კარგი ის არის, რომ მიიღებთ რადიკალურ გადაწყვეტილებებს, რომელთა საშუალებითაც მოაგვარებთ ბიზნეს ურთიერთობებს და წარმატებულები იქნებით სწორედ რადიკალური გადაწყვეტილებების და გამბედაობის წყალობით.

2019 წლის ნეგატიურ მხარეს რაც შეეხება, რადიკალიზმმა შესაძლოა პრობლემები შეგიქმნათ პირად ურთიერთობებში. მოსალოდნელია, რომ საყვარელ ადამიანთან დაშორების გადაწყვეტილება მიიღოთ და შემდეგ ინანოთ. ამიტომ, უფრო მეტი სიფრთხილე გამოიჩინეთ რომანტიკულ ურთიერთობებში. 

5. ლომი - ლომები, თქვენთვის 2019 სიყვარულის და რომანტიკული ურთიერთობების წელია. თუ მარტოხელა ხართ, გამორიცხულია, რომ ნამდვილი სიყვარული არ იპოვნოთ. შეყვარებულო ლომებო, თქვენ დაქორწინების გადაწყვეტილებას მიიღებთ, ხოლო ვინც უკვე ქორწინებაშია, მისი ურთიერთობა საოცრად მყარი იქნება.

შედარებით სირთულეები გელოდებათ საქმიან ურთიერთობებში. სიყვარულის, რომანტიკული ურთიერთობების გამო მოსალოდნელია, რომ საქმეს აღარ გააკეთებთ ისეთი პასუხისმგებლობით, როგორც გჩვევიათ. თუმცა არ იდარდოთ, ისეთი არაფერი მოხდება, რის მოგვარებასაც ვერ შეძლებთ. 

6. ქალწული - 2019 წელს გაცილებით უფრო მეტი შემოსავალი გექნებათ. თქვენი გამდიდრება აპრილიდან დაიწყება და დიდ ფინანსურ წარმატებას მიაღწევთ. შესაძლოა, სამსახურში დაგაწინაურონ, ან მოულოდნელად დამატებით სამსახური გამოჩნდეს.

სირთულეები გელოდებათ სასიყვარულო ურთიერთობებში, ოჯახურ ურთიერთობებში. მოსალოდნელია, რომ კონფლიქტში იქნებით შვილებთან. თუმცა ეს რთული პერიოდი აგვისტოში დასრულდება და კვლავ იპოვნით ჰარმონიას. 

7. სასწორი - სასწორებო, თქვენთვის კარგი ამბავი გვაქვს. 2019 წელი სავსე იქნება სარფიანი საქმიანი შეთანხმებებით. შესაძლოა ხელმძღვანელ პოზიციაზე აღმოჩნდეთ. ახალი მეგობრები წარმატების მომტან შესაძლებლობებს შემოგთავაზებენ და არავითარ შემთხვევაში არ თქვათ მათზე უარი.

რაც შეეხება ნეგატიურ მხარეს, საშინაო საქმეების მოგვარება გაგიჭირდებათ, რადგანაც სამსახურის გამო უბრალოდ დრო აღარ დაგრჩებათ სახლზე, ოჯახზე ზრუნვისთვის. შედარებით გაგიჭირდებათ ბალანსის პოვნა და ყველამ ვიცით, თქვენთვის ბალანსი რამდენად მნიშვნელოვანია. ოჯახისა და სამსახურის შეთავსება ყოველთვის კარგად გამოგდიოდათ, მაგრამ 2019 წელს ამ კუთხით პრობლემები იჩენს თავს. 

8. მორიელი - ნებისმიერ მიზანს მიაღწევთ, რომელსაც დაისახავთ. მთავარია, რომ მიზანი გქონდეთ. სამყარო მიზნამდე მისვლის, ოცნების ასრულების ყველა შესაძლებლობას მოგცემთ და თან ისე, რომ ზედმეტი ძალისხმევის გამოჩენა არ მოგიწევთ. მნიშვნელოვნად გაიზრდება შემოსავალი.

რაც შეეხება ნეგატივს, გაგიჭირდებათ ადამიანებთან კომუნიკაცია და იმაზე უფრო კონფლიქტურები იქნებით, ვიდრე ოდესმე. 

9. მშვილდოსანი - კარგი ამბავი თქვენთვის ის გვაქვს, რომ 2019 წელს სიყვარულში გაგიმართლებთ. სასწაულებს ელოდეთ თებერვლიდან. ამ პერიოდიდან განსაკუთრებულად რომანტიკულები იქნებით და ხშირად აღმოჩნდებით რომანტიკულ სიტუაციებში. მარტოხელა მშვილდოსნებო, ასტროლოგები ამბობენ, რომ დიდი ალბათობით 2019 წელს დაინიშნებით, ან დანიშნავთ საყვარელ ადამიანს. თუ უკვე დაქორწინებულები ხართ, კიდევ უფრო ბედნიერად იგრძნობთ თავს.

ნეგატიურ მხარეს რაც შეეხება, სამსახურის საქმეებით, სოციალური აქტივობებით კვლავ ძალიან დაკავებულები იქნებით და ოჯახური საქმეებისთვის დრო ნაკლებად დაგრჩებათ, რის გამოც, შესაძლოა ჰარმონია დაირღვეს. მაგრამ ეს თქვენთვის უჩვეულო არ არის. თითქმის ყველა წელს მსგავს სიტუაციაში ხართ და როგორღაც ახერხებთ გამკლავებას. 

10. თხის რქა - მოსალოდნელია, რომ შეიძენთ ახალ სახლს, აგარაკს, რომელზეც დიდი ხანია ოცნებობდით. ფინანსური თვალსაზრისით, თქვენივე გამჭრიახი გონების წყალობით, პრობლემებს მოაგვარებთ. პრობლემები კი 2018 წელს ნამდვილად დაგიგროვდათ. 2019 წელი თქვენთვის ერთგვარად რეაბილიტაციის წელი იქნება.

ცუდი ის არის, რომ შეგაწუხებთ შფოთვა და დეპრესია. იდარდებთ იმის გამო, რომ შესაძლოა საქმე არ გამოვიდეს ისე, როგორც თქვენ გინდათ, მაგრამ აუცილებლად უნდა დააღწიოთ ამ შფოთვას თავი და ნაბიჯები უფრო თამამად და რისკიანად უნდა გადადგათ. 

11. მერწყული - კარგი ამბავი ასტროლოგებს ის აქვთ, რომ ბიზნესსაქმიანობაში წარმატება გელით. ისინი გირჩევენ, რომ აუცილებლად გაითვალისწინოთ პროფესიონალთა რჩევები. განსაკუთრებით წარმატებულები იქნებიან ის მერწყულები, რომლებიც ახალ საქმეს წამოიწყებენ. კომუნიკაციის შესანიშნავი უნარი დასახულ მიზნამდე მიგიყვანთ.

შედარებით ნეგატიური ის არის, რომ გართობისთვის ფული არ დაგრჩებათ. მთელ თქვენს ფინანასებს ბიზნესს მოახმართ, მაგრამ ნუ იწუწუნებთ. გაუძელით და დაგიფასდებათ. 

12. თევზები - 2019 წელს თქვენთვის კარიერული წარმატება გაგრძელდება. მიიღებთ ახალ შესაძლებლობებს. თქვენ ერთ-ერთი ყველაზე ამბიციური ზოდიაქოს ნიშანი ხართ და 2019 წელი მოგცემთ შანსს, რომ ყველაზე ამბიციურ მიზნებს მიაღწიოთ.

ცუდი ის არის, რომ თქვენი საქმეების გამო, შესაძლოა, დაშორდეთ მეგობრებს. აღარ გქონდეთ მათთან ძველებური მჭიდრო ურთიერთობა, რაც თქვენთვის დეპრესიის საფუძველი შეიძლება გახდეს.