სიმართლის მოსმენა ყოველთვის სასიამოვნო სულაც არ არის, განსაკუთრებით თუ ამას პირდაპირ სახეში მოგახლიან. მართალია სიმართლე ყველას გვიყვარს, თუმცა ზოგჯერ დისკომფორტია, როდესაც შეცდომებზე მიგითითებენ.

თანამედროვე სამყარო ყალბი ადამიანებით, გაუგებრობებითა და ტყუილებითაა სავსე. ამიტომ, ახლა განსაკუთრებით უნდა დავაფასოთ ის ადამიანები, ვინც სიმართლეს გვეუბნებიან.

პირდაპირობა ხშირად უხეშობაში ეშლებათ, თუმცა შესაძლოა, თქვენი პირდაპირი მეგობრები, ყველაზე ნამდვილი გულშემატკივრები აღმოჩნდნენ. ეს ადამიანები ბევრს არ ფიქრობენ მიგითითონ, თუ არასწორი მიმართულებით მიდიხართ ცხოვრებაში. ზოგჯერ შესაძლოა პირდაპირ მოგახალონ უსიამოვნო სიმართლე სახეში, მაგრამ მოტყუება გირჩევნიათ?

5 მიზეზი, თუ რატომ უნდა გაუფრთხილდეთ პირდაპირ მეგობრებს და მათში ეჭვი არასოდეს შეიტანოთ:

1. ისინი არ იჭორავებენ და არ ეცდებიან თქვენით მანიპულირებას. ისინი უბრალოდ გეუბნებიან, თუ რა ხდება სინამდვილეში. ისინი მუდამ თქვენი ერთგულები იქნებიან.

2. პირდაპირ ადამიანებს არ უყვართ, როდესაც იტყუებიან. შესაძლოა სიმართლით გული გეტკინოთ, თუმცა ყოველთვის უმჯობესია იცოდეთ. მათ ძალიან უყვარხართ, სწორედ ამიტომ, არ შეუძლიათ მოგატყუონ და უყურონ, როგორ უშვებთ შეცდომას.

3. მათ იციან ხმის ამოღების მნიშვნელობა. მათ არ ეშინიათ, რომ გაკიცხავთ, რადგან დარწმუნებულები არიან, ვინც გიყვარს, სწორი ფორმით უნდა დაიცვა. ილუზიები საყვარელი ადამიანის დაცვის საუკეთესო ფორმა ნამდვილად არაა.

4. ისინი ეცდებიან გამოგიყვანონ კომფორტის ზონიდან და ხელი შეუწყონ თქვენს გაზრდას. როცა დაგჭირდებათ, თქვენს გვერდით იქნებიან, რჩევას მოგცემენ, დაგეხმარებიან და მხარს დაგიჭრენ. ნუთუ მხოლოდ ეს მიზეზი არ არის საკმარისი?

5. ისინი ძალიან გულწრფელი და უბრალო ადამიანები არიან. თქვენ მათთან არასოდეს მოიწყენთ, რადგან მათი ძლიერი პიროვნება, მუდამ სასიამოვნო დაცულობის განცდას შემოიტანს თქვენს ცხოვრებაში.