ნამდვილი მეგობრები ყოველთვის ჩვენს გვერდით არიან, მაშინაც კი თუ კილომეტრები გვაშორებს. გყავდეს გვერდით ადამიანი, რომელსაც ნამდვილ მეგობარს უწოდებ წყალობაა. ყველაზე კარგი გრძნობაა იცოდე, რომ ცხოვრებაში გყავს ადამიანი, ვისაც უპირობოდ უყვარხარ და საუკეთესოს გისურვებს ცხოვრებაში.

მეგობრები - ეს საუკეთესო სიტყვაა, რაც ცხოვრებაში გაგვაჩნია.

ისინი ყოველთვის გულწრფელები არიან

თუ არასწორად მოიქცევი, ნამდვილი მეგობარი პირველი იქნება, ვინც აგიხსნის, რა გააკეთე არასწორად. თუ მას მართლა უყვარხარ, ის არ დაგიმალავს სიმართლეს, მაშინც კი, თუ სასიამოვნო მოსასმენი არ იქნება. უფრო მეტიც, ის ბრუტალურად გულწრფელი იქნება, თუ დასჭირდება.

ისინი ნამდვილი ფსიქოლოგები არიან

მეგობარს შეუძლია მოისმინოს შენი დრამა დაუსრულებლად. ყოველგვარი ბრაზისა და განსჯის გარეშე. ისინი მოთმინებით დაელოდებიან როდის დაასრულებ საუბარს და გემრიელ ჩახუტებას შემოგთავაზებენ. თანაც აუცილებლად მოგცემენ რჩევას, რათა რეალობაში დაგაბრუნონ.

მუდამ ერთად ხართ

შენ და შენი საუკეთესო მეგობარი, ნელ-ნელა სიამის ტყუპებად გადაიქცევით, რადგან სულ ერთად ხართ. შეუძლებელია მოგბეზრდეთ ერთად ყოფნა. იმდენად შეეჩვიეთ ერთმანეთს, რომ არასოდეს მოიწყენთ ერთმანეთთან საუბრით.

არანაირი დრამა!

მეგობართან დროის გატარება, არამხოლოდ სახალისოა, არამედ სტრესისგან თავისუფალი ზონაა. არ არსებობს უაზრო კონფლიქტები და დაძაბული სიტუაციები.

მუდამ გეხმარებიან

მათი სიყვარული გულიდან მოდის და არა საჭიროებებიდან. თუ ღამის 3 საათზე დაურეკავთ, პრობლემის განსახილველად, ისინი აუცილებლად გიპასუხებენ! მათ ყოველთვის აქვთ დრო, სანუგეშო სიტყვები და სიყვარული თქვენთვის.

საუკეთესო მოგონებები გაკავშირებთ

საუკეთესო მეგობრები დიდი ხანია თქვენს გვერდით არიან. ერთად გაიზარდეთ, ისწავლეთ და გამოსცადეთ. მთელი ამ დროის განმავლობაში დაუვიწყარი მოგონებები გაკავშირებთ, რომლებიც არასოდეს გახუნდებიან.

შენ ირჩევ...

ზოგჯერ მეგობრები უფრო ახლობელი ადამიანები არიან, ვიდრე ოჯახის წევრები. ამის მიზეზი ისაა, რომ შენ შეგიძლია აირჩიო ისინი. ახლო, ნამდვილი მეგობრების ვიწრო წრე უფრო მნიშვნელოვანია, ვიდრე დიდი ოჯახი, სადაც შენი არ ესმით.