1. შეიძინეთ პატარა ზურგჩანთა ან ჩემოდანი

ამ შენაძენის წყალობით, თავიდან აიცილებთ ზედმეტი ნივთების თრევას. დიახ, ადამიანებს გვაქვს ბუნებრივი მიდრეკილება, მთელი სახლი თან ვატაროთ. მაგრამ, მოდით ვიყოთ გულწრფელები - სამოგზაუროდ ჩალაგებული ჩემოდნის ნახევარი, უბრალოდ არ გვჭირდება!

2. თან წაიღეთ დამატებითი საბანკო ან საკრედიტო ბარათი

ყველაფერი ხდება. არაფერია გამორიცხული. ამიტომ მნიშვნელოვანია, რომ მუდამ ატაროთ მოგზაურობებში დამატებითი ბარათი და შემდეგ ის სასტუმროში, ჰოსტელში დატოვოთ. რატომ? დაგვიჯერეთ, ნამდვილად არ გსურთ უცხო ქვეყნის უცხო მოედანზე ჯდომა, ფინანსებზე წვდომის გარეშე.

3. დააკვირდით ადგილობრივების ყოველდღიურ ცხოვრებას

თუ თქვენ ნამდვილად გსურთ, რომ ადგილის პულსაცია შეიგრძნოთ, დააკვირდით ადგილობრივების ყოველდღიურ ცხოვრებას. ამისთვის, რამდენიმე საათი გადით პარკში ან ჩამოჯექით ქალაქის მთავარ მოედანზე. უბრალოდ დააკვირდით, როგორ მიდის ადგილობრივი ადამიანების ყოველდღიურობა.  

შეანელეთ თქვენი აზროვნების ტალღა და ყურადღება მიაქციეთ თქვენს გარშემო არსებულ დეტალებს. სუნები, ფერები, ადამიანთა მიმიკები და ხმები. ეს არის ერთგვარი მედიტაცია - და თქვენ დაინახავთ იმას, რაც აქამდე არასოდეს შეგიმჩნევიათ - სხვა ცხოვრებას!

4. შეანელეთ დრო და ისიამოვნეთ მოგზაურობით

გთხოვთ, ნუ ეცდებით 6 ქალაქის 6 დღეში მონახულებას. ყველაფერი კარგი მაშინ ხდება, როდესაც მისი შესწავლის დრო გაქვთ. ნახეთ ის მუზეუმი, რომელიც თქვენს გეგმაში არ ყოფილა; წადით გრძელი გზით და ესაუბრეთ უცნობ ადამიანებს, სრულიად უცნობ ენაზე.

გულწრფელად რომ გითხრათ, არც ერთი მოგზაურობის არც ერთი საუკეთესო მოგონება, ჩასვლის პირველ დღეს არ უკავშირდება. ამიტომ, რატომ ჩქარობთ? თუკი თქვენი ცხოვრების ყველაზე დასამახსოვებელი მოგზაურობა გსურთ, ჩვენი რჩევა მარტივია: გაატარეთ მეტი დრო ნაკლებ ადგილას!

5. გადაიღეთ მრავალი სასაცილო ფოტო

გაითვალისწინეთ, რომ ამ ადგილას, შეიძლება ცხოვრებაში მხოლოდ ერთხელ აღმოჩნდეთ. აი ამ ადამიანს, შესაძლოა მხოლოდ ერთხელ შეხვდეთ. ამიტომ, დაიმახსოვრეთ ყველა დეტალი - გადაიღეთ რაც შეიძლება მეტი ფოტო. სინამდვილეში, მოგზაურობის მთავარი სუვენირები ხომ ფოტოებია.

უბრალოდ გაითვალისწინეთ, რომ კადრის გადაღების შემდეგ, მნიშვნელოვანია, რეალურად შეიგრძნოთ გარემო.

6. გამოდით თქვენი კომფორტის ზონიდან

გამოიწვიეთ საკუთარი თავი, დაელაპარაკეთ უცნობ ადამიანებს, გასინჯეთ ყველაზე უცნაური საკვები, დააგემოვნეთ ეგზოტიკური ხილი და იყავით ის, ვინც ყოველთვის გინდოდათ, რომ ყოფილიყავით. დაიმახსოვრეთ, აქ არავინ იცის, ვინ ხართ სინამდვილეში, ამიტომ შეგიძლიათ მთლიანად გამოიგონოთ საკუთარი თავი!  

აქვე შეგახსენებთ, რომ საქართველოში პირველად, მომხმარებლებს შეუძლიათ სწრაფად და მარტივად, PayBox-ის ნებისმიერი ტერმინალიდან, განსაკუთრებულ ფასად შეიძინონ Georgian Bus-ის სამგზავრო ბილეთები:



ქუთაისის საერთაშორისო აეროპორტი – თბილისი ან პირიქით – 15 ლარი (25 ლარის ნაცვლად)
ქუთაისის საერთაშორისო აეროპორტი – ბათუმი ან პირიქით – 15 ლარი (20 ლარის ნაცვლად)
ქუთაისის საერთაშორისო აეროპორტი – ქალაქი ქუთაისი ან პირიქით – 10 ლარი (15 ლარის ნაცვლად)

ბედნიერ მოგზაურობას გისურვებთ!