როგორ უნდა მიხვდეთ რომ იპოვეთ ის, ვისაც ეძებდით და რომ ის ნამდვილად თქვენი ადამიანია? ამაში, უპირველესად, თქვენი შინაგანი სიბრძნე დაგეხმარებათ, მაგრამ არსებობს რამდენიმე ნიშანი, რომელიც მიგახვედრებთ, რომ ის თქვენი ადამიანია.

1. მასთან შეგიძლიათ იყოთ საკუთარი თავი

მასთან კომფორტულად ხართ. შეგიძლიათ გაუზიაროთ ყველაფერი და არ ინერვიულოთ იმაზე, რომ თქვენს აზრს უარყოფს. თქვენ არ გიწევთ ემოციების დამალვა. შეგიძლიათ თავისუფლად გამოხატოთ სიყვარული. ისაუბროთ თქვენს მეგობრებზეც ისე, რომ არ იფიქროთ, ამაზე იეჭვიანებს.

2. ცდილობს, ღიმილიანი იყოთ

თუ მას შეუძლია თქვენი გაღიმება, ეს კარგი ნიშანია. ის ცდილობს ბედნიერი და ღიმილიანი იყოთ.

3. ბევრნაირად გამოხატავს სიყვარულს

ის ზოგჯერ სიტყვებით და ქმედებებით გახვედრებთ, როგორ უყვარხართ. ზოგჯერ უბრალოდ თვალებში გიყურებთ და ჩუმადაა. ხან გეხუტებათ, გიკეთებთ სიურპრიზებს. გეხმარებათ საოჯახო საქმეებშიც.

4. თქვენ მისი ყურადღების ცენტრში ხართ

თქვენ ხართ მისთვის სამყაროს ცენტრი და სხვა არაფერი აინტერესებს, როცა ერთად ხართ.

5. არ მალავს სიყვარულს

ის ღიაა ემოციებში და არსად მალავს, რომ უყვარხართ.

6. პატივს სცემს თქვენს ღირებულებებს

თქვენი ღირებულებები, იქნება ეს რელიგიური, ქცევითი, ეთნიკური თუ პოლიტიკური, მასში პატივისცემას იწვევს, აფასებს თქვენს მსოფლმხედველობას.

7. გეხმარებათ იყოთ საუკეთესო

გიყვარდეს სხვა ადამიანი, ნიშნავს მისთვის საუკეთესო გსურდეს. თუ ეს ადამიანი თქვენი სულიერი მეგობარია, ის მოგიწოდებთ იყოთ ის, რაც შეგიძლიათ იყოთ. გეხმარებათ იყოთ წარმატებული და საუკეთესო.

8. აკვირდება რა გიყვართ

ის დიდ ყურადღებას აქცევს იმას, რა მოგწონთ, რა გსიამოვნებთ. ყურადღებით აკვირდება თქვენს გემოვნებას.

9. აღიარებს შეცდომას

მზად არის აღიაროს შეცდომა და პასუხისმგებლობა აიღოს თავის ქმედებებზე. მას არც ბოდიშის მოხდა უჭირს.

10. ოჯახი და მეგობრები

თქვენი პარტნიორი პატივისცემით ეპყრობა თქვენი ოჯახის წევრებს, მეგობრებს და არასოდეს გიშლით მათთან კომუნიკაციას.

11. გეხმარებათ პიროვნულ ზრდაში

ის მზადაა დაგეხმაროთ პიროვნულ ზრდაში. ან უკეთეს შემთხვევაში, ხელს უწყობთ ერთმანეთს პიროვნულად გაზრდაში, ერთმანეთის უკეთ გასაცნობად.

12. საერთო და განსხვავებული ინტერესები

თქვენ გაქვთ საერთო სულისკვეთება და შეხედულებები, თუმცა რიგ საკითხებში განსხვავებული ინტერესები გაქვთ, ეს მისასალმებელიცაა. თქვენ რომ ზუსტად ისეთი იყოთ, როგორიც ის არის, ეს ურთიერთობა მოსაწყენი იქნებოდა.

13. თქვენი ოჯახი და მეგობრები

თუ თქვენი ოჯახი და სამეგობრო წრე უკმაყოფილებას გამოთქვამს თქვენი პარტნიორის გამო, არ გაწყენთ ყურადღებით მოუსმინოთ მათ გონივრულ რჩევებს და გაითვალისწინოთ. პატივი ეცით თქვენს უახლოეს ადამიანებს.

და ბოლოს,  თუ ჯერ კიდევ ვერ იპოვეთ თქვენი სულიერი მეგობარი, მოუსმინეთ საკუთარ თავს. გაიგეთ, რა გიყვართ, რას მოაქვს თქვენთვის ბედნიერება, სიამოვნება და კმაყოფილება.

დაიწყეთ მოგზაურობა საინტერესო თავგადასავალში მშვიდი გონებით, ღია გულით და როდესაც დატკბებით საკუთარი თავით, მხოლოდ მაშინ შეძლებთ სულიერი მეგობრის პოვნას. ეს უკანასკნელი კი  დაგეხმარებათ, იყოთ საკუთარი თავის საუკეთესო ვერსია.